لساني بنت ودمي يتصفى في كل دورة ... نزيف مروع ومافي سبب طبي.. الله يخليكم

السلام عليكم ورحمة الله وبركاته ...
ما ادخل انا هذا القسم ولا ليا مشاركات يمكن فيه لاني ما فكرت اني احتاج مادمت مش متزوجة ولا حامل... لكن في الواقع انا انزف بشدة في كل دورة، نزيف يخليني مهما اكلت وحسنت صحتي هو نقطة ضعفي حتى الطبيب يقول مهما اعطيتك حديد وفيتامينات عشان شعرك ولا بشرتك طول ما انت تنزفي بهذه الكمية الرهيبة جسمك ما يقدر يعوض... والحل؟
ما تركت اشعه
والنتيجة ولله الحمد سليمة
تحاليل التخثر سليمة كمان الحمدلله والدم يصير عندي انيميا طبعا من النزيف كل شهر باستمرار
دورتي الحمدلله 7 ايام عادي يعني بس الثلاثةالايام الاولى ممكن اوقات قبل ما اكمل ساعة اغير الغيار اكرمكم الله... وهذه المرة يمكن نص ساعة ما جات الا وانا مغيرة في ساعتين غيرت يمكن 3 مرات
جلست اكل تمر... اكل عسل اسود... اشرب حليب :( ما بدي ابكي وانا اكتب
انا الحمدلله راضية بقدر الله وانا عارفة انو في حل اكيد
انا عمري 24 وبلغت وعمري حوالي 13
بداية بلوغي صارتلي مشاكل ونزيف برضو وبعد كدا الاوجاع والتعب عموما في الدورة وكمية الدم غزيرة وهدا الشي خلى وجهي غالبا باهت ومصفر بالذات وقت الدورة
مااعرف ليش اكتب الموضوع لكم ... بس قلت بعد ما يئست من الدكاترة يمكن وحدة تنفعني بشيء بفضل الله او لها تجربة او تعرف طبيبة ممتازة لاني كرهت الادوية والكيماويات والهرمونات نفسي في حل طبيعي غير معقد ارتاح ونفسيتي ترتاح من شوفة الدم الغزير لان نص دمي اصلا مش دم دورة وانتوا فاهمين الفرق بين دم الدورة وغيره.... الله يشفيها ويشفي كل حبيب وقريب لها الي بس تساعدني الاقي حل او تدلني وحتى الي اهتمت ودخلت الموضوع الله يجزيها خير ولا يعرضها لموقفي ولا لاي شر والحمدلله على كل حال الي عندنا من النعم اكبر من المشاكل الي نكتبها الحمدلله بس الانسان ضعيف استنى ردكم بفارغ الصبر :26: :26: :26: