لزانيا

السلام عليكم ورحمة الله وبركاته

كيف الحال خواتي إن شا الله كلكم بخير وعافية

اليوم سويت اللزانيا بالجبنة

طبق لذييييذ وسريييع ويستحق التجربة


طبعا المقادير حسب عدد عايلتج :

** لزانيا مسلوقة بماء وملح وزيت

** صلصة حمرة ( حمسي بصل وثوم في الزيت وضيفي له كزبر وفلفل حار وتبليه بملح وبهار
بعدين ضيفي عليه طماط مفروم ناعم وملعقتين صلصة طماط وتقريبا نص كاس ماء
وخليه عشر دقايق على النار يتسبك )

** صلصة بشاميل ( سيحي زبدة على النار وضيفي لها طحين وحركيه حتى يتشرب الطحين الزبدة
صبي عليه حليب سائل شوي شوي حسب الكثافة اللي تبينها
ضيفي له مكعب ماجي وتركيه يطبخ خمس دقايق ويكون جاهز )

** جبن موزاريللا مبشور

الطريقة :

في طبق بايركس حطي ملعقتين أكل من الصلصة الحمرة وادهني فيها الطبق حتى ما تلزق اللزانيا

صفي طبقة من الزانيا ثم ادهنيها بالصلصة الحمرة ( بس مسح مو تكثرين )

بعدين صبي عليها طبقة خفيفة من البشاميل وفوقه شوي جبن



وبعدين كرري الطبقات حسب المقادير عندج

وتكون آخر طبقة جبن



دخليها الفرن حتى يحمر الجبن









وبالعافية عليكم