ام القمرين

الله يسمع منج واملك نساء الكون اتمنى :) وايد قالوا لي فيج الانثى والطفله والابنه والام والحمدلله هذي نعمه

ولايهمج ياعمري الريال اللي كله مكشر اكيد يضايق بس خليج اشطر .. رتبي امورج وبيتج وخلي كل شي يشرح النفس وطولي بالج عليه .. وقبل لا يوصل اخذي شور وحطي كريم مرطب ريحته حلوه على كل جسمج وحطي عطر ريحته خفيفه ومنعشه مايكون مركز او قوي لازم يكون خفيف ومنعش

ولو مو رايق خليج الرايقه لاتكلمينه قولي هلا تو مانور البيت لو قال كلمه مو حلوه قولي وي وي وي اشفيه عمري متضايق عسا هالضيجه بصدري عشان ارتاح

وروحي زهبي له الغدا او اي شي يبيه وخلي بالج طويل لقال كلمه شينه قولي الله يسامحك

خليه يهدا .. قولي له هدي اعصابك يا كل من لي

قربي منه لشفتي مزاجه رايق وحلو قولي له كل اللي بخاطرج ولاتسولفين عن المشاكل قوليله اشتقنا لناس بس مو حاسين فينا .. لو رد حلو هني فرصتج تكسبينه بكل طريقه وبكل كلمه حلوه ولو كلمته شينه قولي اي لنا الله .. وخليج متكدره شوي مثلي مثلي عليه عشان ينكسر خاطره عليج .. انتي بس ريحي بالج . . وحاولي تريحينه بالمعامله الحلوه والكلام الحلو

قولي له انا من لي غيرك انا من دونك اضيع .. انت كل من لي انت زوجي وتاج راسي

:) واي خدمه انا حاضره ياعيوني

مهاء

المنتدى كل نورا من هالطله الحلوه .. ومشكوره على هالكلام

يا بعد قلبي .. انا مدرستك خخخ اي عفيه عليج تعلمي تعلمي ورانا دنيا

:)

ام عبدالرحمن

النتائج مضمونه باذن الله .. ولو انه صخر بلين بالمعامله الحلوه

وليش تنسين وتظهر الشخصيه الحقيقيه خخخ

لا التمثيل ما يكون بالاحساس

وبعدين ليش التصنع حسي الشي بتطلعين سحر لان الصدق اهو معنى الجمال الحقيقي وراحة البال بالعشره الطيبه

التمثيل هذا يكون بس بالحيل .. والشطاره انج تخلين عيوبج مزايا بعيونه

ولو ما يحس راح يحس وخليكم واثقين وبتوصلون للي تبون :)

حواء قولي آمين ياجعل ربي يسعدك وينورلك طريقك ويعطيك كل ماتتمنين
عندي سؤال ثاني:انا اليوم متخانقه مع زوجي وهو نام ولاعبرني وطبعا بكره الصباح لازم انا اقوم واسوي له الفطور ولانه مزعلني ماكو فطور..............تأديب
علميني كيف ارجع المياه لمجاريها لاني بكون عند اهلي في الوكي أند وهو عند اهله (مناطق مختلفه)ابغاه يشتاق لي وانا هناك مايقول فكه منها علة قلبي<<<<<<<<<<<<وحده تعرف نفسها

اغراء الزوج ومسايرته

يختلف مفهوم الاغراء بين الناس لكن سأحكي لكم عن مفهوم الاغراء عندي

الاغراء يكون بجمال الذوق بالاختيار والتقديم والتصرف

الاغراء يكون بالحركات الخفيفه والرقيقه والمحاسبه على طريقة التعامل وانج تحسبين كل تصرف قبل لاتسوينه ويكون تفكيرج سابق لتصرفاتج .. لاتحطين نفسج ابدا بمواقف الندم .. او بمواقف محرجه


اي اشلون!

