هلا حبيبتي ملاك... العفو انا مو قاعده اسوي شيء .. وانشاء الله قاعده افيدكم قد ما اقدر .. ومشكوره على كلامج الحلو وهذا يدل على اخلاقج العاليه... زين سويتي لما قصيتي اطرافه لانه مفروض تنقص كل شهرين او ثلاث شهور على الاقل.. وبالنسبه للصبغه اختاري شيء خفيف يعني نسبة البيروكسايد مو عاليه وهم الامونيا ولو تكون معدومه يكون احسن وانا انصحج بصبغة اكسلنس من لوريال .. عن تجربه ما تاذي الشعر باذن الله وتعطي لون طبيعي حلو... ومشكوره مره ثانيه عزيزتي على كلامج الرائع واي استفسار انا جاهزه

هلا ريمي.. من كلامج واضح ان الشيء وراثه... لان امج وخالاتج عندهم نفس المشكله وهذا اصعب شيء فمشاكل الشعر .. يعني بس ابيج تهتمين فيه وانشاء الله يتوقف التساقط ويكثر باذن الله..

هلا اختي تاهت خطاي .... بس ابي اعرف شعرج قبل لا تحطين الصبغه من غارنييه .. هل كنتي صابغه؟ واذا صابغه شنو اللون؟ وشنو حالة شعرج يعني تعبان ناعم ولا خشن؟ ممكن بس تجاوبين على اسئلتي عشان اعرف ارد على سؤالج اللي قلتيه...

هلا حبيبتي ليلى .... مشكووووره على كلامج اللي احلى من العسل... وانتي انسانه كلج ذووق عزيزتي ... وانشاء الله انا مستمره وياكم واي استفسار انا حاضره ولا شفايدة العلم والخبره لازم تعم الفايده على الجميع.... ومشكوووووووره ياعسل مره ثانيه

هلا باختي ديمومه.... مشكوره عزيزتي على كلامج الرائع ... والهايلات هو عباره عن تعريه الشعره من الجزيئات اللونيه الموجوده داخلها..( من الجذور للاطراف فقط ليس له اي علاقه بجذور الشعره داخل فروة الرأس) يعني لما ينمو الشعر يطلع لونه الحقيقي... وهي تختلف من شخص لآخر من ناحيه كميتها واي لون يطغا على الآخر وهو عباره عن اللون الاحمر البرتقالي والاصفر وبعدها اللون المحايد وهو الابيض.. وعند عمل الهايلات تتدرج الوان التفتيح على حسب الوقت اللذي نترك فيه المزيج على الشعر او الصبغه المراد وضعها على الشعر... فتبدأ بالاحمر بعدها تتفتح للبرتقالي وبعدها الاصفر والابيض اخيرا.... وانا كتبت هالتعريف البسيط لعمليه الهايلات عشان ابيج انتي تفكرين .... بالعقل شدخل الهايلات بالشيب !!! فردا على سؤالج لا ماله شغل نهائيا .. واي استفسار ثاني حبيبتي انا موجوده :)