راجعي تصرفاتك هل انتي غيوره جدا ؟ هل تقومين بدور المحقق بالمنزل ؟؟

هالحركات حركاتي
هلا حبيبتي حواء الكون مارديت بسرعه لانيكنت مشغولة ماشالله عليج والله اني اتمنى يكون تفكيري نفس تفكيرج
أنا كنت أباج تتكلمين عن غيرة الزوجه على زوجها طبعا مب الغيرة العاديه لا الغيرة الجنونيه اللي فيها شك و مرااااااقبه طول الوقت أنا فيني هالشي والله اني اابا أتغير واكون واثقة من نفسي وماريد اهتم فيه لاني صدق احس اني ذاله عمري له فديتج نصحيني شو اسوي


ومشكوووووووووووووووورة الغاليه

احن في الانتظاااااااااااااار دخيلج لا تطوليين علينا

الغالية حواء الكون بصراحة موضوع جدا راااااااااااائع:2thmup:


ولك تحية كبيرة من القلب :heart:


بس حبيت تزيديني في الردود الدوبلوماسية خاصة مع الناس لأن مع الزوج ممكن يمشي لأنه عارف طيبة قلبي بس الناس خاصة اللي أشوفهم أول مرة دايما أخاف ياخذون عني فكرة ومرات أحسهم يحطون في خاطرهم اذا قلت رايي مع اني أقوله بطريقة غير مباشرة عشان ما أزعجهم..

والله صرت ما أحب أتعرف على حد لأني صرت أنصدم ببعض الأفكار ولا أحب ارد وان رايها مب عاجبني أسكت وأقول في نفسي اخر مرة أقعد أسولف معاك :09:
أو أسولف بطريقة رسمية معاها مما خلاني قليلة الصداقات يعني اللي يوافقني بس أحب اخذ راحتي معاه!!!!!

من الردود اللي ودي تقولين لي أجوبة مفحمة لما حد يقول:

-والله فلانه هالمكياج أو هالفستان مو مناسبك!!
-والا أول مرة أشوف عليك حاجة حلوة!!! (هاي قالتها لي وحدة كبر أمي بس احتراما لها مارديت!)
-لما يسبون المتدينين ويقولون عنهم معقدين!!(يرتفع ضغطي)
-لما نختلف في الراي وتقعد اللي قدامك تسخف في رايك ولي زعلتي قالت أمزح!!!
-لما حد من قريباتك تتصلين فيها وتسفه وعقب بعد اسبوعين ترد وتقول توني أشوف رسايلك!!
-لما حد من أهل زوجي يخفون عني أسرارهم وأعرف من برا!!!
-لما حد يوصلك كلام ان قالوا عنك: مسكينة مدفونة مع زوجها لا يطلعها ولا يسفرها!!!
-أو:مسكينه فلانة ما تكشخ بالماركات!!!!(المشكلة اللي قالت هالكلام عمرها ما لبست حاجة عليها القيمة وانا الحمدالله لبسي كشخة ويجنن بس مشكلة انها كبر امي ولها احترامها كيف ارد وما أجرح؟؟)
-واذا قعدوا ناس يتفاخرون بعيلتهم (صحيح هم عيلة كبيرة بس احنا ولله الحمد من ال البيت ولا عمري تفاخرت قدامهم بهالشي)
يعني لما يقولون :لما عرفوا ان احنا من العيلة الفلانية علطول مشوا معاملتنا أو لأن احنا من العيلة الفلانية رضوا يسون لنا خصم زيادة!!!يعني أشياء تافهة وتكرر باستمرار وتقهرني لأن فيها شوفة نفس وما اطلع الحرة الا في زوجي لأنه من نفس العيلة :hahaha:


ويا ليت البنات يزيدونا وعطينا أفكار من عندك يا اختي واذا في كتب تعلم هالردود علمينا!!

وعندي طلب صغيرون بغيت موقع اللي قلتي عنه عن تغيير الروتين في العلاقة الزوجية يا ريت ترسلينه عالخاص اذا ممكن :)
-

أهللللين بنت الدوحة طلعتي كل الي بقلبي أسئلتك حلوه وانتظر رد حواء الكون عليها

حبوبة العين

كثير من البنات طلبوا مني اني اتطرق لموضوع الخيانه والغيره .... وفي بنات الى الآن مارديت عليهم ومتأسفه على تأخيري لكن والله اني لأرجع وارد على كل وحده وان صدري مفتوح لكم واحبكم كلكم واتمنى لكم الخير حتى لو ماعرفتكم معرفه شخصيه ... وسامحوني عالقصور

راح اجاوبك تفصيلي بموضوع الغيره .. :) ضحكتيني بكلامج والله ان غيرة الحريم اكبر مشكله وانها تخنق الزوج وتكرهه بعيشته والزوجه ماتحس الا لو زوجها حاصرها بالغيره اللي توصل لدرجة الشك وبتحس انها تكرهه مع الايام مهما كانت تحبه ... ان شاء الله برجع وابرد قلبج واكتب لج موضوع عن الغيره ... وحدودها اشلون لازم تكون ... واشلون تغارين عليه بشكل يحبه ويعلقه فيج مو يكره حياته منها

اما مسألة الخيانه .... مشكله ليس لها حل ابدا ابدا ... لان ماتصدقون لو اقولكم ان الخيانه ممكن جدا ان تكون بسبب اسباب لاتلتفت لها الزوجه المسكينه ... وممكن ماتكون لها اسباب لما يكون الزوج خائن بالفطره مابي اسود الدنيا بويهكم بس اقدر اقول ان الاخلاص من رجل شيء اشبه بالمستحيل لو طال به العمر او قصر الا في حالتين لو كان يخاف الله اولا في نفسه وزوجته .. والثانيه ان تكون الزوجه ماليه عليه حياته ومايشوف فيها نقص بالخلق ولا اهمال في حالها

:) ولي عوده لكم بس هذي الايام الاواخر بحاول استغلها بالخير والدعاء والله يغفر لكم جميعا ادعوا لنا بالرحمه والمغفره والصحه