لحوائيات مكه المديدة بالدخن

بصراحة انا من مكة بس اول مرة اسمع بدي الاكله ان شاء الله البنات يفيدوكي ويفيدونا

سويت تسجيل دخول عشان خاطرك
مديدة الدخن خاصة بالسودانيين إما صديق زوجك سوداني أو ماخذ الوصفة من سوداني المهم الطريقة بالمقادير مع كل كاسة حليب ملعقة كبيرة دخن والسكر حسب الرغبة_وكمان اعطيك معلومة مهمة _لازم تحفظي الدخن بالثلاجة لأنه إذا تركتية برة بيصير مرر_وتاكلوها بالعافية وطبعا الفائدة من هذي المديدة إنها(تقوي الجنس عند الرجل كأنها فياجرا

رفع

أنا اللي اعرفها كمان بالدخن ولبن الإبل او أي لبن عادي
بس مدري هي او لا

لكن متأكدة ان طعمها راح يعجبكم 100%
انا ماأكلها وماأحبها لكن الناس اللي عندي وكل اللي ساكنين جنبي والحارة كلها ماشاءالله يحبوها وياكلوها
ماشاءالله عليهم
طريقتها :
بدون مااقيس لان المطبخ بعيد :( وانا بنام ومافيني اقوم وكمان الكل نايمين مااقدر اطبخ عشان اصور خخخخخ

لكن ولاتزعلي ترى مرة سهله

بسم الله

نفس الدقيق الأبيض لكن هنا بدال الدقيق الابيض نحط دخن

تعجني دخن مع موية وشوية ملح
وتكوري العجينة بيدك

تسخني صاج وتفردي عجينة الدخن عليه بدون ماتحطي زيت او اي دهون تبلي يدك بموية عشان تفرديها وتساويها من فوق
والافضل يكون صاج تيفال عشان ماتلصق

وترخي النار على اقل درجة وتخليها تستوي براحتها
وتقلبيها عالجهة الثانية لحد ماتتحمر شوي من الجهتين

والوقت اللي هي تكون عالنار كمان تسخني اللبن يعني لازم يكون اللبن ساخن

وبعد مايخلص الدخن تجيبي زبدية كبيرة او قدر وتقسمي قرص الدخن أربع اقسام
وتحطيه في القدر بعدين تصبي اللبن عليه لحد ماتغطي نصه يعني مو تصبي كل اللبن
يعني حطي كاس ونص او كاستين لبن على القرص وابدأي فتتي القرص

وتستخدمي يد الهاون عشان تفتي القرص مع اللبن
وتزيدي لبن اذا كان ثقيل مرة

لحد مايصير معاك زي الخليط وفيه قطع صغار

طبعا الدخن يتفتت بسرعة في اللبن

وبعد ماتنتهي تصبي شوي في صحن الاكل المجوف لانها زي الشوربة تنأكل بملعقة او عادي باليد الرجال يحبو ياكلوها بثلاث اصابع :)
وتحطي سكر عليها

في ناس تحبها بدون سكر لان يقولوا لبن الإبل طعمه حلو زي السكر


ذا اللي اعرفه :) اتمنى اكون افدتك

دعواتكم لي بالتعيين

فديت الي ردو علي ماقصرتو

ايه انا حاطه الدخن بالثلاجه

واتوقع هو فيه عرق افريقي يعني اجداده مو سعودييين

وهي زي ماقلت لكم لبن ودخن ومويه وسكر وتنخلط مع بعض عالنار تصير كانها شوربه واتوقع رشة هيل


يسلموووووو مره ثانيه