كل وحده تدرس زوجها يكون كتاب مفتوح جدامها تقرا كل مافيه وتمشي معاه وتمشيه على ماتبي .. تبتدي من اصغر الامور لاكبرها .. ولا تبتدي باكبرها لان بتكون صعبه وايد .. تختلف طريقة اغراء الزوج حسب طبيعته واذا كان متفتح او مايحب الانفتاح الزايد ..

اولا

ابحثى عن نقاط التوافق معاه وانسجمي فيها .. وابتعدي عن ما تختلفون عليه .. ولما يقول لج انا ماحب هالشغله تعايشي معاه وسايريه بمستواه الفكري بدون لاتوافقينه يعني تقولين فاهمه عليك بس انا افضل جذي وجذي .. ولو هذي تكون بهالطريقه بتكون احلا ..

يعني فهميه وجهات النظر بدون الاختلاف معاه .. لو كان معصب قولي معاك حق بتكون هالكلمه مثل الماي اللي يطفي غضبه .. بعدين قولي وجهة نظرج وهذا ما يعتبر تناقض هذي مسايره يعني .. اخذيه على مستوى تفكيره

وبعدين فهميه ان تفكيرج يختلف لكنج حاسته وحاسه بكل مافيه وفاهمته

المسايره تكون بارضائه .. يعني لا تخلينه يعصب .. ولو عصب ممكن تنفعلين غصب بس خل يكون الانفعال بعيد تماما عن التلاعب بالألفاظ والتجريح والمعايره ولو كان اهو جذي عودي ان هذا شي يبعدنا وان هالشي مو حلو وانج تكرهينه وانج ماترضين تجرحينه بكلمه .. لان واجب علي احترمك .. مع الايام بتفرضين احترامج عليه .. مافي شي ايي بيوم واحد

:)


باللحظات الخاصه كوني ودوده لطيفه .. ارفضي بلطف وذوق .. وتمنعي باستحياء .. وتكلمي بهمس وطالعي بنظرات حاده وبعدين طالعي بمكان ثاني يعني لاتركزين عيونج عليه بكل لحظه لو قال طالعيني طالعيه بس لا تطولين النظرات في اللحظات الحميمه

خليج حنونه ورقيقه .. وتعاملي بكل الذوق

اللي تبينه خليه يحسه بدون لاتطلبينه

الاغراء يكون باللبس والرائحه الجميله والانفاس العذبه والمنعشه لاتخلين عينه تطيح على شي موحلو .. خصوصا من ناحية النظافه .. خلي يشوفج ورده عطره بكل وقت وهالشي مو صعب لو خذيتي شور الصبح .. وبعد الغدا قبل لايوصل شور .. وبعد العشا شور .. والبخور والعطور انتوا اتعرفون اوصوله طبعا

دايما جدام عيونه قعدي باسلوب حلو وخلي قوامج مشدود .. والصبح بعد الفطور بساعه سوو تمارين رياضيه او الفجر بعد الصلاه .. اشعندكم ؟ اهم شي اللياقه

وقت ماتنامين لمسي عليه بحنان مو لغرض لا بدون اي غرض خليج دايما قريبه منه نامي بحضنه ونوميه بحضنج بدون مقابل لو اهو مايسويها

قولي بحب وبراءه تعال تعال بحضني قبل النوم وخلي ينام على ايدج وبوسي راسه ولمسي على راسه بكل حنان راح يتمنى ان ما يصحي بس يمكن يكابر ما يقولج بس بشطارتج تطلعين الكلام قولي انا حاسه بالدفا والأمان بقربك انت شحاس فيه الحين وخلي كلامج همس وناعم والروح كلها دفا .. راح يرد عليج .. وردي من الروح .. روح تخاطب روح بدون تفكير ساعتها بتحسين بفرحة الدنيا بهاللحظات

دايما حسسي الزوج ان طفلج الرضيع المدلل .. وحسسيه دايما ان مفضل على اطفالج وان طفلج الوحيد .. العيال عطيهم طاف خخخ ليما يطلع دلعيهم على كيفج . .لو كنتي زعلانه سوي العكس اهو طاف واهما دلعيهم لوول


