لزوجك اولاد من احد غيرك طيب تعالي

بنات انا بقولكم قصة وحده من معارفي قصه حقيقيه وليست من ارض الخيال
البنت اللي بكلمكم عنها هي يتيمة اب لها اخوه من الاب والام ولها اخوه من الاب فقط..
كانت تعيش بعض الوقت عند امها والبعض الاخر تعيشه عند عمتها :unhappy:
عمتها كانت جدا جدا قاسيه والله يابنات اني اعرف هذي العمه كانت البنت دائما تعامل عمتها باحسن مايكون تمازحها وتساعدها ويعني محبه لها , بعكس العمه كانت من زود كرهها في هالبنت تاخذ البول- الله يعزكم- وتحطه في الغساله مع ملابس البنت بدل الصابون يعني , وكل مالبنت حاولت في عمتها انها هي اللي تغسل الملابس بنفسها كانت العمه ترفض تقول انت عندك اختبارات وترفض رفض تام , وكل مره البنت تسال وش هذي الريحه مره وسخه والبنات كرهوني بسببها؟؟كانت ترد يمكن عندك التهابات والا شي ..
البنت ماكانت تقدر تسوي شي لسبيبين الاول كان وقت المكر هذا في الاختبارات ثانيا عمتها كانت جدا شريره .. هذي احدى العاب المكر اللي العمه لعبتها , مستغله ضعف البنت المهم بعد مكائد عده من العمه تجاه البنت ربي يسر وتزوجت من فتره قريبه وبعد وقت قصير العمه مرضت ,ولها من البنات والاود مايقارب 8 , كلهم وقت مرضها هربوا , ومحد قعد عندها يرعاها سبحان الله دقت البنت على عمتها وكأنها حاسه بشي , ردت العمه بصوت مبحوح وتعبان البنت خافت وجت من الرياض لدمام تشوف عمتها ولما شافت وضعها وان مافيه من يرعاها طلبت من زوجها تقعد عند عمتها وترعاها , الزوج وافق بعد الحاح منها ..
هنا بكت العمه بكاء يقطع القلب قالت لها انت تعتنين فيني وانا اللي كنت انشر عنك فضايح ماصارت!!
تدرين وش الريحه اللي كانت في ثيابك؟؟هذا بول يابنتي
تعتنين فيني وانا اللي كنت اسعى في دخولك لعالم الزنا!!
وش تبين بعنايتك فيني؟؟ تبين تقهريني؟؟
ليش تعتنين فيني وانا اللي كنت ادمر مستقبلك اخذتي 8 سنين في الكليه والبنات كانوا يتخرجون بسرعه
تحسبين بعنايتك اني برتاح والله اني كل ليله احلم فيك كيف كنت اخليك تشتغلين في المطبخ كله عشان ماتذاكرين وقت اختباراتك
طلبتك بس سامحيني , خليني زي ماعيالي خلوني
البنت ردت بكل برود والله انا عارفه بكل هذا واكثر , ووالله اني مسامحتك في الدنيا والاخره
اعتنت فيها كما تعتني الام بطفلها
اعتنت بكل حب
انا ما اعرف كيف جاء لها قلب وترد الاساءه باحسان
والعذاب بعفو
ما اعرف كيف مابينت لها وكأن شيئا لم يكن
بس كل اللي اعرفه ان العمه ماتت وهي مرتاحه في اخر ايامها لقت من يعتني فيها
انا ابي اقولكم كذا معلومه والله انا اعرف البنت واعرف عمتها واهلها كلهم هم من معارفي
ثانيا اقول لكل زوجة اب تعاملي مع عياله بما يرضي الله لان ممكن تتكبرين وتعملين مكائد بس وقت كبرك في السن وحاجتك لعيالك يهربوا منك لان الله ماجعل فيهم بركه
عاملي عيال زوجك لان ممكن في يوم من الايام يصيروا لك احسن من عيالك
ثم في الاساس يمكن لقمه تحطيها في فم احدهم تكون سبب في دخولك الجنه
اسفه لو طولت بس فضفضت وجبت لكم قصه شاهدت بعض ماحصل فيها والبعض الاخر اصحاب القصه من اخبروني بها ..