لساني مربوط عن الكلام الحلو

ياقلبي الرجال يحتاج الكلام الحلو يعني لوماسمعه منك من مين يسمعه حاولي بتتعودين مع الوقت

حاولي تتكلمين قبل مايجي مع اولادك ومع اهلك تعودي شوي شوي عن الكلمات الحلوه وبعدها بتصير في لسانك علطووول بتتعودين عليها وبتقولينها لزوجك ان شاء الله

حاولي ولاتتهاونين ابدا
مثلا احلفي ان تقولين له كلام معين ولازم تقولينه
عادي مثلا وانتوا بالفراش والنور طافي
او غمضي عينك وقوليه
انتي منحرجه لانك ماتعودتي من البدايه
انا كنت استحي وامنحرج
بس كنت استغل وقتنا بالسياره واقوله لاني متغطيه ومايشوفني او بالليل والنور طافي
واحيانا اقوله وانا مقفيه اجيب ماي او اي شي
بس بعدين تعودت وقدرت اقوله بوجه

لانك ماتعودتي اكيد في البدايه بيكون صعب حاولي كل يوم تقولي له كلمه او كلمتين وكل يوم كلمه لما تتعودي ويتعود هو يسمع منك شوي شوي لين يصير الموضوع عادي اعرف بيكون صعب في البدايه لكن مع الوقت بتتعودي اذا كنتي خجلانه مره وعجزت الكلمه تطلع حاولي يكون الكلام الحلو كتابه يعني برسايل الجوال اذا كنتي بتطلبي غرض ابدي الطلب بكلمه حلوه ومره ورا مره بيتعود زوجك الكلمه الحلوه منك وراح تطلع تلقائي من لسانك

اذا مو متعوده صعب انا كنت كذا بالبدايه تخيلي مره جابلي هديه بس قلت شكرا حسيت مالي داعي بس الحين فرق ,,
اول شي ابدي بالشكر لو جابلك شي يسلمو ياقلبي تسلم ايد الي جابتها
واذا بغيتي تطلبين حبيبي ابي منك طلب عيوني جاي ع بالي كذا
عمري ليه تأخرت قلقت عليك ..قلبي يلا قوم وراك دوام ...حاولي تدخلينها بكلامك المعتاد
ابدي بهالاشياء بعدين تغزلي فيه بأشياء اقوى ,,
شوي شوي تتعودين وتقولينها عفوي بدون قصد
انا اذا شفت مسلسل قالوا كلام ولا حركه رومنسيه احيانا بسيطه مثل مسكت ايد بس بطريقه خاصه
احطها ببالي واسويها بس لما يكون هو مايتابع نفس المسلسل عشان مايقول تقلدين خخخخ


وفيه حركه حلووه لما تكونون بجو حلو ورايقين بمطعم او سياره او قبل النوم والنور مطفى عشان مايشوفك ههههه
اقربي منه وقولي له اقولك شي !!
طبعا هو بيقولك ايه
قولي تدري اني احبك ,, واسكتي يمكن مايعلق لو ثقيل بس بداخله يفكر فيها