المقادير:
اي نوع لزانيا تفضليه انا بستعمل الخليجية عادة بس اللي في الصور نوع اخر..
بشامل متوسط لا تقيل ولا خفيف
الحشوة:
لحمة مفرومة معصجة
جزر
فلفل رومي
زيتون اخضر مقطع قطع صغيرة
معجون طماطم
جبنة برمزان
الطريقة:
اول شئ نجهز الحشوة انا بستعمل جزرة واحدة وفلفلة واحدة وبتكفي معي صينية كبيرة اللي انتوا شايفينها في الصور
نبشر الجزر ونقطع الفلفل الرومي قطع صغيرة ونحطهم علي النار ونوطي النار ونقلب كل شوي لحد مايدبلوا
بعدين نضيف اللحمة المعصجة مع قطع الزيتون الصغيرة
وبعدين نضيف معجون الطماطم المذاب في الماء ونترك الحشوة شوي علي النار ونظبط الملح والفلفل
البشامل:
معلقتين كبار دقيق لكل كوب لبن...انا بضيف علي البشامل شوية ريحان ومكعب ماجي مع الملح والفلفل
ونسلق المكرونة...من 5:7 دقائق لو النار عالية
نجيب الصينية ندهنها بقليل من البشامل مش كتير
نضع طبقة من اللزانيا وتكون الاطراف متلاصقة
نتابع
ثم نصف كمية الحشوة ثم الجبنة البرمزان
ثم نكرر طبقة لزانيا ثم لبشامل ثم باقي الحشوة(اعملي طبقات زي ماتحبي) واخيرا علي الوجه نغطيه بالبشامل والجبنة البرمزان وممكن نضيف موتزاريلا
ندخلها الفرن حتي يحمر الوش وهنا بعد ماطلعت
وهنا ياااااااااااادوب لحقت اصور اخر قطعة
جربوها لانها والله شهية جدا وتفتح النفس واحلي من المكرونة بالبشامل بكتير