لدى 100 صوره بنفس القياس واريد كتابة اسمى عليها دفعه واحد هل يجوز؟

هلا اختي شروق..

بالنسبة للكتابة عليها دفعة واحده ما عندي فكرة.. يمكن وحده من الأخوات عندها طريقة تفيدنا..

بس عندي طريقة أسهل عن الكتابة على كل وحده..

وهي طريقة الأكشن Action في فوتوشوب..

إذا كنتي ما تعرفينها ترى هذا شرح سريع عن الأكشن..



ما كتبت على الصور لأن الفوتوشوب عندي حالياً ما يكتب عربي..

راح أشرح كل نقطة بنقطة:

1- في قائمة الأكشن الموجودة في القوائم على جهة اليمين، اضغطي على الملف لتكوين مجموعة أكشن جديدة.

2- راح تظهر نافذة لاختيار أسم المجموعة، ضغطي ok بعد اختيار الاسم.

3- راح تلاقين المجموعة تمت إضافتها للقائمة، ضغطي على صورة الورقة لإنشاء أكشن جديد.

4- راح تظهر نافذة لاختيار اسم الأكشن، بعدها اضغطي Record.

5- بتلاحظي زر التسجيل صار لونه أحمر، معناه إنه قاعد يسجل كل خطوه تقومين بها، روحي لأداة
الكتابة واكتبي اللي تبغينه وغيري اللون والخط وكل شي، بعدين لا تنسين في قائمة الطبقات تسوين
Shift+Ctrl+E علشان تدمجين الطبقات كلها وسويله حفظ. بعد كل هذا ضغطي على زر إنهاء
التسجيل (شكل المربع).

6- بتلاقين الأكشن اللي سويتيه انضاف للقائمة، كل اللي عليك تسوينه تروحين لكل صوره وتضغطين
على Play (شكل المثلث) علشان يطبق نفس الشغل في نفس المكان من الصوره.. ويحفظها لك..

على فكره تقدرين تضيفين إغلاق الصوره ضمن التسجيل علشان وقت إعادة التشغيل Play يغلق لك
فوتوشوب الصور كلها بعد إنهاء الأكشن..

أتمنى الشرح يكون واضح وإذا في أي سؤال تراني حاضره..