والله يا بنات الريال شنو يبي غير الكلام الحلو
مره كان بالدوام وصراحه يالي احساس غريب اشتقتله مره وحده
والله دقيت عليه ( دايما يدق علي وادق عليه يعني عادي) بس هالمره غير
دقيت قتله بس بغيت اقولك اني احبك
والله تلخبط ما يدري شيقول من الوناسه >>> يقولي والله انتي على راسي بعد جبدي الله يخليج لي وما يحرمني منج
والله بنات قبل كان ييلي هالشعور واستحي اعبر عنه بس خلالالالالالالالالالالالالالالالالاص
والله اي شي بقلبي اعبرله ليش اخشه بقلبي
حق منو يعني لازم يدري اني احبه واموت عليه

الغيره .. كيف تغارين ومتى


الغيره سلاح ذو حدين فحذاري ان تسيئي استخدامه .. فتنعكس حياتك لجحيم لا يشعر به سوى الرجل

من وجهة نظري الشخصيه ان الزوجه التي لاتغار على كل شي وتخبأ غيرتها تمتلك سحرا وجاذبيه اكبر .. الغيره احساس ناتج عن خوف في الغالب او احساس بالنقص او حتى شك .. وبعد نظر للمواضيع

فمثلا الغيره تكون غيره حميده ومحموده لما تكون غيره على بيتك واولادك وزوجك بهدف المحافظه على البيت واحاطتهم بالرعايه والحب والحنان

لكن الغيره اللي يكون اساسها شكوك ووسوسه عالفاضي ويكون اساسها ركيك هذي شيلوها من بالكم اولا .. لان الحياه حلوه لما نخليها حلوه .. وتصير تعيسه بايدنا لما تتحول وتنقلب لتعاسه .. الغيره تقدرين تحولينها لسلاح لج مو ضدج وتضيفين لج جمال خاص وتكون عندج ثقه بالنفس اكثر اأكد لكم بثبتون نفسكم بس بطريقة البرود ولاشيء غير البرود .. لأن الزوج لما يشعر ان زوجته تغار يشوفها نقطة ضعف تحسب عليها وتحسب له وتسبب له متعه كبيره وتصير مثل الشماعه اللي كل يوم يعيد عليها كل يوم .. ليما توصلين لمرحلة مافيها ضبط للنفس .. وهذا هدف الزوج ان يلمس الغيره في زوجته ولو كان مقهور يقهر الزوجه بهالطريقه ويطعن في انوثتها

فانا اقول لكم بنات لاتعطون الزوج فرصه تدرون اشلون !

آنا اقولكم اشلون

1- لو مدح زوجج فنانه مطربه زميله بعمل ألخ ... لاتظهرين الغيره منها ابدا حتى لو كان داخلج نار .. بليز السيطره مطلوبه بهالوقت طيعوني تكسبون يعني لاتقللين منها وقولي رايج بصراحه لو كانت حلوه قولي اي ماشاء الله حلوه عشان يحس انج مو غيرانه منها ولاتقعدين تطلعين في عيوبها عشان مايقول تغارين ويضحك ترى هالشي يقهر اكثر آنا ما اتحمل هالتعليقات السخيفه :30:

لو قال وأكد انج تغارين اضربي له مثال عن ممثله ثانيه او اي انثى بالدنيا بس تكون معروفه قولي هذي اللي جمالها يلفت النظر برايي والناس اذواق واحترم رايك

مافي داعي تحقدون وتكبرون المواضيع ترى ماتستااهل ...

لو حطج لا سمح الله في وضع مقارنه ... قولي اولا آنا مؤمنه ان كل حلو في احلى منه هذي شغله الشغله الثانيه آنا مو فنانه عشان تقارني فيها ! وتكلمي بهدوء كامل وثقه قولي انت تشوف فلانه في بيتها وفي ببساطتها طبعا لا ؟ انت تشوفها بكامل اناقتها وهذي تكون تحت ايدي خبراء تجميل وعنايه ومصورين محترفين يغطون كل عيوبها والفنانه لازم تطلع بلوك جديد كل يوم وكل لحظه عشانها مرآه للناس والكل يشوفها .. فلو بتتزوج فنانه بتلاقيها انسانه عاديه بحياتها اليوميه يعني مافي فرق

