هذا الموضوع خاص بغسالة المواعين
طبعا اللي عندها غسالة مواعين راح تلاحظ وجود ريحة في الغسالة خصوصا بعد غسل مواعين فيها زفر السمك واللحم ، وبالنسبة لي ايام الاجازة ما استعملها وتظل يومين بدون استخدام واذا جيت افتحها ابشر بالروائح :09:
وانا في جيان اتسوق اشوف هالمنتجات خاصة بالغسالة بس اهون اشتريها عاد ذاك اليوم قررت اشتري واجرب
المنتج الأول اللي جاي بالعلبة هذا سائل خاص بغسل الغسالة والثاني تعليقة نعلقها بالغسالة وتعطينا ريحة روعة
وهذا اللي مكتوب على سائل الغسيل
وطريقة استخدامه سهلة ، ما عليك الا انك تشيلي قطعة القصدير اللي بالغطاء وتحطينه بالغسالة بالمقلوب وتبرمجين الغسالة على غسيل كثيف وخلاص هي تغسل
وهذي طريقة وضعه بالغسالة
ملاحظة
1- قبل لا تستخدمين السائل لازم تغسلين الفلاتر بصابون
2- اذا استخدمتين السائل لا تحطين في الغسالة مواعين
هذا المنتج استخدمته مرتين وما شاء الله يعطي ريحة حلوة للغسالة وتقدرين تستخدمينه مرة وحدة بالشهر
طبعا العلبة لاستخدام واحد فقط
المنتج الثاني مجرد تعلقينه بالغسالة مثل ما هو واضح بالصورة
وتمتعي برائحة منعشة كل ما فتحتي الغسالة وكلما كملت الغسالة من غسيل راح تشمين الريحة منتشرة بالمطبخ
اتمنى اني افدتكم ولا تنسوني من الدعاء بالذرية