هلا باختي مجنونه ريتيك.... التساقط له اسباب عديده وعشان جذي ابيج تردين لاجوبتي على اسئلة الخوات من قبل عن التساقط لاني جاوبت عليها اجابه مطوله... واي شيء ثاني انا حاضره حبيبتي ...

هلا باختي لزوزتكم .... شيء يطول الشعر وبسرررررررررررعه ... شنو يعني سحر تبين :) مافيه شيء بسررعه وتاكدي اللي يصير بسرررعه مضاااره اكثر من منافعه ... المهم زيت الخروع معرووف للتساقط بس انتبهي انه اذا استخدمتيه لازم تتمين عليه لانج بس مجرد تهدينه راح يرد يطيح ويتساقط .... وهم ردي على اجوبتي للخوات من قبل راح تشوفين شنو اسباب التساقط اللي اذا عالجتيها .. طال الشعر وكثف.. واي شيء ثاني انا حاضره اختي .

هلا حبيبتي ملاك ... العفو حياتي وانشاء الله اقدر افيدج باي شيء.... شوفي انا للاطفال صراحه انصح بالقص دايما .. لانه هو اللي يقوي شعرهم ويرده كثيف انتي شكلج ما قصيتيه من يوم انولدت او من زمان .. عشان جذيه ابيج تقصينه وتقصرينه قد ما تقدرين عشان الشعر يتقواا .. وانتبهي للكالسيوم والحديد في اكلها .. واذا تقدرين عطيها ملتي فايتمن عشان تاخذ الفيتامينات اللي يحتاجها الشعر والجسم ... اي شيء ثاني انا حاضره اختي لا يردج شيء :)

هلا باختي انا لااحد.. آسفه لاني طولت عليج بالرد .. ما ادري شلون طافني وماشفته ... الصبغه السووده اللي حطيتيها على شعرج شنو رقمها ونوعها ... ان كانت 0/2 او 0/1 فمعناه انج لعبتي بحسبة الشعر .... هالالوان ما تنحط ابدا على الشعر يعني ان بغيتي شعرج يصير اسود تحطين 0/4 وهذا يعتبر اسوود .. وهذا سبب تنشيف شعرج والتقصف فيه لان الاسود متعب للشعر ... العن من الاشقر ... انصج انج تردين شعرج للبنيات والاشقر الغامق بالتدريج يعني لين يفتح الشعر على مراحل لا تتعبينه ... واستمري على حمامات الشعر كل اسبوع مره او مرتين ... وانصج بحمام زيت مارديكو اي نوع ويفضل زيت الحيه لانه يعالج الشعر .. والقص مفيد للشعر فكل كم شهر قصي من اطرافه ..واي استفسار ثاني انا حاضره اختي وعن التعبث فشعرج :)

هلا حبيبتي جمال الرووح ..... اذا كانت طبيعه شعرج فرزي يعني مجعد ... وبالرطوبه دايم ياذيج ... فلازم اثناء لعب الرياضه يسوي نفس الشيء لانه الرياضه تعمل عمل الرطوبه يعني تحمين جسمج وتعرقين فانتي كونتي جو رطب من داخل جسمج لين برا وهذا يخلي شعرج يرد لطبيعته بسررعه ... انشاء الله اكون جاوبت على استفسارج واي سؤال ثاني انا حاضره يا محررتنااا :)