اما من ناحية مقاييس الجمال الناس اذواق .. ولاتقارني بأحد لان ماعتقد يرضيك امدح صفات رجل مشهور جدامك او اقارنك فيه

قولي هالكلام بكل هدوء بدون شد وبشكل عقلاني شيلي الغيره من راسج وحاولي تقنعينه بدل ماتحطين حرتج فيها وفي ويضحك عليج ويحسج فعلا اقل منها حتى لو كنتي احلا

لازم تتحملون هذول الرجال ماكو ذوق

2- مهما تحركت الغيره بداخلج وصليها بشكل حلو وبضعف بدون تسلط وطولة لسان تمسكني طلعي الأنثى اللي بداخلج .. حسسيه بوجودج بدون تكلف وبتواضع قولي جذي ترى ازعل ! خلي برائتج تسيطر على انفعالاته .. لقال كلمه مو حلوه قولي صراحه آنا شفت ناس ذوق بس مثلك ماشفت ( طبعا انتي قصدج العكس ) وخليج زعلانه خفيف .. لو غلط في اي حاله لازم يكون لج رد بس بدون عصبيه تفهمينه ان في احترام بينا ومتى ما انتهى الاحترام ينتهى كل شي وان المسافات بهالطريقه بتبعدنا اكثر حتى لو ماكنت حاس

3- ديري بالج توجهين له نصيحه وانتي اسوأ بكلامج واسلوبج وتعاملج لازم تكونين ارقى واحسن عشان يستحي ومايقولج مايعيب الا المعيوب صلحي عيوبج واجهي روحج ونفسج ودرسي خفاياها

4- بخصوص الغيره تكلموا بهالموضوع وفهمي شنو الحلو بالغيره وشنو اللي تكرهينه وان الواحد يقدر يخلي الغيره نكهة تزيد من حرارة العلاقه بين الزوجين وممكن تكون سبب لفتور المشاعر

5- لاتحاسبين الزوج بالطلعه والدخله ترى اكره شي عندهم هالاسلوب .. لا بس حسسيه ان شالله قضيت وقت حلو .. وصراحه البيت ما يسوى بدونك ومن هالكلام والكلام شويه شويه تقولينه بدلع مو جنا احد لاحقج لوول حبه حبه ياحلوين

6- دايما فهميه ان لج وقت وله وقت يخصه لان الرجل يحب الحريه وانا اقول عطي الزوج الحريه ان يشوف اصدقائه عادي لاتقولون لا بعدين يلعب عشان اريحكم اكثر الزوج لو حط بباله يلعب راح يلعب لاتخلينه عناد تركب في راسه الفكره ويخونج واهو مستمتع وعذره معاه بقولج انتي نكديه عشان جذي دورت على وحده تريحني!

7- ضروري الزوج يعرف طباعج ويفهم احاسيسج .. لو مايفهم انتي اللي تفهمينه وتحسسينه وكل انسان له منفذ دخلي له من المنفذ اللي يحبه خليج قريبه منه لو يحب هوايه شجعيه لو ماتحبينها وخليه يمارسها بدون تعقيد وانج تخنقين احساسه لان السخيف عندج عنده مهم فاهميني ؟

اكتفي بالنقاط واقولكم ان ضروري الزوج يعرف طباعج

وحلو لو تسهرون سهره وفيلم ولو كان عاجبته البطله انتي تغزلي بالبطل نفس افلام الكابوي والهنود الحمر خخخ حلوه المغامره وروح الدعابه بس هااا لاتقلبونها جد بليييييز لازم في دعابه ومزاااح وغشمره

وصدقوني صدقوني الزوج راح يستانس

وهم اقولكم طريقه لو تتغزلين في شخص مشهور طبعا ديروا بالكم يكون شخص معروف بالعايله مثلا وتاخذه الافكار لبعيد ويصدق !

