لرز الزربيا ن وبالصور

حبيباتي جربوه ومارح تندموا وهذه اول مشاركه لي في الممطبخ وبالصور وياريت اشوف تشجيعكم:22:

المقادير
بصلتين مقطعه جوانح
ثوم مدقوق قليل ملعقه صغيره
زبدية لبن زبادي كبيره وصغيره
ملعقه صغيره زعفران
نص كاسة الشاي موية كادي
صلصله نص علبه
طماطم حبتين معصوره
كزبره خضراء قليل مغسله ومقطوع عروقها بس مو مفرومه
ملعه صغيره ملح ليمون
ملعقتين ملح صغيره او حسب الرغبه
ابزار الزربيان من السوبرماركت
فلفل اسود
كزبره ناشفه
كمون
ليمون ناشف
ورق الغار
ارز ابو بنت خمس كاسات
لحمه نسيت اقولها:hahaha: او صدور دجاج مقطعه مكعبات


الطريقه

نسلق اللحم في قدر مع هيل وقرفه وقرنفل نص ساعه
وفي قدر تاني نكشن البصل لحد مايتخدل وعليه التوم
نجيب زبديه نحط فيها اللبن وكل الاشياء ماعدا الزعفران وموية الكادي
نلخبطهم ونخليهم على جنب طيب
موية الكادي نحط عليها الزعفران حتى يتغير لونها ونحط نص الكميه ونص التاني نخليه على جنب
اتكشن البصل خلاص نحط عليه اللحمه شويه وبعده خلطة اللبن
نخليها كمان تقريب نص ساعه لانه عيلتي تحب اللحم مره مهتري
موية سلق اللحمه نحط عليها الرز ونسلقه نص سلقه اقولك كيف نص سلقه
يعني المويه يادوب مغطيته اوكي
يشرب المويه كلها يلا نجيب الرز ونحطه على الخلطه بس بدون تقليب
يسير في باقي رز على الوجه لونه ابيض
نجيب باقي موية الكادي ونسكبها على الوجه ونلخبط برفق يسير تلات الوان اوكي
نغطي بقصدير ونترك تحته حديده ونار هادئه لحد مايتسوي وبالهناء والعافيه
يقدم مع سلطة اللبن بالخيار



عند الغرف نشيل الوجه لوحده الابيض ولوحده الاصفر
نقلب القدر زي كدا:hahaha:



وبعدين نفرده بشويش ونحط عليه اللون الابيض وبعده الاصفر يسير تلات الوان
روعه والله
وبالعااااااافيه يارب
شايفين حوسة المطبخ عاد كنت حايسه وبدي اصور مو زي كل مره انسى خخخخخ:09: