غزال الشعب


ياحبيبتي والله ان دمج عسل على قلبي خفه وظرافه :)

كل اللي بصدرج قوليه ولاتستحين مني ..

الحياء فينا كلنا .. بس في تفاوت بينا .. بالبدايه نستحي ونرجف بس مع الايام تتعودين والحياء مطلوب بكل شي بالكلام والتصرفات .. بس مشاعرج قوليها بكل رقه وحنان وخجل يعني انتي ماراح تتخلين عن الخجل ياحياتي بس لازم نعبر عشان نحس بطعم الزواج والحب الحقيقي .. ونفرح ومانكتم احاسيسنا لان الكتمان قهر ومرض نفسي

حتى انا قاعده اغير نفسي للاحسن وما ارضى باي عيوب فيني لازم اغيرها او اقلل منها بالبدايه .. بالتدرج كل شي يصير

لا لا ديري بالج تصيرين بليده الاحساس :icon33: بعدين تكرهين الحياه كلها وماتحسين بشي وهالشي خطير جدا .. والزوج حتى لو خشن يحب زوجته كلها مشاعر وماتصدقيني لو قلت لج ان الزوج يتعلم منج هالاحاسيس مثل ما يتعلم الطفل من امه لغة الكلام فهمتيني

بالنسبه للكلام الحلو وانج ماتقدرين تقولينه اول شي بكون صعب بعدين بصير عاده حلوه بحياتكم .. ابتدي حبه حبه على قدج .. اول الكلام الحلو

1- يكون بالشكر .. تسلم .. مشكور .. تسلم هالايدين .. الله يخليك لي .. الله يسلم عمرك وحياتك .. فديت عمرك .. يا بعد كلي .. يا كل من لي ماتقصر

ابتدي بالشكر بعدين لما تتعودين راح اتقولين اكثر وماعتقد الشكر تستحين منه بعد .. لازم ياحبيبيتي يسمع كلمه طيبه منج عشان يسمعج اياها مع الايام صح ياعمري!

2- بالابتسامات الحلوه .. الهاديه

3- الروح الحلوه والطيب يكون باصلج

4- بالنظرات اللي كلها حب ورضا عليه

5- اتطيبين خاطره بالكلام الحلو اللي ينسيه طعم الحليب اللي شربه واهو صغير خخخ

6- الغزل آخر شي لما تتعودين على زوجج

ولا كلش الا السب حتى لو ماتقصدين راح يزعل منج وياخذ بخاطره

فديت عمرج والله حلاة الموضوع كله انتي وسوالفج لووول عسل على قلبي

والله يخليه لج ولا تسمعين منه الا كل كلمه حلوه تنسيج الزعل والحيا انشالله خخ

وتصيرين احلا زوجه بعيونه :) يارب

نــور الـلـيـل

بكمل يانور عيوني انتي :)

قهوة فرنسيه

يا حلوج والله ضحكتيني اذا الموضوع محذوف اشلون يعطونج اللنك خخخخخ دمج خفيف والله

وسلامة عمرج من القهر .. وكل اللي قلته برجع اقوله لكم ان شاء الله


المها

فديت هالتركيز ياربي يا حلوكم


بنت النور7

حياتي انتي سلامة عمرج ولاتزعلين انا بعد زعلت بس عشانكم رجعت :)

والطريقه اتعرفها كليوباترا ياقلبي ماعندي فكره عنها حبوبه

لحظات وداع

الله يخليج على هالكلام وسام على صدري وهالدعوه اتمناها لج ولكل البنات يارب يسعدكم

ويوفقكم ويرضا عليكم يارب وين ماتكونون وينور بصيرتكم وقلوبكم بكل الخير

وعندي اخت بنفس صفاتج ياقلبي والله يعطيج على قد نياتج

ولاتخافين ياعمري الرجل عباره عن جهاز كامل عليكي اكتشاف مزاياه وعيوبه

ونقاط ضعفه تستغلينها بالشكل المباح والحلال .. بمعنى اتعرفين شنو يحب وشنو يشتهي وتسايرينه

بس مو على حساب حقوقج ليما حقوقج لازم تحطين حد ويفهم انج ماترضين الا بالصح والخير لج او له

وفديتج ولايهمج كلامج كبير اعتبريني اختج واكثر واللي بقلبج قوليه يا بعد عمري انتى

فديت عمرج لاخلا ولاعدم والله لا يحرمني من امثالج يارب ياكريم:)

مهاء

لووول يا حلاتج بس عسل والله

واتمنى لج حياه كلها سعاده وفيض من الانوثه

والله يبعد الدفاشه عنج وعنا جميعا يارب

والف شكر على ذوقج وعلى الدعوه يا بعد عمري مشكوره ياقلبي

:)