هلا عزيزتي النجمه ... تسلمين على الدعوه الحلوه .... وبعدين شلون سااكته على شعرج وهو بالحاله اللي تقولين !! لازم تعرضين نفسج على دكتور لانه هذا شيء ممكن يكون اضطراب في افراز الغدد الدهنيه ... ولاراح اكذب عليج واقولج حطي ماسكات ولا حمام زيت ولا خلطات .. اعرضي نفسج على طبيب وتطمني وطمنيني ان كل شيء سليم .. وقولي لي شصار معاج .. اوكي

هلا عزيزتي الدلوعه ... هو صح اللون اللي قلت لج بعد فتره يصير نحاسي بس عادي تعطينه رينساج باللون البرغندي او شيء يسمونه عملية احياء لون ما تاخذ ربع ساعه ويرد اللون نفسه ... والاشقرات حلوه بس هاللون افخم واحـــلى وهو الدارج الحين...

هلا اختي سلانونه ... عملية زراعه الشعر للي تموت عندها بصيلات الشعر في بقعه معينه من الرأس هي اللي تنفع لها الزراعه لانه مهما كانت غير هالسبب اللي قلته ممكن انشاء الله يتعالج بس لما تموت بصيلات الشعر هني تتم عمليه زراعه بصيلات جديده مكان القديمه ...ومافيها اي اضرار جانبيه البصيلات تاخذ اصلا من مكان ثاني من الراس ما يبين ويزرعون في المكان اللي تبينه وبعد 3 الى 6 اشهر يبدأ الشعر بالظهور .. واي استفسار ثاني انا حاضره اختي.

هلا فروووله .... العفوو اختي ما سويت شيء انشاء الله اقدر افيدكم قد ما اقدر ... اللون لما تصبغينه ماراح يكون موحد لان الخصل لونها افتح من الشعر نفسه فراح تاخذ لون افتح من لون الارضيه ... ومشكوره على الدعوه الحلوه ... بشريني شيصير معاج عزيزتي :)

هلا اختي رينااااد ... الماسكه والساابله .. وشنووو الثانيه ساااق الحمام !!!!!!! هذيل شنوو خلطات ولا الغاااااااز ... اول مره اسمع فيهم يا ليت توضحين ومن وين سمعتي فيهم وشنو هم بالضبط؟؟؟؟!!!