رحاب الحق

الحمدلله ان الموضوع نال اعجابج يا حبيبتي .. وهذا اهم شي :)

والله يخليج على هالكلام الحلو .. والله هذا من ذوقج الراقي

والله يديم عالجميع المحبه ان شاء الله

وانا اصير اخصائيه ! والله ياليت بس اعتقد ان خبرتي لاتزال ناقصه واتمنى اكون ملمه في كثير من الأمور ادعوا لي اني اكمل كل النقص الموجود عندي

فمن يقتنع لا يوصل لشي للأسف .. وانا في بالي 100 شغله وشغله

شوفي ياقلبي انتي دلوعه ونعومه لم اتكونين هاديه وهذا شي جميل واهنيج عليه

لكن الاهم تكونين انعم لعصبتي وهني المحك الحقيقي للنعومه اللي الزوج من خلاله ممكن يحب حتى زعل زوجته او ممكن يكره عيشته من النكد

فهمتيني

انتي قلتي لو اهو الغلطان تصيرين انتي الغلطانه شفتي اشلون ! يعني كلامي صح اميه اميه .. وليش تعطينه مربط الفرس وتخلينه يتحكم فيج ! ويوجه لج كل الكلمات الجارحه ..

شوفوا يابنات البنت الشاطره ماتعطيه فرصه يتعدى معاها هالخطوط

لاتقولون عصبي ومزاجي .. كلنا الخليجيين دمنا حار .. لكن خليج ثلج يطفي ناره لاتصيرين نار واهو حطب ويزيد الاشتعال بحياتكم كلها

ونصيحتي لج تكونين رزينه وراكده هدي من نفسج .. فكري وايد وانتي بروحج راجعي نفسج .. اوعدي نفسج ماتكررين هالشي مره ثانيه ولو غلطتي خلي الندم جدام عيونج وصلحي الغلط ولاترجعين له مره ثانيه

ومثل ماقلت لج الريال يتطبع بطبع زوجته .. لشافها هاديه صار الجو هادي لو كان عصبي وشافج ما تحطين راسج براسه خفت العصبيه

بس مو معناته تصيرين طوفه هبيطه او مداس تحت ريوله لااااااااااااااااااا ديرو بالكم ترى انتوا تندمون لازم يكون في حياتكم حوار وراح اتطرق لهالموضوع من خلال ردودي التاليه

ولاتخربون ازواجكم بايدكم !

ومشكوره ياعمري وحابه اقولج عن حل بسيط جدا جدا

بخصوص اللبس المغري وان عندج ولد عمره 12 سنه الله يخليه لكم ان شالله

لا تلبسينه الا لدخلتي غرفه النوم .. وانتي طالعه لو الولد يبي شي طلعي ولبسي روب فوق لبسج ترى بسيطه ماتحتاج تعقيد

الحلول بسيطه جدا .. جدام الزوج تخلعين .. ولفتحتوا الباب لبسي الروب على قميصج ويكون طويل وتنتهي المشكله صح!

ولاترضخين للغلط ولاتخلين عن رغباتج دام انج قادره ترضين كل الاطراف بشوية ذكاء بس

ومثل ماقلت لج الاغراء يعتمد على اسلوب الزوجه بالجذب حتى لو كانت لابسه خيشه خخخ هم بشوفها اغراااااء وفتنه

والله يعافيج ياقلبي ومشكوره دمج انتي العسل :)

um sa3oodi

هلا ياعيوني .. انتي الروعه والله وتواجدج الي نورني :)

شوفي حبيبتي الرجل لو قال حق زوجته تعالي ابيج تلاقينها كرهت حياتها لان العمليه تتم بشكل عملي وجسدي بحت بعيد عن العواطف اللي المرأه تحتاجها اذا احنا النساء نكره الاسلوب المباشر ونفضل القبلات والاحتضان واللمسات

فما بالج بالرجال !

دائما ابحثى عن مايثيرك كامرأه ستجدين العكس بالرجل تماما نظرا لاختلاف الكلي في طبيعتهم

الرجل يعشق الاسلوب الغير مباشر .. ( اولا ) يكون غير مباشر

حتى يتم الاعلان عن هذه الرغبات ثم يبدأ عنده احساس آخر

واهواشتياقه لان يكون الاسلوب مباشر في هذه اللحظه .. وتلاقينه يترجى ويقول ويطلب لكن الانثى الذكيه اللي تماطل وتزيد في شوقه اكثر وتخليه على نار

فيشعر بضعفه وتشعر هي بانوثتها

وهذي طبيعتهم وفطره فيهم وكل واحد فيهم يعبر بطريقته فالانثى الذكيه تشبع احساسها عن طريق انها تتلاعب في مشاعره ومن ثم تغدق عليه بكل مايحب

واهو يعشق ان يشعر بانك انثى حقيقيه تلاطفينه بكل حب وحنان ليشعر هو ايضا برجولته

حبيبتي زوجج يحتاج للاسلوب هذا .. واهو انج ماتطلبين منه بل تتعمدين توصلين له رسائل من خلال ايهامه انها بالغلط .. رسائل غريزيه يشعر بها وان لم يفهمها