لازم مشهور .... لو زعل خليج مستمتعه تقولين تزعل ليش ! وعشان شنو .. عشان واحد مايسوي حبة رمل مشى حبيبي عليها .. مممم

يعني احيانا طيريه لفووق واحيانا عشان ما يصدق روحه عطيه انتقادات

مثل .. ماشاء الله عالدفاشه

بالله هذا اسلوب ؟

ياربي شنو ذوق ياناس

ويكون نقد خفيف ويضحكه او يزعل خفيف ميخالف عشان ما ينغر بس اهم شي ما تظلمونه ويكون النقد في محله وحتى المديح لا تمدحينه الا لكان يستاهل وبسسس

ومافي داعي للجذب ... بس هم تطييب الخاطر والتسامح حلو وااااايد

ولي عوده حبايبي

:)

الامل الراحل

والله انتي العسل حبيبتي

شوفي بهالمرحله .. لاتدخلون بالعميق .. بس خليه يتكلم عن روحه وتعرفينه اكثر وتكلمي عن روحج وعبري عن اللي بداخلج باسلوب حلو وبخجل .. وادب .. يعني خليج هاديه وحتى لو ضحكتي ماتكون انفعالاتج قويه الرقه تكون مطلوبه قبل وبعد الزواج عموما

المواضيع لو تسأليني اشلون اكلم خطيبي مثلا؟ سؤال شخصي لي

اقولج بكل شي عادي اهم شي بحدود المعقول .. واخلي يفهم احساسي وشنو احب وماحب وما اوصله الكلام بطريقه جنها محاضره لا اخليها همسات كلها احساس تدخل اذونه ولاتطلع لدخلت قلبه

التعامل لازم يكون راقي ما يسمع الا الكلمه الطيبه .. لو انحرجتي قولي لاتعليق ماقدر اجاوب على هالسؤال اسمح لي ... لاتكونين رسميه

ولا خفيفه .. يكون في اتزان وتكونين عارفه الكلام اللي بتقولينه .. اي شي يتعلق بخصوصياتج والماضي خلي بصندوق وسكري عليه .. لان الرجل تهمه الصراحه لكن مو كل رجل يتقبل الواقع فيهم كلمه توديه وتجيبه وافكاره فيها ظن سوء ولاعنده حسن نيه

خليج تلقائيه طبيعيه .. روحج حلوه .. صوتج هادي ومايكون عالي .. الاحساس يكون واصل لما يكلمج بموضوع لاتقاطعينه لو ماحابه تاخذين بالكلام اعتذري قولي مره ثانيه نتكلم بالموضوع هذا .... وقولي كلام حلو بس مو وايد عشان مايمل قبل الزواج مممم ولا تصيرين ناشفه ديري بالج

خليج دايما معاه مو يحسج بعالم ثاني والا شارده هم لو كنتي متضايقه قولي له انج متضايقه خل يفهم ان لج طريقتج ومتى ما ارتحتي انتي تقولين اللي بقلبج ...

ديري بالج يكلمج بموضوع وتدشين بموضوع ثاني بدون لاتردين لازم يكون في رد سواء بجواب او اعتذار واضح عن الجواب في هالوقت

عطي الاسباب دايما ..

اهم شي لكملج بموضوع كملوا للنهايه بتلاقين روحج انتي وياه تتكلمون باشياء مرتبطه ببعضها لانكم ماشين بخط واحد وكل واحد محترم كلام الثاني ورأيه

لو اختلفوا بالراي قولي رايك واحترمه .. لكن .... لو رايج يختلف قولي آنا رايي جذي وجذي لان .... ذكري السبب اللي في بالج

بس لاتختلفون .. اهم شي في احترام متبادل هذا اهم شي لو توافقتوا بالراي قولي له بدون تردد آنا معاك بهالشغله .. لو فهم عليج قولي عليك نور ... اوافقك بالشي هذا

يعني خليج واعيه وفاهمه واتمنى لج كل التوفيق :) ولو نسيت شي وحابه تسألين ذكريني

تحياتي لج


نونو حبيبتي

آنا سعيده بكلامج وبالخطوه اللي اتخذتيها وعسى دوم هالسعاده بدربكم يااااارب

وكلامج عدل الكلمه الحلوه واجب على الزوجه والزوج

بس انفرض علينا احنا الحريم يكون صدرنا كبير وبالنا طويل علي تقصيرهم

بس لازم تنبه الزوجه على هالشي بشكل غير مباشر اول شي لو مانفع بشكل مباشر لكن بهدوء

واتمنى لج كل السعاده ياقلبي :)

:)

تسلمين حبيبتي على هذا الموضوع المميز..