بعد عندي كلام وايد وايد .. بس موعارفه شقول او اخلي :)

بناء على رغبات البنات تطرقت للنقطه هذي

اللي اهي ( تمنع الزوجه ) على زوجها

طبعا التمنع يكون في حالات .. احيانا تتمنع المرأه نتيجه التعب والارهاق وتكون صادقه في تمنعها لكنها تواجه حرج كبير انها تقوله انا ما ابيك اليوم وبيني وبينكم هالشي صعب جدا.. لان الرجل تظل في نفسه حزازه ويشيل بخاطره مما يؤدي ان مايطلب من زوجته مره ثانيه وياخذ موقف منها وهالشي ينطبق على بعض الرجال مو كلهم .. في منهم اللي يتفهم وفي اللي مايحاول يتفهم

وفي تمنع يكون تمثيل وهي تدعوه لها بهذا التمنع .. وهالنوع من التمنع يجعل الرجل يبادر بطرق هجوميه بدأ بالمداعبات من اصغرها الى اكبرها .. ويستمتع كثيرا حين يشعر ان زوجته تتمنع واهي راغبه في وصاله

ويستمتع اكثر في حالات التمثيل المباشره .. والإستغباء والتلاعب البريء والغير بريء في بعض الاحيان

ويختلف الاحساس فيه حسب الانثى وطريقتها في جذب زوجها لها

وهناك نوع من التمنع يكون ناتج عن الزعل .. يعني الزوجه تكون زعلانه من الزوج ولاتريد ان يحصل بينهم اي نوع من الاتصال الجسدي كنوع من العقاب لان الرجل يحتاج الا الوصال الجسدي بطبيعته وغريزته اكثر من المرأه غالبا



:)

سأبدأ بذكر بعض النقاط والأمثله

ان كانت الزوجه تعاني من ارهاق جسدي او تعب .. او اجهاد نفسي وذهني فلتعتمد عالمصارحه ولا تضغط على روحها لاتقولون لزوجج مباشره ما ابيك ولاتلمسني

لا لا غلط ..

لقرب منج ونام يمج اهمسي باذونه قولي هلا بروحي وعمري وكل جمال الدنيا .. ولمسي على ايده وحاولي تنامين بحضنه طبعا بنفس الوضع وانتي نايمه لو حسيتي ان يرغب بالجماع معاج لمسيه بحنان وحب ونامي على صدره برقه وخفه وقوليله حبيبي كان ودي وشوقي اكبر من شوقك لكني حاسه بتعب .. وحاسه بقهر لاني تعبانه ولاقادره البي رغبتك ورغبتي ( يعني فهميه انج تبينه مثل مايبيج عشان مايحس بحرج) واحرصى ان ماتنامون بعاد عن بعض لو عطاج ظهره ينام بعد دقايق قليله قربي منه سواء قاعد او نام .. وحطي ايدج على خاصرته وتدفي بقربه واحضنيه خلي بطنج لاصق بظهره وانفاسج يم رقبته او اذونه وتنفسي بهدوء ورقه .. وحطي ايدج في بعض الاوقات على كتفه ولمسي عليه بحب ورغبه وحنان

لان راح يحس بحبج وحنانج لو ماقلتي :)

وخلي كل يوم لج طريقه بالتقرب

1- تنامين على صدره

2- ينام بحظنج

3- ينام على ريولج او العكس

4- وتنامين بحضنه

وتتبادلون طرق الاحتضان والحب كل يوم بدون تخطيط كل ماتشعرين بشي بادري بالعاطفه على طول واهو راح يبادر في القبلات واللمس والهمس والغزل .. و ... ألخ


