لذوات البشرة الجافة والمتقشرة لقيت الحل ومابي إلا الدعاء

السلام عليكم حبيباتي

من فرحتي بالطريقة اللي توصلت لها بعد معاناة وطرق كثيرة للحصول على بشرة تفرحني قلت افرحكم معي
واقولكم بعد ما داومت على هالطريقة خلاص بشرتي الجافة ما أشيل همها وأصبحت بشرتي باغلب الوقت طرية ورطبة بعد فضل الله
حيباتي بقولكم أني استخدمت كريمات كثيرة لحل مشكلتي من أغلى الماركات بس كانت النتيجة معي صفر:(
مالقيت فايدة وبشرتي من أسوأ لأسوأ
بس اللحين بفضل الله لا ,صرت ما اشيل هم كريم أساس مقطع على الوجه,ولا اشيل هم بشرة جافة وباهته
واعذروني على الإطالة حبيباتي
طريقتي بسيطة وغير مكلفة ,جربوها وياليت أعرف نتايجها معاكم
إليكم طبيعة بشرتي:
1-جاااافة
2-متقشرة
3-باهته
4-اللون غير متوحد (يعني ألوان)
5- حساسة تحمر بسرعة

وطريقتي هي:
( ملحوظة) هذه الطريقة استخدمها مرتين بالإسبوع ,وإذا كانت عندي طلعة أو مناسبة استخدمها قبل المكياج

ما استخدم الصابون إلا نادرا,وإذا اضطريت استخدمت صابون اللوز من وداي النحل
أولا:
أغسل وجهي بالماء او إذا أخذت دش
بعدهااستخدم سنفرة للوجه وسنفرتي من هيرباسين حلوه ادلك وجهي بشكل خفيف لأن بشرتي حساسة
2-آخذ أي ماسك للوجه منظف واخليه على بشرتي 10دقايق بعدها اغسل بشرتي
3-واضع زيت اللوز المر+فازلين +زيت زيتون على بشرتي وهي رطبة يعني فيها شوي ماء
أخلي هذا الخليط 10 دقايق بس ويعدها وهو أهم خطوة
وهو أني أجيب شراب شفاف ( جوارب )من النوع الخفيف لونه بيج(لا تضحكون ):Dعشان اشيل القشور اللي بالوجه وبنفس الوقت تتنفس البشرة
وافرك بشرتي بشويش على خفيف حتى ما تتهيج أطلع كل القشور اللي بوجهي وراح تطلع معاكي بسهولة
وبعدها أغسل وجهي بماء بارد عشان تتسكر المسامات وما تحمر بشرتك و‘ذا نشف شوي امسحي وجهك خفيف بزيت اللوز المر وبسس
ومع الاستمرار خلاص مارا ح تشوفينها ابد بإذن الله
والله يا اخواتي إذا استمريتي عليها بتدعيلي ولا راح تشيلين هم المناسبات المفاجاة
وعليكم بالعافية ويارب تستفيدون وما تنسوني بالدعاء وخاصة تدعولي بالشفاء والعافية