كهف المساء حاولي معاه بالين وابتعدي عن تكرار نفس الطلب واذا كان مصر ومن عشاق العناد ورفض الموضوع بتاتا .... اقنعي بماعندك واحتسبي الاجر عند الله :26:
الصفحة الأخيرة
هلا ياعمري
اول شي الله يعينج ياحبيبتي .. ومافي حياه يحصل الانسان فيها على كل مايبي وانا عارفه شعورج تبين تشوفين الحياه وتغيرين وتطلعين مثل الناس الثانيه
لكن اللي اهم من السفر اهو التفاهم .. وحتى لو سافرتي مع وجود مشاحنات ومشاكل مافي فايده من السفر وهذي وجهة نظري
ما ينفع الا الحوار والحل بايدج .. كلميه باللين شوي شوي وبصوت هادي وحنون قولي بخاطري نسافر احنا والصغار نغير جو ونستانس
ونصيحه لاتسوين مقارنات عشان تفتكين منه .. ومن كلامه اللي ماله معنى
وانتي قعدي معاه قعده هاديه وشوي شوي كل يوم تغيرين منه شي بالهداوه
والاتكاليه شي تعود عليه واكيد انتي ببداية زواجك كنتي ساكته وراضيه
ولاتعترضين فهو اخذ عالوضع وتعود وصار يشوف ان مو مقصر رغم تقصيره
فاللي عليج تسوينه اهو انج تختارين وقت مناسب بين فتره وفتره من كل اسبوع وتقولين له شنو ناقصج وانج مضغوطه وحاسه بتختنقين ولو لزم الامر ابجي جدامه شتسوين يمكن يحس ويحن قلبه!
قولي له آنا زوجتك ومالي غيرك بالدنيا اطالع الله وبعدين اطالعك .. يعني انت مسؤول مني مثل ما آنا مسؤوله عنك وعن عيالنا
حددي ايام تروحين فيها بيت اهلج كل اسبوع او اسبوعين مره
وقولي هذي صلة رحم مو زين نقطعها ولنا ذنب كبير فيها
ونصيحه لاتخلين العصبيه تسيطر عليج ترى ما اتييب لج الا المرض هدي اعصابج والله كريم وحطي ببالج كل شي يتعدل بس مافي شي بيوم وليله ياعمري
اصبري والله معاج ان شاء الله
بس ضروري ماتسكتين وتكلمينه .. وتطلبين منه .. وتقولين ابي احس انك مسؤول مني ما يصير كل المسؤوليه علي لاتخافين ولاتتراجعين طالما الحق معاج انتي صح وماشيه صح بس اللي عليج انج تواجهينه باغلاطه وقولي له لاتصير سلبي جذي والحياه حلوه والعمر واحد احنا جم مره بنعيش ياحياتي ؟؟
صدقني باللين راح يلين يعاند 10 ايام ويرضا بعدها :) بس اهم شي تحتفظين بهدوئج الكامل
ومو ضروري تكونين رومانسيه خليج هاديه عالأقل وفيج مرونه وحطي ببالج ان مقابل شي لازم يكون في حرمان
حتى اللي يسافرون هذيل مو عايشين سعاده كامله ويمكن في حياتهم نقص ومايكون موجود بحياتج .. بس انتي ماتحسينه لانه عندج وهذا حالنا احنا البشر
والحل الأول والأخير .. بالكلام الطيب والحوار اللي من غير شد ولاعصبيه لو حسيتي انج معصبه أجلي الموضوع ولاتفتحينه ولاتحسسينه ان طلباتج حياه او موت عشان مايعاند لكن قولي له ان هذا حقج واقل من حقج وانج تنتظرين منه تجاوب حقيقي وان يساعدج عالأقل في حمل المسؤوليه لان الرجل اساسا سند للمرأه في الحياه.
:)