أأكد لج انه سيشعر بها بكل تأكيد

ودام اهو يحب تكون مره كل 3 ايام انا اقول امشي على رغبته مؤقت لكي ترضيه لاتتقربين منه بشكل مباشر في عدة طرق للتعامل معاه .. انسى الجنس ركزي على الاهتمام في نفسج وفيه خارج غرفة النوم سيزيد بعدها الرباط العاطفي واهو اقوى .. وحين يشعر ان صدره قد امتلأ بحبك سيأتي لكي بكل حب كي يفرغ هذا الحب باسلوبه وطبيعته كرجل

فهمتيني ياقلبي

اعتمدي الاسلوب الغير مباشر في الجذب والاغراء لزوجك :)

مسا الورد والعنبر

كيفك ووين الغيبه

احنا ناطرينك

ممكن تتطرقي لاسلوب الدبلوماسيه

يعني ازا مثلا خيرك بين شغلتين

او استفزك كيف تردي بدون تعصيب

الف شكر لك

رائع الله يعطيك الف عافية يا عسل

...ام القمرين..

يعافيج ياقلبي :) انتي العسل والله

ياحياتي انتي طولي بالج عليه ليما الحين ماتعود على هالطريقه

انتي خلي سوالفج مع امج عاديه واي شي خاص قوليه لها بينج وبينها عشان ما يسألج عنه .. او يسوي لج سالفه زين ياعيوني

واحلى شي لحسيتي انج بتفلتين او تغلطين بزلة لسان انج تسكتين .. او تقولين اشفيك ياعمري آنا قلت شي غلط! فهمي لو كنتي مو غلطانه انج مو غلطانه ولو غلطتي تأسفي منه وقولي زلة إلسان .. منو فينا مايغلط .. بس اوعدك ماتكرر

عاد انتي لاتكررينها وخصوصياتكم خليها بينكم وبس :)

ولا اذا جاء من العمل وجيته اقوله هلا والله تو مانور البيت واجي ابي ابوسه يوخر عني يخاف الشغاله اتشوفنا
وشقول وشخلي زوجي كل تصرفاته ترفع ضغطي بس مااقول الا الله يهنيك بعقلك جعل ربي يخلي عقلي مثل عقلك<<<<<<علشان انافسك في اعطاء النصيحه ويقعدون البنات يمدحوني<خخخخخخخخخخخ

شوفي ياقلبي بالنسبه ان ايي من الدوام ( العمل ) تلقينه زعلان وصدج وشايل بخاطره وانا معاج ان هالشي يضايق ويحق لج تنقهرين

لكن وانتبهي على لكن

اهو ماتعود على الاسلوب هذا يمكن ! هذا اولا

ثانيا اكتفي بالترحيب وبس ولاتبوسينه

البوس والضم من اجمل مايكون لحظة وصوله بس لازم تمهيد بالاول .. اشلون تمهدين صفي الامور بالليالي اللي قبلها فهمتيني :D حاولي ترضينه عوديه حبه حبه ان تنامون بحضان بعض لو كان مايحب ذوبي الحديد اكسري الحاجز لو عطاج ظهره قربي بدفا وحب ونامي وراه اول يوم لاتلمسينه عشان ما يتفاجيء بس نامي وراه لقال اشفيج قولي خايفه :D مثلي عليه انج خايفه صج بس خلي صوتج هادي لا تبطين اذونه خخخ عشان مايقول بعدي عني ويلقى له عذر

يوم بعد يوم تزيدين الجرعات وانتي نايمه وراه في الايام اللي بعدها تحطين ايدج على اكتافيه وتلمسين بنعومه ولاتسوين شي بعدها نامي

بعد ايام تتقربين وتلمسين على ظهره بخفه ورقه لاتضايقيينه كأنج دورين على شي يعني لمسات تلعب فيه وتذوبه بس لاتبالغين بخفه شديده

ومع الايام حبه بحبه بيتعود على لمساتج قبل النوم ..

وبعدين وقت النوم تقدرين تحضنينه من بطنه وانتي نايمه ورا ظهره فهمتيني ؟؟

وخلي خاصرتج من جدام لاصقه في خاصرته واهو معطيج ظهره

لاتعطينه فرصه ينام بعيد ترى البعد يبعدكم والله

بس لاتثقلين عليه ايام اي وايام لا عشان يشتاق ويحن لج

ومافي شي ما يجيب نتيجه

شعاري بالحياه

ان الزوج اول شي مايحب اللمسات او الاحتضان ويتفاجأ منه او يرفضه

بعدين يحسه

بعدين يحبه مع الايام

بعدين يطلبه منج اهو بنفسه :) لكن كله يعتمد على خفة الايد ورقة الكلام وطيب التعامل له سحره ولا يسمع منج الا كل خير

لو كان حجر بتحرك

وحبه حبه لان ماتعود .. خلي كل يوم تطلع لمسه او ابتسامه لاتطلعين كل المختزن عندج وفري للايام وخلي يحس انج تغيرتي صج ماقاعده تسمعين كلام احد او تقلدين بدون احساس

يعني خلي احساسج المحرك الوحيد لجسدج وخلي عقلج المحرك الوحيد لتصرفاتج

:) واتمنى لج االتوفيق ياقلبي