لسان امي لاذع تعبت و الله تعبت

السلام عليكم
اخواتي امي من يوم فتحت عيني على الدنيا و هي تسب و تدعي علي و تعلق تعليقات تخليك تكرهين نفسك لدرجه مرة وانا بنت قمت ازبط نفسي و اهتم و اسوي لي حمام زيت لشعري و اشقر حواجبي لاكن الله يهديها قالت لي ليه كل هذا تحسبين (كلمه سيئة مره ) عند الباب يخطبك المهم صبرت و صبرت اللين تزوجت
و صرت اجيها نادر من مدينه بعيده واجيب لها هدايا و ما عندي بيت في المنطقه الي هي فيها و لا زوجي يقدر يستأجر لي هو يروح لاهله وانا اروح لاهلي ومن يوم جيت و لا فكرت تسوي شيء و تقول هذا عشانك انتي جايه من فتره بعيده ما شفناك سكت و تعبت ومرضت و طحت في الفراش صارت تسوي الاكل و تروح ولا تبقي لي شيء ولا حتى تفتح باب الغرفه تسال عني سكت ما قلت شيء
سكت ولا قلت لها شيء صارت اذا رجعت من برى اسلم عليها تقول ابعدي عني و اذا حبت تتكلم و تسولف تتكلم بس انا لا ابدا ولا أقول شيء سكت و عديتها اللحين طلبت مني افك لها شوكلاته قلت لها طيب قمت و فكيتها قامت تسب و تهزي و تعلق تعليق يكره الواحد حياته قمت قلت لها خلاص كذا كفايه انا يادوب اتحمل و انتي من يوم اجي اللين اسافر وانتي تسبين قالت خلاص هاتي لا تسوين شيء و طردتني وجالسه تسب و تدعي
ما عمرها قالت حبيبتي ما عمرها قالت عمري ما عمري سمعت كلمه زينه من فمها الا للناس الغرب وبس لا تقولون ارجعي زوجي امه مريضه وراح لها يجلس معاها ولا اقدر اروح عندها و هي تعبانه ما تتحمل احد و لا اقدر ارجع بيتي بعيييييييييييييييييييييييد في منطقه بعيده
بكره عيد وانا باقي تعبانه و تعامل امي زادني اكثر هم وش الحل (تقولون مالك الا الصبر) زين بنصبر بس قلت اكتب اخفف من همي او وحده منكم شافت الي شفته يمكن تخفف علي