هلا اختي عنيــ كيفي ــدة يعطيك العافية على هذا المجهود الرائع ، وش رايك احلق شعرها مدامت لسى صغيرة وتعرفين بعد الحلق يطلع الشعر بسرعة منها تقسى شعرتها شوي ومنها يكثر ، خواتي يقولون خففية حيل على رقم واحد افضل من الحلق بالموس وشرايك انت .

أختي " عنيـ كيفي ــدة " جزاك الله كل خير ..
شعري ما يترتب إلا إذا شديته بالبكلة على ورى و نتج عن هذا التساقط المروع و فراغ في الغرة ..و المشكلة الثانية إني ما أقدر أستغني عن الجل اللي سبب لي تقصف و تكسر في الشعر لأني إذا ما حطيت يطلع منفوش متطاير خاصة إنه كل شعرة لها طول بروحها
فياريت تدليني على طريقة تسريح تناسب حالة شعري

انا شعري ناعم وكثير والحمدلله بس اني اشكو ان مقدمت الشعر قليل ابي اعرف اذا في زيت يكثر الشعر من قدام وانا حاليا استخدم زيت البارشوت ومرتاحه عليه
وحبيت اسالك عن حمام زيت مارديكوو اول مره اسمع عنه من اي شركه وكم سعره
ويعطيك العافيه

هلا عزيزتي دنه ... لا والله لا ضايقتيني ولا شيء اخت عزيزه وغاليه .. شوفي انا ليش قلت لج سوى تحليل للهرمونات لانه ابي اتاكد انه افراز الدهن عندج طبيعي .. وبعدين الشامبوات التجاريه تحتوي على مواد تحفز افراز الدهون في فروة الشعر لذلك ياليت تقرين موضوعي فالمجلس العام عشان تعرفين المواد اللي المفروض تجنبها في الشامبو .. والدهن ماله شغل بالتساقط .. من الطبيعي اصلا ان الشعر يتساقط يوميا .. وغسل الشعر يوميا يضر الشعر لانه فيه دهون الشعر محتاجها لحماية نفسه من العوامل الخارجيه ... واي استفسار ثاني انا حاضره اختي

هلا عزيزتي 33 .. آلة السيراميك تخلي الشعر ستريت .. ليس ... نااااعم .. لانها مثل الفير بس مسطحه ومغلفه بمادة السيراميك .. وهي مادة موصله للحرارة وتوزعها بنسب متساويه على الشعره .. وما تاذي الشعر ... بس تستخدمين سيروم لحماية الشعر من الحرارة .. والله ما اعرف وين تنوجد بالرياض او كم سعرها هناك ...