لدغة البعوض شوهت بنتي وتعبتها نفسيا ساعدوني

السلام عليكم
الله يرزقها سعاده تسجد لها باكيه اللي تدخل وتعطيني حل
بنتي في اولى ابتدائي
اذا جا موسم خروج البعوض كل مره معاناه لازم تنلدغ اكثر من خمس مرات هي اكثر وحده تنلدغ يمكن انا وابوها بس مايبين اللدغه كثير
لكن هي ياقلبي عليها اذا انلدغت على طووول تورم ورم كبيييير العام في عينها وانتفخت عينها بشكل كبيير وتسكرت
ومره في باطن القدم وانتفخت القدم كلللها غير الالم وماتقدرتمشي
قبل خمس ايام تقريبا انلدغت في صبع يدها وانتفخت يدها كل الكف والاصابع وتألمها وتصيح وماتعرف تحركها
استمرت خمس ايام على ماخف الانتفاخ
مايمديها ترتاح الا تصحى من النوم اليوم لادغتها البعوضه في شفتها العلويه آه ياقلبي انتفخت بشكل كبيييير وكل ماله يزيد الانتفاخ والله خايفه واهي نايمه يزيد ويسكر على انفها ماتقدر تتنفس
لان هو كذا يزيد ثاني وثالث يوم
الحمدلله اجازه والا كان غيبتها اسبوع
يارب ايش الحل رشينا مبيدات حشريه قمت ادهن الاجزاء الظاهره من وجهها ويدها بفازلين وزيت قبل النوم بس امس نسيت وانلدغت
المستشفيات مامنها فايده يقولون بعوض موسمي ويعطينا دوا وبس مايفيد
تكفون اللي عندها حل يخفف التورم يقولي
وكيف ابعد البعوض
والله اللدغ اليوم شوه وجهها اناظرهاوقلبي مكسووور عليها واحاول ما ابين لها كله تسال ليش انا يلدغوني البعوض
راحت شافت وجهها في المرايا قالت ياماما ليش وجهيمخيف عورت قلبي