انا استخدم اساس ماك للبشره الدهنيه
وايد حلو مع ان لونه مصفر واغمج من لوني
بس احس لما احطه ويهي ينور
يعطي مظهر المات
روحي ماك واسالي عنه وجربيه

قبل وضع المكياج لازم تنظفين البشره بغسول خاص بالبشره الدهنيه عشان البشره تكون نظيفه وخاليه من الدهون

ثاني خطوه حطي برايمر على كامل الوجه عشان يساعد على ثبات الاساس

ثالث شي اختاري اساس خالي من الزيوت مثل اساس MAC او ميك أب فور ايفر

وبعد ما تخلصين من كل مكياجج رشي على ويهج Fix من MAC عشان يثبت المكياج اكثر

انا بشرتي دهنيه واذا حطيت كريم اساس يطلع كويس يعني عادي بس انتي مادري والله والحين ماصرت اصلا استخدم الاساس , ان شاءالله البنات يفيدونك

السلام عليكم
أول شيء لازم تغسلي وجهك بغسول للبشرة الدهنية وبعدين ترطبيها بمرطب خاص للبشرة الدهنية
بعدين استخدمي برايمر مثل بورفيشنال من بنفت روووعة للبشرة الدهنية وبعدين استخدمي كريم اساس خالي من الزيوت ويكون مخصص للبشرة الدهنية مثل ريفلون كلورستاي للبشرة الدهنية والمختلطة أو كريم أساس ماك