لخبيرات الطبخ الكويتيات

شدعوه

عطونا ويه

لو انى كويتيه كان فدتك

بس انى سعوديه بكل فخر

اختي الدلوعه
انا ما اعتبر نفسي خبيرة طبخ لكن بقولك على طريقتي في مجبوس اللحم وهي:
أفوح اللحم (قطع متوسطة) بالبهارات الكاملة(هيل-مسمار-دارسين-ورق غار-فلفل اسود)لمدة 3 ساعات وبعدين اشخله مع الاحتفاظ بماء اللحم
احمس بصل بالزيت(2-3 بصلات) واضيف اللحم واقلب وبعدين اضيف طماط مفروم (3-4 حبات) واخليه لما ينشف مايه ثم اضيف ملح وبهارات مخلوطه وشوي معجون واقلب ثم اضيف ماء اللحم(ممكن يكون ماء اللحم قليل فتضيفين ماء عادي بس لا تكثرين لانج ما بتشخلينه.....بينجبس فيه العيش)
لما يغلي الماء تضيفين العيش المنقوع مسبقاً ويترك الى ان ينضج العيش ويتبخر الماء ....الحين تسكرين راس الجدر وتحطين تحته الحديدة وتكونين قصرتي على النار عدل لمدة 10-15 دقيقة وتسوين معاه دقوس وبسسسسسسسسسس

وبعطيج هم طريقتي في عمل الربيان مع العيش
تفوحين الربيان بماء لمدة نصف ساعة وتشخلينه بمشخال
تحمسين بصل بالزيت(خلي كمية البصل راهية) لين يذبل وبعدين تضيفين فلفل اخضر بارد مقطع مربعات وتقلبين ثم تضيفين الربيان وتقلبين شوي وبعدين تضيفين طمام مفروم وتخلينه لما ينشف مايه بعدها تضيفين بطاط (على شكل مكعبات ومقلي بالزيت مسبقاً) وتحطين معجون طماط وملح وبهارات وتقلبين شوي وتطفين النار
تسوين عيش مشخول عادي .....ماء حار بملح تطبخين فيه العيش لين يستوي وبعدين تشخلينه--تحطين بقاع الجدر شوي زيت ولما يحتر صبيه بطاسه...حطي العيش بالجدر وسوي حفرة بالوسط حطي خلطة الربيان فيها ثم رشي الزيت اللي بالطاسه فوق الكل وخلي الحديدة تحته على نار واطيه لين يتسكر......


ارجو اني اكون افدتج بشئ :cook: :24: :26:

اختي الدلوعه

انا اعرف شي بالسمك لانه ما احب امسكه سامحيني بس الربيان حبيبي راح اعطيج طريقه المربين اوكي

المربين :

كيلو ربيان 00 اتقشرينه و تشيلين الخيط الاسود اللي ابظهره اهم شي عن ريحة الزفر بعدين انا اعصر عليه ليمون واخليه 10 دقايق واغسله و بعدين افوحه بالماي مع بصله و ليمونه بس يطله الزفر اشييله و اصفيه من الماي.
في جدر احط البصل قطعيه شرائح تقريبا 4 بصلات وحمريه بالزيت لين يصفر لونه و اضيف له 2/1 ملعقه كركم و 2/1 ملعقه فلفل اسود مع ثوم و كزبره خضرا واقلبه زين و بعدين اضيف الربيان واقلب لمده 10 دقايق بعدين اضيف اشويه كاري و 2/1 ملعقه هيل بودره و 2/1 لومي اسود مطحون و 4/1 ملعقه مسمار بودره
اضيف الطماط مقطع طماطتين تقريبا ونتركه على نار هادئه لين تستوي عدل , انا ما حطيت الملح لانه كل واحد وذوقه بالملح الكميه اللي تفظلينها.

بعدين العيش على كيفك تبينه مشخول ابيض وتحطين خلطة الربيان فوقه او المموش ( عيش مع الماش )

انا افضل المموش

بالعافيه :26: