لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّه >استوقفتني بعد 10سنين

{ لَوْ أَنزلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّه >استوقفتني بعد 10سنين
بسم الله الرحمن الرحيم 
والسلام عليكم ورحمة الله وبركاته 
انا بحكي اليوم عن موضوع مهم وحساس جداً
السحر .. العين .. المس ودواااامه لآتنتهي 
اول شي انا انسانه عانيت من السحر والعين لسنوات طويله 
ودخلت في متاهات سحر لا مس لا عارض لا يهودي لا مسلم أفكار ووساوس وامراض الى مالا نهايه كنت اكثر سؤال اردده انا احبك ياربي ليه تسوي فيني كذا !! 
ومره قريت آية { لَوْ أَنزلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّه } واستووووووووقفتني
لو انزل على جبل !!! كيف بني آدم كيف جني ضعيف من نار كيف شيطان مصفد في رمضاااان !!! 
معقوله هذي الأشياء اقوى من الجبل طبعاً لا مستحيل لو كانت اقوى لأقسم بها الله جل في علاه .. 
يآاخواتي والله اني محبه وناصحه وانا انسانه جربت مثلكم وعانيت لكن ماااااااستفدت لآتدخلون بدوآمة السحر والمس هذي دوامه لآتنتهي قادتني اسوي اشياء ماتوقعت بيوم اسويها انجنيت صرت أشك بكل الناس صرت اعتب وأقول ليه انا ماينفك سحري شكيت حتى بالقران ليه ماله تأثير على المس والجن 
وصلت مرحله الجنون وانا متأكده ان البعض بيصَلِّ للألحاد لأن الشيطان ملعون وخبيث يوسوس لحد مايفقد الثقه بينك وبين الله 
ببساطه اللي تحس نفسها متضايقه او فيه مشآكل او تعسر او تأخر زواج او وظيفه او اي شي تفعل بالأسباب ماجاك شي معناها هذا قدرك من الله وهذا قدري قبلك انا افضل من كل قريباتي وصاحبتي مو غرور لكن وأما بنعمة ربك فحدث وكلهم متزوجين ومتوفقين والله يزيدهم من واسع فضله وانا كبرت وانا محلك سر ولايتغير بحياتي شي الا يخرب والحمدلله على كل حال 
فكرت بيني وبين نفسي مش الرقيه ما تفيد ولا البقره مالها تأثير احنا هذا نصيبنا من الدنيا مقسم الأرزاق الله 
مثلا خطيبي حبينا بعض لكن ماتوفقنا ليه !! لأنه هو طبعه سيء اوكي حبيته لكن مو ضروري اللي نحبهم يصيرون ملآئكه احياناً اذا انصدمنا من شخص قلنا هذا سحر والا مس عشان مانبغى نستوعب فكرة ان الشخص اللي حبيناه وبنينا عليه احلامنا سيء ونفس الشي ينطبق على الزوج والصديقه ووووو ادري الموضوع مو سهل انا صرت طريحة فراش لكن لازم اعترف بالواقع واترك عالم الوهم 
العين عادةً اعراضها واضحه اما شي جسدي وأما ضيق بالصدر اغتسلي واسمعي رقيه واقرأي قرآن وبتلآحظين الفرق 
((( انا مشكلتي ان كنت احسب الرقيه بتحقق لي أحلامي 😔!!!!!! هذا اللي حبيت انبهكم عليه يااخواتي وانا حاسه ومجربه كل اللي مريتوا فيه
وترى الصدمات النفسيه اعظم من السحر والمس احيانا تودي بالحياه حطوا احتمالات كثيره قبل تدخلون بهالدوامه 
لاحظوا انتم المسحورين والممسوسين لااايمكن يسمعون للقران بدون ردة فعل لا تقولون لي وخز وتنميل ومدري ايش لاااا الأشياء هذي ضيعت من عمري عشر سنوات هم يصرخون ويتشنجون الله يرفع عنهم لايمكن الأمراض الروحانيه ماتتأثر بالقران ولو فرضنا انك فعلا تعانين من سحر مايبين اعراضه بمجرد ماتستوعبين الفكره بتيأسين وبتكرهين حياتك أتبعي الرقيه ولا العلاج ولاتتعمقين بالأعراض 
يمكن العين اخفهم اعراض لكن برضوا اسبوع رقيه وأذكاره وتشوفين الفرق 
عدا ذلك بيكون ياتعب نفسي ياصدمه والآ يأس والآتراكمات او اشخاص سيئين خاب فيهم الظن او حظ لآيحمل الكثير من المفاجئات والدنيا فانيه رب العباد اذا وهب لآتسألن عن السبب 
وبالنسبه للأحلام هذي اكثر شي وهقني بالحياه هذي تلاعبات شيطان ياما وياما حلمت بانواع الثعابين والعقارب والنمل والديدان وكل شي ممكن تتخيلون حيوانات المزرعه كلها عندي ولا تدل على شي 
انا بديت اسمي الأشياء بمسميااااتها لو انها توجعني بس عادي اهم شي أكون واقعيه مع نفسي انا حظي من الدنيا مو زي أمنياتي والحمدلله على كل حال في ناس أسوء مني 
وانا من هذه اللحظه أتبرأ امام الله من كل ظن سيء ظننته وكل لحظة ضعف تحدثت او فعلت بها مايغضب الله احبك ربي ونعم المرجع ونعم المصير 
وأشهدك واشهد ملآئكة عرشك انه لآاله انت انت سبحانك اني كنت من الظالمين
{ربنا انا ظلمنا انفسنا فإن لم تغفر لنا وترحمنا لنكونن من الخاسرين 
ربنا اغفر لنا وارحمنا وانت خير الراحمين 
ربي مافات لي من أمنيه او شي حصلت عليه وفقدته فهو في سبيلك 
اغفرلي ولوالدي وارحمنا وافتح لنا بها أبواب الجنه وقنا عذاب القبر والنار 
اللهم لك الحمد حمداً كثيراً طيبا يليق بجلال وجهك وعظيم سلطانك حتى ترضى ولك الحمد اذا رضيت ولك الحمد بعد الرضى وصلى الله وسلم وبارك على حبيبنا وشفيعنا محمد ابن عبد الله صلى الله عليه وسلم