لزالة الخطوط البيضاء و الحمراء(الى الاخت ريما الدلوعة و جميع الاخوات في المنتدى)

السلام عليكم و رحمة الله وبركاته

الى جميع الاخوات في المنتدى هذه هي الموقع للاخت غدور


ترجمه لطريقة ازالة الخطوط البيضاء(التشققات)
هلا باخواتي
بترجم لكم موقع وحده صينيه ..عن علاج الخطوط البيضاء ...وذلك حسب تجربتها الشخصيه....وللعلم ان الخطوط البيضاء عندها لها فتره طويلة مره.....وهي في الموقع تحكي عن تجاربها في علاج الخطوط......وعن بعض الادويه اللي لاحظت انها تزيد من الخطوط....وتحكي عن تجارب الناس مع العلاج اللي هي ابتكرته ..وتقول انه نسبه عاليه جدا من الناس تخلصوا من الخطوط باستخدام طريقتها....وعشان تحصلين على الطريقه لازم ترسلين لها مبلغ ...وهي ترسلك في ايميلك الطريقه...ان شاء الله بعدين بترجم اسماء الادويه اللي ممكن تسبب الخطوط والعوامل الثانيه المسببه للتشققات...لكن الحين بكتب لكم طريقة العلاج.....واحب اوضح اني انا ما جربتها...مجرد اشتريت الطريقه..وكنت ابي اكتب لكم عنها بعد ما اجربها لكن الاخوات قالوا لي اكتبها الحين ونجربها سوا
وما ابي منكم الا شي واحد...انكم تدعوا لي بالتوفيق والسعاده ..,وان ربي يشفي عمتي اذا نجحت معكم الطريقه باذن الله..(بليز لا تنسون الدعاء) الحين نجي للعلاج
العلاج :
استوحت الطريقه من عملية الليزر.....وهي تعتبر الحين الاكفأ في علاج الخطوط...لكن بسبب تكلفة الليزر ومخاطرها...ما يلجاون لها الناس....
وطريقة الحرمه تعتمد على شيين...وهم صنفره ..وتحفيز
شلون يعني؟؟ يعني صنفرة الجلد ...وازالة طبقه من الجلد في كل مره..عشان نحفز نمو انسجه جديده...وبعد كم جلسه نكون ازلنا الجلد اللي فيه علامات التشققات
طبعا هذي هي الطريقه للي يعتمد عليها الليزر...وهو صنفره وتحفيز زي ما شرحت..واحنا بنسوي نفس الشي...لكن بدون ليزر....
النتايج:
حسب كلام الحرمه وتجارب الناس...راح تلاحظين بعد جلستين تغيير في الجلد....راح تشوفين ان الجلد صار اكثر صحه ومشدود اكثر وفيه تقدم طفيف....ومع الاستمرار راح تلاحظين تغير واضح.....طبعا النتيجه النهائيه تختلف من شخص لثاني حسب حالتك....يعني تتراوح بين عدة اسابيع الى عدة اشهر...واهم شي في الموضوع المثاااااااااابره....يعني ما تقولين انا مليت من بعد كم جلسه....لازم تستمرين
وهذا البرنامج راح يساعد كمان في مشاكل الجلد الثانيه...زي بقع في الجلد...او جفاف وغيره
الحالات اللي يمنع فيها استخدام البرنامج
1)الجلد الحسااااااااس جدا واللي ينجرح بسهوله
2) كثرة التحسس من الكريمات وغيره
3)جلد جاف جدا جدا(حالات متقدمه من الجفاف)
4) اذا كنتي تستخدمين أي علاج هرموني او فيه ستيرويد لا تستخدمين البرنامج...لان الستيرويد يسبب تشقق الجلد
اذا ما عندك هالحالات هذه تقدرين تستخدمين البرنامج لازالة التشققات..او على الاقل تخفيفها بشكل كبير
-اذا ما لاحظتي أي تقدم خلال اسبوعين ثلاثه معنى هذا انك تستخدمين البرنامج غلط
-راح تلاحظين ان التشققات بالبدايه صغرت في حجمها وعمقها..ومع الاستمرار تختفي
نبدا بابرنامج....راح تلاحظين انه بسيط جدا..لكن لازم تتقيدين فيه لانه كل شي له سبب


