السلام عليكم بنات
كيفكم ان شاء الله بخير وصحة وعافية وستر يارب العالمين ...
انا دائما ابحث في اكلي عن الاشياء الصحية بس اهم شي تكون لذيذة عشان اكمل واكلها واتحمس
طبعا مو معنى هذا اني ما اشتهي احيانا اكلات برا وخرابيطها بس قاعدة احاول قد ما اقدر اني ابعد عنها ..
...
المهم شوفوا هالاكلة لو تخلونها غداء او عشاء مع اني انصح انكم ما تكثرون اكل بالليل او انكم تخلونها على 6 المغرب وتكون اخر وجبة...
بسم الله نبدأ....
المقادير...
نص كيلو لحم بقر مفروم بدون دهن ..... او حتى ربع كيلو اللي يكفيك انتي واللي معك.
بصلة مفرومة
بقدونس مفروم
شوي قرفة
شوي ملح وياليت يكون ملح طبيعي
شوي فلفل اسود
كزبرة ناشفة
حبة طماطم
خس امريكي
بصل مقطع شرائح
مخلل خيار اي نوع
ماسترد ويمكن الاستغناء عنه بس رهيب يخلي الاكل لذيذ وسعراته قليلة جدا جدا...
خبز بر على قدكم طبعا الخبز البر اللي يكون صغير
الطريقة:
اغسلي اللحم المفروم زين وحطيه في قدر او صحن
حطي عليه البصل والبقدونس والملح والفلفل والقرفة والكزبرة الناشفة طبعا كل البهارات حطوها بكميات قليلة ..
افتحي الفرن على درجة حرارة متوسطة عشان يكون جاهز اذا خلصتي اللحمة
ارجعي للطبق اللي حطيتي فيه اللحمة واعجنيهم بيدك زين زين الين يختلطون مضبووووط
بعدها جيبي صينية بايركس او اي صينية مناسبة انك تحطينها بالفرن
وخذي شوي لحمة واعجنيها كنك تسوين برجر وحطيها في الصينية الين تخلص كمية اللحمة
حطيها بالفرن وخليها الين تستوي ...
اذا خلصتي
افتحي الخبز البر ادهني م ص ماسترد
حطي قطعة لحمة
حطي فوقها شريحة خس
بعدين شريحة طماطم
بعدين شريحة بصل
وحبة مخلل ...(( خيار طبعا))
وقدميها وااااااااااااااااو طعم ولا احلى ...
واذا مثلا اولادك او اخوانك او حتى زوجك ما يعرفون ياكلون هالاشياء الا بكاتشب
ممكن تسوين صلصة لذيذة وخفيفة هي انك تحطين طماطم في الخلاط مع شوي موية
واخلطيهم
وبعدها حطيها على النار مع شوي سويا سوس
ولمحبين الاكلات الحارة ممكن تحطين شوي فلفل احمر مطحون وم خل ابيض وخليها تغلي شوي وطفيها وحطيها مع الساندوتش ...
وصحتين وعافية .....
اختكم
ميسون
يلزم عليك تسجيل الدخول أولًا لكتابة تعليق.
marybill
•
مشكوره يا عسل عالوصفه الحلوه
marybill :
مشكوره يا عسل عالوصفه الحلوهمشكوره يا عسل عالوصفه الحلوه
العفو يا قلبي يسلمووووو على مرورك ياقمر
الصفحة الأخيرة