لحيتي كل سنه تكثررر ... ياارب ارحمني يااارب

ترددت اكتب عن الي اعيشه كنوع من عزة النفس ولاني مو من النوع الي يشكي لاحد
بس والله معااااد اطيق معاااد اطيق والله
حياتي صخررر ماتتحرق ياليتها صخر ثابت الا صخر يرجع لوراء
بمعنى حياتي جامده لا اصدقاء لا ناااس لا جسم لا زواج لا لو مجرد خطبه لو تتفركش المهم شي افرح فيه لو شوي
وظيفه مافيه حبيت اكمل مجال دراستي دركتها فشلت مو رسوب بالعكس بس معاد اطيقها
عمري وصل تقريبا 32 كل مااحاول ابدا بشي يفشل صحتى تتعب كل سنه غير الورم الي برحمي كل سنه يكبر وبدا يالمني ... غير اللحية الي طلعت لي ايه لحيه وكل سنه تزيد وكل ما شلتها تطلع بعد 3 ايام شعر قاسي واسوود زي شعر الرجال... هذي المشكله من زمان من اكثر من 6 سنوات تقريبا بس كانت يادوب شعرتين في جهه وحده من الدقن والحين صار الدقن كله ... الشنب بدا يكثف والطاااامه اني صورت اخيرا ولقيت زي خط السكسوكه بدا يطلع واااضح اكثر بالصور...ماراح اقول ردة فعل الناس والضحك والاحراااج هذا شي مفروغ منه
تقولون هرمونات حللتها قالو عاديه بس يمممكن علاقتها مو كويسه مع بعض والحل حبوب منع الحمل عشان تزود الاستروجين وانا مااخذتها لان الورم يكبر بزيادة الاستروجين
غير علاقتي السيئه مع خواتي واهلي وامي نفور غريب من يمها وهي ماتحبني ولا تخاف علي زي خواتي
تقولون عالجي بالرقيه بقوللكم اني ماقدرت
انا ابي دعوه صادقه تنجيني وتصلح اموري كلها
والي يقهرني ان كل الناس تقول انتي لو تنحفين تجين شيييي والي تقول اظمن ان زوجك ما يتزوج عليك
وبالاخير شافني واحد ورفض يتزوجني يقول اني سمرااء و×××
وانا لاسمرا ولا ××هذا كان اخر موقف حطمني والله حطمني معاد لي رغبه اعيش وحياة الناس من حولي كل سنه شي حلو يصير لهم مره وظيفه وسنه عرس وسنه خلفه وانا مكانك سر للوراء معاد اتحمل البنات من حولي يتزوجون اقل اقلللل مني ويطيرون فيهم ازواجهم وانا بعيون الرجال سوداء وربي شاهد اني بيضاء حتى البنات الي ابيض مني يقولون لونك حلو وومن اصل وفصل ومن قبيله مشهوره ولااا يم العبيد عادي زي الناس
ليش يشوفني كذا ... هو الوحيد الي شافني ماطلعت ع احد غيره وماراح اطلع هذا اذا تقدم احد

نفسي صارت تتوق للموت ولااتعذب اكثر انا تعبت نفسيا وجسميا وعقليا بعد ... معاد فيني طاقه ولا رغبه لشي
من اكثر من 12 سنه وانا مااشكي واتحمل واقول السنه الجايه غيييير والله وتجي غير سلبيا وعكس ماتخيلت
ماابي منكم الا تدعون لي وان ربي يخلي امي ويعافيها ويطول بعمرها تشوف عيالي وان ربي يصلح مابيننا ويرضيها علي ويجعلني باره فيها
ادعولي هنا وبصلاتكم وقيامكم
..........
رجعت اوضح نقاط بموضوعي وبالحلول الي اقترحتوها
اولا انا مو سمراء انا بشرتي بيضاء ع اشقر مااحتاج تفتيح ولله الحمد ولما قلت انه شافني سوداء وماراح اعيد الكلمة الي حررتها المشرفه وكلنا عبيد الله بس انا نقلت كلامه نظرته لي والله ماقصدت اجرح احد نقلته لانه شي لف عقلي كيف شافني كذا كيييف اثر فيني لاني كنت ابيه من زماان وبالاخير اكون بنظره كذا
انا خايفه ان فيني شي يخلي الرجال تشوفني بصور ثانيه بشكل ثاني بنظره ثانيه
الليزر مانصحتني فيه الدكتوره وبالذات الي عنده مشكلتي لانه ممكن يطلع بمكان ثاني بالوجه بالخد بالرقبه
غير ان اللليزر ممكن يحفر بعدين بشرتي رقيقه وحساسه مرره بالذات مكان الشعر
الورم كل مارحت دكتوره قالت لاتلعبين فيه ولا تشيلينه بعمليه وحذرتني الدكتوره وهي استشاريه معروفه اني مااشيله ولاااحد يلعب علي واطاوعه
الهرمونات قالو مافيك شي طبيعيه وش يعالجون بالله وهي طبيعيه بس قالو يممممكن علاقتها مع بعض مو زينه وهنا مابعد اخترعوا للعلاقه السيئه علاج
انا احب نفسي والسمنه ماقدرت عليها لان الحرق عندي ضعيف نزل فجاه الهرمون بدون سبب
ماكنت ابي ابربر كثير لاني عارفه اني بحاجه للدعوه ادري اني بحاجة رقية بس والله حاولت عشرااات المرات اتعب اتعب بنص الطريق مافي احد يوقف معي
شيوخ مو متوفرين دائما لاني بمنطقه خارج الرياض
الي بتدعي بدعوه صادقه فلها مثلها والي بتدخل تبي تزيد الجرح موضوعي يتعذرها
الردود للحلول الممكنه والدعواااات الصادقه