لدي والمواقع الأباحية

تصرفك كويس
ولو جا لا تبينين له الا لو هو اتكلم
كلميه بهدوء وقوليله انا ما ارضا هالاشياء تصير لأنها تبعد البركة والملايكة من البيت وتخلي الغيرة تروح من الرجال

وقوليله انت مثلك مثل رجال البيت >>> ترا بهالعمر ينبسطو من المدح

اهم شي الهدوء

وبخصوص انه يسوي اشياء غلط مع نفسه >> اعذريني هذا طبيعي لأن في ذا العمر عندهم طاقة زايدة ولو ما اتوجهت التوجيه الصحيح راح يطلع الطاقه هذي (في هذاك الشي )
لا تاخذي وتعطي معاه في موضوع انه يسوي شي مع نفسه أبدا تراه محرج مرة

بس حاولي انو ابوه يسجله في نادي كورة
او سباحة
او اي شي يهد الحيل

اطلعو رحلات وخلوه مثلا مسؤول عن الشوي

ترا عندهمم طاقات جبارة بس المشكلة في الاهل اللي يعاملوهم كأنهم اطفال >>> اتعطيه حجمه وقدره في البيت
ووريه انك تعتمدي عليه

ودخليه معهد كمبيوتر او نجليزي

المهم شغل الوقت بشي يصرف طاقة بدنية وعقلية

وخلي ابوه يقرب منه
لأن الاولاد في فترة المراهقة محتاجين قدوة

انصحك انتي بقراءة كتاب اسمه (النمو الانساني ) للدكتور محمود عطا حسين عقل

ولا تنسي الدعاء له ولكامل اسرتك في ظهر الغيب
وما يمنع تدعيله قدامه >> عشان يحس بغلاوته عندك

^^^^^

كلامها صح

عليك بالدعاء ثم الدعاء في السجود وأخر الليل ..دعوة الوالد مستجابه بإذن الله ..

لكن لايحس إنك انتي اللي ماسحته ولا ترسلين له الرسائل الدعويه بهالوقت لأنه المفروض مايحس أنك مراقبته علشان بيتحرص مره ثانيه وعارف إنه مراقب الرسائل الدعويه بتوصلينها له مثلآ حملي برنامج مسموع وأرفعي الصوت بوجوده أو تكلمي مع أي أحد عن الصح والخطأ على مسامع أذنه وكأنك مو قاصدته لأن المفروض يتأسس الشئ بنفسهم ويشعرون إنهم مراقبين من الله فقط ...والهادي الله سبحانه

الله يجزاكم خير جميعاً ويبارك فيكم ولكم

قبل شوي رجع وأخوه الكبير من المدرسه ..سولفت عادي معهم..ويحكي الولد هذا عن السكاي بي وانه بيشتري سماعه فقعدت اسأل وش لك بالسكاي بي ومين معاك فيه
بعدين ماحسيت بنفسي إلا وأنا أنصحهم انو لاتتسببون في عذابي في قبري ومحاسبة ربي لي يوم القيامة
لأني مسؤولة عنكم أمام الله كلكم راع..اجهزتكم بين يديكم وأنتم محل ثقة مابي أفتش واراقب وراكم
حطوا مخافة ربي بين عيونكم وخافواعلي وعلى صحتكم لاتهدرونها على أشياء مو زينة
وانو لو بتسوون أي شي غلط حاولوا تستغفروا وتذكروا الله..ماأقول صيروا ملائكة..بس حاولوا ماتستهينون بأي شي غلط تراه في البداية بنظركم حرام ومع الإدمان يصير شي عادي..
وهالشي يأثر على مستقبلكم بكرة تصيرون رجال كبار اللي تسوونه وأنتم صغار يأثر عليكم وقتها..

الكبير فاهم علي والصغير اللي سبب كتابة الموضوع يحسب كلامي بسبب السكاي بي
فهمته إني اقصد المواقع الإباحية فقعد يقول والله ماأدخلها ..قلت أنا مااتهم أحد فيكم واسأله..
أنا بس أنصح...وقفلت الموضوع...

وكنت بكلمه بروحه عن اللي شفت بس لمن شفت ردودكم سكت عنه وخليته
الحين بعد كلامي بيلاحظ المحذوف من جهازه...فأعتقد بيسترجع معلوماته ويتذكر كلامي...


فيه شغله مدري كيف أتصرف
لاحظت مفكرة له عليها قفل..
مدري أسكت عنها..
أو اسأل عنها..
أو أقوله يفتحها؟؟

أفكر اسأل عنها بدون ماأخليه يفتحها..
لو كانت شي غلط بيحذفها وخلاص..
وكلامي قبل يكفي..
ايش رأيكم؟

فووق