الادوات المطلوبه:
1) اداة المساج:
هذه صورة الاداة اللي لازم نستخدمها...حجمها بحجم اليد....وهي مصنوعه اما من الخشب او البلاستيك....والقاعده مصنوعه من مطاط ...لازم تستخدمين نفس هذه الاداة عشان تحصلين على النتيجه.....ممكن تلاقينها في الصيدليات او محلات المساج وغيره.... http://www.beautybeyondskindeep.com...images/msgr.gif


2)السكرب :
سكرب الخوخ ...وافضل ماركه هي الموضحه بالصوره...حاولي تحصلين عليها او شي مشابه:

http://www.beautybeyondskindeep.com...stivesscrub.gif

3)زيت زيتون...او زيت
Safflower oil

4)مستخلص الصبار
وهذا يساعد في نمو انسجه جديده
تقدرين تحصلين عليه من نبة صبار عمرها سنتين او اكثر
واذا ما عندك النتبة...حاولي تحصلين على جل الصبار ويكون اصلي...وتقدرين تعرفين الاصلي بشكله... الاصلي يكون له لون بني خفيييف وريحته زي نبات الصبار....ابتعدي عن الجل اللي يكون مضاف له عطور ومحسنات ويكون لونه ابيض...

http://www.beautybeyondskindeep.com...es/aloevera.gif

5)لوشن الكولاجين والاستين
وهذا هو الافضل:

http://www.beautybeyondskindeep.com.../stivesclgn.gif

- حاولي تحصلين على الاشياء هذه او اقرب ما يمكن لها

المقادير:
1) 3-4 ملاعق صغيره من السكرب
2) نقطتين من زيت الزيتون
3)نصف ملعقه صغيره من مستخلص الصبار
(اذا كنتي بتستخرجين الجل من نبات صبار ..اغسليه ونظفيه اولا بعدين اقطعي طرفه بالسكين واعصريه يطلع لك الجل...ولازم تكون النبته عمرها سنتين او اكثر)
اخلطي المقادير في وعاء وخليه على جنب راح نستخدمه في الخطوه الثانيه
الطريقه:
اخلطي المقادير في وعاء(وهي كافيه لمساحة 2 قدم تربيع)..واذا احتجتي زياده سوي نفس المقادير مره ثانيه...
الافضل انك تستخدمينه كله بمره...يعني لا تخلطين كميه كبيره وتحفظينها
واذا عندك تشققات في مناطق عديدة من الجسم ركزي على مكان معين واشتغلي عليه... وبعدين انتقلي للمكان الثاني...عشان تحصلين على نتايج افضل


الخطوه الاولى: تطرية الجلد:
خذي دش واغسلي جسمك كله...لمدة 5 او 10 دقائق لتطرية الجلد...عشان نقدر نزيل الطبقه الميته...مو بس تبللين المكان...لازم تستحمين

الخطوه الثانيه المساج:
يفضل تسوين الطريقه قبل النوم...عشان لما تزيلين الطبقه الميته يكون الجلد مستعد لبناء انسجه وانتي نايمه
نشفي جسمك بعد الحمام...بس خليه شويه رطب..لا تنشفينه 100%....بعدين ضعي قليل من الخلطه اللي سويتيها في الوعاء(طبعا تسوينها قبل الدش)...ضعيها في الاماكن اللي فيها تشققات..وجيبي اداة المساج وابدي سوي مساج ...والطريقه كاالتالي: كانك تصبغين الجلد...وليس العضله..انتبهي...عشان نزيل الجلد الميت ...ولا تضغطين على العضلات...ركزي على الجلد...وحركي الاداه باتجاه عقارب الساعه على شكل دوائر قطرها 1-2 انش...وحاولي تركزين على كل جزء...وعلى شكل دوائر..وابدي ببطء وبخفه...حتى يتعود الجلد..وعلى شوي شوي زيدي السرعه والقوه..(على فكره الخلطه اذا نشفت في الوعاء حطي عليها شوبة مويه)
بالنسبه للجلد السميك:
دلكي المنطقها الواحده(مساحة 5 او 6 انش) لمدة 3 دقائق او اكثر..(حسب احتمال جلدك) ولا تتعدي 5 دقائق للمنطقه الواحده
الجلد الرقيق:
(يكون غالبا فاتح جدا)
دلكي المنطقه لمدة 2 دقيقه...او حسب احتمال جلدك..ولا تتعدي 3 دقائق
- لاحظي تغير الجلد للون احمر...وهذا يدل على دوران الدم في المنطقه...ويدل انك ماشيه صح...
- بعد تحول الجلد للون احمر...استمري شوي بالتدليك...حتى تحسي بجلد يقرص شوي بعدين وقفي
- استخدمي فوطه مبلله لمسح المنطقه ثم ضعي كميه اخرى من الخلطه على الجلد لمدة دقيقه واحده(لا تدلكين بس خليها دقيقه)
- بعد كذا اغسلي جلدك.
ملاحظه:
لا تحاولين عمل التدليك زياده عن المطلوب.....اذا حسيتي بجلدك يجرح معناها انك زودتيها بالتدليك..
اذا جلدك مررررررررره حساس وحسيتي بحساسيه وقفي العمل

