هلا حبيبتي ملاك... السيروم عزيزتي هو عباره عن ماده مركزه من اعشاب او فيتامينات مفيده للشعر يعني عى حسب الشيء اللي تشترينه مثلا فيه سيرووم للتساقط وفيه سيرووم لازاله التقصف وهو عباره عن مادة الكيرياتين اللي تغلف الشعر بس مركز.. وفيه سيرووم للشعر قبل او بعد السيشوار .. وعادة ياتي في انبولات او ياتي في كبسولات.. وصراحه انا دايم استخدم السيروم للسشوار عشان احمي الشعر من الحراره اللي تاذيه في نهاية الامر... والبنوووته الحلوه كم عمرها الله يسلمها؟ وان كانت صغيره بالاشهر يعني فهذا شيء طبيعي وعادة لما تكبر يتعدل الشعر بس انتبهي لتغذيتها... وانشاء الله اكون فدتج عزيزتي .. ولا يردج شيء عن السؤال تراني حاضره باذن الله

هلا عزيزتي ليلى.... والله الحنا زين والصبغه مادة كيميائيه .. بس مضارها قليله وتختلف من شخص لآخر .. والحنا انا تكلمت عنه قبل هالمره ياليت ترجعين لاسئلة الخوات من قبل .. واذا شعرج فيه حنا وتبين صبغه من ويلا يعني جاهزة ... ما تاذي الشعر استخدمي اكسلنس من لوريال خفيفه وناعمه على الشعر ,, اصبغي البنيات والاشقر الغامق او المتوسط وطبعا الاحمرات عادي وانشاء الله تعجبج... اي سؤال ثاني انا حاضره :)

هلا والله بدموع العين ... حناا . وصارلج سنه همممم وبعد راااااااايحه وحاطه بودرة التفتيح مع البيروكسايد والله انج شجاااعه ... :)

اسمعي من سنه الى سنتين انسي شيء اسمه اشقر... يعني بني فاتح هذا الحد الاقصى... انا جتني وحده نفس حكايتج يعني شعرها اسود اسوود وتحط حنا ... يالله وبالله صار لونه بني فاتح بس حلووو .. بس الصالونات صراحه مجرمين يعني سالفة سحب اللون هذي انا اكرهها وهم ما يخافون الله يحرقون شعرج وكيفه بالطقاق يطيح تقرعين عاااااااادي...
المهم.. انا بس ارد الكويت راح ادز لج خلطة تفتيح ما تاذي الشعر اوكي بس ذكريني انتي .. يالله لاتلعبين بشعرج اكثر اركدي :)

هلا باختي ريمي... صراااحه كل اللي قلتيه شيء حلووو يعني انتي مهتمه بشعرج وتعملين المطلوب منج... بس انتي ما تشوفين نتيجه ... طيب تاكلين حبوب حمل ؟ اي علاج له تاثير على الشعر... واحتمال يكون وراثه لانج لو تردين وتقرين ردودي على اسئلة الخوات من قبل راح تعرفين انه التساقط والضعف الشعر له اسباب كثيره واهمها الوراااثه... فياليت تردين على اسئلتي عشان اقدر اساعدج باذن الله

ام وعود هلا يالغاليه ... ردي واقري ردودي على ائلة الخوات وانشاء الله بتلقين الاجابه واذا عندج اي استفااار انا حااضره من عيوني ... :)