لدى الدرجه الشباب (العيال ) ماصار فيهم خير رجاء ادخلو وانقذونا

مساء الخير ياحلى عالم عالم حواء والله انى ماراح الاقى زيكم افضفض له همى كلكم الله يبعد عنكم هموم الدنيا والاخره بصراحه مشكلتى حكتبها على جزايين لانها يحتاج شرح مفصل وطويل المشكله ومافيها اخوانى العيال الهم الى مادرى متى ينتهى العيال الى لاحظت اغلب الحريم لمن تحمل ببنت تكره الحمل وتتمنى الولد ماتدرى انو الاولاد شقاء الهم الى خلى بابا يستحى من كل الناس الى خل كل الناس يستحقرونا الهم الى وللاسف بمساعده ماما اتقووه وصارو مايحشمو احد العيال ااااااااااااخ لو اقعد الين بكره ماراح اخلص والله انى احترت افضى نفسي لمشاكل زوجى ولا لاخوانى العيال الى كل ما اتصلت عند اهلى سمعت اخر انجازاتهم ومصايبهم لدرجه خلاص بابا ماصار يقدر يستحمل يدعيلهم بالموت يقول بابا يبخت كل عقيم وعقيمه ليت ربى حرمنى من الذريه نصيحه بابا لكل الى ماخلف يقول والله خير للى ماعنده عيال للاسف والله تعبت من امس قعده ابكى ودحين كلمتنى اختى وهيا مقهوره وحاسه بتتخنق من الهم مسكينه صار عندها صداع نصفى من كتر ماتفكر بحال اخوانى صار مايحترموها تخيلو الى عمره 19 سنه بغا يضرب اخته الى عمرها 30 سنه علشان نصحته لمصلحته طولت عليكم المشكله ومافيها اخوانى العيال مستهتريين لابعد درجه عالاقل بعضهم كون نفسه وكمل دراسته واشتغل المشكله فى اخوانى هذول الى اعمارهم 19 سنه و20 سنه هروب من المدرسه مشاكل مع الجيران او مع العيال مخالفات مروريه يصدمو السيارات ويركنوها رفع صوت لبابا لاحترام للكبير ولا للصغير طبعا غير حركات الشباب طيحنى كدش اغانى غربيه تصرفات غير لائقه بالمسلميين لاعباده ولاغيره المشكله اخوى الى عمره 19 سنه اخص واحد فيهم مشاكل كتيره المدير والمدرسيين كلهم يشتكو منه غياب مايحشم احد لسانه وسخ حتى ابوى ماخلا فى حاله والله من كثر استهتاره يخرب اساس البيت لمن يغسل ملابسه يخرب الغساله والله خلال 3 سنين غسالتتن ومايصلح يكسر مريات البيت يضرب اخوه الى عمره 13 سنه يورطنا مع الناس ياخذ سلف ويعطيهم ارقام ابوى ولا امى سلف سلف سلف مافى احد ماخذ منه فلوس رغم والله بابا وماما واختى مسكينه مايقصرو معاه كلو علشان لايطلب من احد لكن مافى فايده ياخذ كمبيوتر اصحابو يخربها والنتيجه فضايح يجى العيال ويطالبو باغراضهم ويطر بابا درء للفضايح يسدد او يصلح اخوانى الى اكبر ياخذ سياراتهم بالدس ويصدمها او يجبلهم مخالفات اخر واحد من اخوانى جابله مخالفه يوم الوطنى ب3000الاف ريال والمصيبه الكبرى ماما لاتضربو لاتخاصمو لاتسويله وتزعل لمن احد يكلمه حتى بابا لمن يخاصمهم تروح تقلهم ابوكم مايخاف الله وسوالى وفعلى وتسرد حتى المشاكل الى بينها وبين بابا والنتيجه مايحترمو ويتمنوله الموت المشكله فى ماما اكمل ولا طفشتو منى ومن مشاكلنا الى ماتخلص !