في حالة التمنع بالزعل و في يوم تكونين في زعلانه مثلا .. لاتسلمين بسهوله .. خاصميه عطيه ظهرج لو تحرش فيج شيلي ايده برقه وحطيها عليه .. لو كلمج قولي نعم بطريقه فيها زعل بس بطريقه حلوه بدون صوت عالي ولاشد خلي صوتج حنان يمتزج في السحر لاتمثلين ابدا بس حسي بنفسج وتدللي عليه لا حاول يتمادي ابتعدي عنه راح يتمادى اكثر قولي لا لا لا .. خلي التمنع لطيف راح اييننن عليج .. ويحسج انثى حتى وانتي زعلانه مثل العسل بتكونين .. قولي يا ماصخ .. لو مصخها معاج .. قولي ماحاجيك انا زعلانه عليك .. هذا اذا عطاج قيمه ودلعج لو ماعطاج قيمه جافيه لاتكلمينه هم راح يفقد صبره .. خلي الكلام قليل والتعبير واصل .. خلي العتب يشتغل عليه عشان مايرتاح .. وتغطي على اساس بتنامين عاد كل شي يعتمد على رغبتج لو رغبتي فيه خليه يطيح بشر اعماله يعني اهو اييبه لنفسه :D

لو ماتبينه خليج صامده قولي لاتحاول انا زعلانه منك لاتقرب مني وترى الزوج يحب البنت اللي صج تكون بنت مايسمع منها كلام يخدش رجولته او يخدش حياءه او حيائها .. راح يغليج وما يفرط فيج مع الايام

وكل مايزيد الزعل تزيني اكثر يعني خليج باحلا وانعم صوره ترى حتى لو البنت مو جميله يكفي تكون نعومه راح يحس كل الجمال فيها سكن

خلصنا الحين من الزعل

اما لو كنتي راضيه عليه واهو زعلان عليج عاد تتمسكنين عليه .. من الكلام المعروف ويكون كلامج همس

حياتي مادريت .. ماكنت بوعيي تلصقي فيه بطريقه ناعمه واهو نايم اهمسي باذونه

اذا رده يقهر عضي اذنه برقه وشديها باغراء لاتعورينه قولي اي ليش وخلي صوتج في ذوبان كأنج بتموتين عليه :D

لو لاسمح الله عطاج رد جافي اتحولي 180 درجه بعدي عنه بهدوء لاتقولين ولا كلمه نامي الناحيه الثانيه .. وتغطي واكيد بتكونين مقهوره انصحج تبجين بعد دقايق قليله وحطي روحج ماتبينه يدري اكتمي انفاسج وخليها تبين يعني مثل اللي تاخذ نفس وتبجي عارفين علي ( تشهقون ) يعني خخخ .. مثل الاطفال بس بصوت مو مسموع لو ماسمع علي شويه لقال تبجين لاتردين وامنعي الصوت بالمره لو اهتم كان بها زيدي جرعة الزعل والدلع بس لا تكثرين حجي قولي انا كان كل اللي بخاطري انك ترضى علي مابي من هالدنيا الا رضاك بس ردك كان جاسي وابجي بزياده خخخ يمكن يحن عليج .. لو نام وماحس حسسيه بطريقتج مثلا نامي يمه اخذي ايده خليها قريبه من ويهج ونامي عندها وخلي الدموع تحوشها لو حس تكونين ممثله بارعه

ووصلتي للي تبينه :) بس خليج ذكيه لاتبينين له ان لج قصد يعني عيشي الدور وجسديه لاتمثلينه فهمتوني

خليه يحس باي طريقه ولاتيأسين لو ماهميتيه اليوم يمكن يكون زعله قوى بس مع الايام بلين لو كان حديد جدام رقة هالمشاعر الجميله اللي تحلي الحياه الزوجيه

:)

اما لو كنتي ترغبين فيه واهو يرغب فيج بس موقادره تقولين ابيك واهو مو ملاحظ هالشي ومتردد ممم

في طرق عديده لجذبه تابعوني واتعرفون اشلون :39: