لخبيرات النفاس الله يسهل اموركم ساعدوني

مسالخير لاحلى بنات
ياحلوات انا محتااااااسه اخر شي انا قرربت اولد وقاعده ااسوي برنامج لنفاسي ابي اطلع عروسه وبدون خراب وابي شوركم بجدولي تكفون ساعدوني انا خايفه اكون اسوي شي غلط واخاف اذا ماسويت شي ماطلع زي مابي بعد النفاس انا بقولكم جدولي وابي نصاااايحكم واللله يفرج همومكم وهمي يارب
الصبح عالريق ملعقه حلبه وماش و7حبات حبه سودا طبعا الحلبه 20 الاولى بس وبعدها عسل ملعقه وبعدها بساعه التمر المعبوط المكون من تمر وسمن ورشاد وكمون وشمر وحبه سودا وفلفل ابض او اسود وزنجبيل معجونه مع بعض
زبدها بشوي الفطور ومعاه حليب مضاف له ملعقه من لهوم النفاس امي اشترته لي من وحده تسويه
والغدا مرق لحم واضيفله ماش وحلبه وبعد الغدا شاهي الاعشاب المكون من
قرفه وشمر ويانسون وزنجبيل وقشر قهوه توضع ملعقه منها جميعا من كل وحده وتوضع بترمس ما حار وتشرب طوال اليوم
والعصر ارجع اكل من التمر المعبوط واذا اخذت قهوه احط بالفنجان مره
اما العشرين اليوم الاخيره انا احترت كثير يقولون لاتاخذين حلبه بدليها بسفوف عالريق محلب ورشاد وشمر وكمون وفلفل وحبه سودا ونانخه ملعقه صبح وملعقه مساء

والكبو وماادراك مالكبو انا احترت هو ضروري ولالا لانها اول ولاده لي والكبو مكوناته خواجوا وفلفل هوا وكمون وقشر بصل توضع عالفحم واتبخر فيه تعمل اخر 10 ايام من النفاس يوم اتبخر ويوم احط تحميله الي هي مكوناتها من المره والحلبه والملح الفارسي وتعجن بالعسل طبعا 10 الاخيره من النفاس اخليها يوم كبو ويوم تحاميل انا اشوفها كلها مو ضروريه بس اذا قريت اخاف واقول بسويها عشان اطلع من نفاسي عروسه
وش رايكم فيها والي عندها اي تعديل تقولي
ونسيت الغسول هل يسبب حساسيه ومتى استخدمه بالضبط ومكوناته هي ملح ومره وارطا وعادي استخدمه من اول يوم ولاده
ونسيت اقولكم عن الخمس فناجيل هل هي ضروريه ولالا وكوناتها محلب وكمون وعويدي ورشاد وفلفل اسود وهذي تاخذ العشرالايام الاخيره مع الحليب وفيه بنات يقولون تاخذ لهوم صبح وليل اخر عشر ايام
وهذا جدولي
ساعدوني بخبرتكم لامافهم بهالامور بس كله مجهود شخصي قريته واخاف اسويه يمكن عندي اشيا غلط واشيا المفروض اسويها وانا مسويتها
ادري ازعجتكم بس احتسبوا الاجر لاني والله مماراح انسى اي وحده ساعدتني لو بمعلومه من دعائي
اليتيمه