كلي عطاء ووفاء @kly_aataaa_oofaaa

عضوة نشيطة

لزم نتساعد عشان نقدم وجبات صحيه لاطفالنا

مساء الخير ياحوائيات حابه اطرح هذا الموضوع لتعم الفائده لجميع الامهات لصحه ابنائنا عشان كذا حابه كل وحده تقول نظام غذاءها لابناها وحتى نتفاعل مع بعض كل وحده تقول وش سوت لعيالها اليوم من وجبات مفيده وصحيه ولو بصور احسن عشان كل وحده تهتم وتصلح تجاربها وتجارب غيرها لصحه اطفالها بنسبه لي عندي ثلاثه اطفال اعمارهم 8و3 وسنه واربع شهور يعني هذا راح يكون ملف خاص لتغذيه اطفالنا يعني كل وحده تقول وش تفطر عيالها وش تسوي له فسحه وش تغديهم والافضل بعد لوكان بصور طبعا بكره الصباح راح انزل لكم صور فطور عيالي وفسحه ولدي والله تحمست لبكره عشان اصور( المستفيد ولدي) فهمتو وش اقصد كل وحده تتحمس والمستفيدين صغارنا اقولكم نظام غداء اميرتي الصغيره طبعا اعطيها بالرضاعه 4ملاعق سريلاك وحليب سعوديه بس رضعتين في اليل والعصر واعطيها رضعه حليب بديا شور لانه مغذي ومفيد ثلاث رضعات باليوم والصباح افطرها مع اخوانها بيض بالجبن وطبعا الغدامثل ماتعرفون طبعا لزم ارزومعها يادجاج يالحم ياسمك بس دائم مهم احط لكل واحد بصحنه موزه وزبادي على الرز داريه حومت كبودكم انا عن نفسي مستحيل اكل زيهم بس هم يحبون كذا والعشاء اغلب الوقت اصلحلهم اكلات بحريه ياسندوتشات او اي شي خفيف وعيالي الكبار اشربهم باليوم ثلاث كاسات حليب طبعا نفس حليب اختهم بديا شور كاس بصباح وكاس العصر وكاس قبل النوم صحيح عيالي مره نحاف بس انا سويت الي علي واهم شي انهم متعافين

يلزم عليك تسجيل الدخول أولًا لكتابة تعليق.

تسجيل دخول

غنوة bmw • 14 سنة

يجزاك خير حمستيني اعطي عيالي الثنين بعد الفجر كاسه حليب بالعسل والافطار الساعه 9 والغداء رز ومعاه لحم او دجاج والعشاء ساندويتشات وعصير او شاي من غير تسالي العصر الله يصلحهم كلها خرابيط

لوزانا2 • 14 سنة

طيب أنا اليوم :
فطور ولدي/ خبز بالبينت باتر+عصير الربيع

الغداء/ مكرونة باللحم المفروم+ بطاطس مهروس مع صدور دجاج وكزبرة وليمون

العصر/ معجنات بالزعتر+حليب كاكاو

ومن كل نوع بس يتذوق - يعني بس تعب و كرف بالمطبخ- ههههههه

كلي عطاء ووفاء • 14 سنة

طيب ياقلبي ليه ماتسالينه وش يحب هو ياكل بدل ماتتعنين وبصراحه ماعتبره عناء اذا احد بياكله

ام اوج • 14 سنة

لا والله عنا
انا اعمار عيالي مثلعيالك بالضبط
ولدين وبنتالله يصلحهم
الفطور
سندويش نقانق مع حليب المراعي طويل الاجل
الغداءكبسة لحم مع عصير برتقالوجزر عصيرصناعي طبعا
العصر
سندوشات جبن وشاي وبسكوت
والعشاء باقي الغداء الرز والحم
ويشربون لبن وعلى طول نووووووووووم
العشاء باقي الغداء

lulucat97 • 14 سنة

انا ابني مره متعب بالاكل عمره سنتين ونصف ...........بس فيه اكله يحبها اسويها كل يومين عشان هو مره ملول .....اسلق المكرونة الحجم الصغير لحد ماتنشف الموية عشان تكون غنية بالنشاء احط عليها شوي حليب مذوب بشوية موية وملعقة صغيرة جبنة سايلة واخليها تمتص الجبنة والحليب وبس اقدمها له ............و.جربي شوربة البطاطس والجزر ..........