الخطوه الثالثه:
نشفي المكان..وضعي الكريم المكون من اللوشن(كولاجين) والصبار بكميه متساويه(كانك تحطين كريم عادي) والجلد مازال احمر...ودلكي باصابعك حتى يمتصه الجلد تماما

ملاحظات:
راح تسالون كم مره بالاسبوع تسوون الطريقه؟؟
لا تعتقدين انك كل ما كثرتي من عملها بتساعدين جلدك...هالكلام غلط...لازم تعطين جلدك فتره يرتاح...
وفيه جدول يبين لك كم مره بالاسبوع تسويين الطريقه:
يوم1 :صنفره +كريم(الكريم اقصد فيه اللي بخطوه 3)
يوم 2 : كريم فقط(اختياري)
يوم3 كريم فقط(اختياري)
يوم 4 صنفره+كريم
يوم 5 كريم فقط(اختياري)
يوم 6 كريم فقط(اختياري)
يوم 7 صنفره +كريم
يوم 8 كريم فقط(اختياري)
يوم 9 كريم فقط(اختياري)
يعني يوم ايه ويومين لا .......... وتستمرين كذ اسبوعين او 3
بعدين تغيرين الجدول
يصير يوم ايه…و3 ايام لا

والان ملخص الطريقه كالاتي:
1- خلط المقادير المشروحه اعلاه في وعاء
2- الاستحمام لمده لا تقل عن 5 دقائق
3- تنشيف الجسم ولكن لا تنشفينه 100% ...خليه رطب شوي
4- خذي بيدك من الخلطه وحطي على المكان المطلوب...وبعدين امسكي اداة المساج ودلكي حسب نوعية جلدك(اذا سميك 5 دقائق -واذا رقيق 3 كما هو موضح اعلاه)
التدليك يكون كما هو موضح اعلاه
5-استمري حتى يصبح لون جلدك احمر دلالة على تنشيط الدوره الدمويه...توقفي عند الشعور بقرص في الجلد.
6- امسحي المكان بفوطه مبلله
7- خذي كميه اخرى من الخلطه وضعيها لمدة دقيقه واحده
8- اغسلي المكان بالماء
9- ضعي الكريم المكون من (الكولاجين والصبار) ودلكي باصابعك حتى يمتصه الجلد.
10- نامي

ملااااااااااااحظه:
اذا ما لقيتي الادوات المطلوبه ولا بديل لها مالك الا تطلبينها من الحرمه وترسلك اياها بالبريد...
وهذا هو الموقع

http://www.stretchmarkcure.com/index.html
ترى الموقع فيه صور للحرمه قبل وبعد استخدام البرنامج...وفيه كشف لعورتها
شكر خاص جدا جدا جدا للخت ام انوش..التي دلتنا على الموقع ...هي كتبته في موضوع الخطوط لاحدى الاخوات وانا شفته واشتريت الطريقه

- في الليل ان شاء الله بكتب لكم الفيتامينات اللي نقصها يسبب التشققات لاني الحين مره تعبت وعيوني حمرت
واي اساله انا جاااااااااااهزه للاستفسارات
وتحياتي
(لا تنسون الدعاء)
ورجاااااااااء حاااااااااااااار لا احد ينقل الموضوع لمنتدى ثاني...الا بذكر المصدر


تحياتي لكم و اسال الله تعالى ان نستفيد منها