لسان بنتي ابيض شاسوي ؟ وكيف انظم نومها

ام عبودي بالنسبه للسان هذي فطريات استخدمي لها دكتارين جل وهو موجود بالصيدليه واسألي الدكتوره او خوذيها للدكتور يكتب لك كم الجرعه انا بنتي جاها وراح وغالبية الأطفال يجيهم واذا ترضعيها طبيعي حتى صدرق ممكن ينتقل له لذلك لازم حتى انتي تستخدمينه
اما النوم الله يعينك العمر هذا دايم نومهم ملخبط

امسحي لسانها بشاش مبلول بماي وملح بعدين حطي لها الجل الدكتارين جدا ممتاز على فكرة وكلام الاخت مالقيت اسم صحيح مية مية

هذي فطريات باللسان جت لبنتي وعمرها شهرين وعطتني الدكتوره جل دكتارين وقالتلي على طريقه

تعرفين العود الخشب اللي الدكاتره يكشفون فيه على الحلق واللوز اشتريلك من الصيدليه علبه
وحطي بطرفها شوي من الجل وحطي على اللسان وانتظري دقيقتين بعدين بالعود حاولي تكشطين شوي
شوي من على اللسان الطبقه البيضه

انا قالتلي الدكتوره استخدمه 4 مرات باليوم شوي شوي الين خف بعدها باسبوع وراح نهائي

بس لاتكشطين بكل قوتك تراها صغيره شوي شوي


بالنسبه للنوم اليك طريقتنا بالليل نوميها 12 واحرصي الغرفه تكون ظلمه وبرودتها زينه اومهديها زين (كوفليها ) الى الصبح اما النومات اللي من بعد 9 الصبح لليل حطيها بالصاله المهم يكون فيه نور ولاتمهدينها الا بالليل وصدقيني كم يوم وحتلقينها واصلت بنوم الليل لان الاجواء مريحه وتساعد خاصة لاصارت ممهوده

انا قعدت بنتي تقريبا 4 ايام لازم تصحى الفجر وتقعد كم ساعه وشوي شوي صارت نومتها تطول الى انتظم نومها تنام 12 بالليل وتصحى الصبح
تقوم طبعا كل ساعتين ترضع بس ترجع تكمل نومها ماشالله مو مثل اول تصحصح


وبالتوفيق:)

عزيزتي لا تهملي فطريات اللسان ترا انا عذبتني وسببت لي تشقق في حلمة الثدي بسبب الرضاعة

طبعا لازم تستشيري طبيب مش اي دوا تعطيه في هذا السن

بالنسبه للنوم الله يعينك كلنا مرينا بهذه الفترة المزعجة لانوم لا راحة بتكبر انشاءالله وبتريحك

أنا عن تجربتي مع ولدي .. الحمدالله ما تجي الساعة 11 و لا 11 و نص إلا تلقينه خلاص يبي ينام ..
أولا اقومه انا بنفسي الصبح إذا هو ما قام يعني عالحدود ال 9 أو ال10 اسبحه و أرضعه يرقد على طول بعد السباحة .. بعد يقوم الظهر حزة الغدا أقعد ألاعبه لين العصر ما أخليه يرقد ... بعدين أرقده لين المغرب يعني بين 7:30 أو 8 و بعدها أخليه واعي لين 11 أو 12 أغير له وأرضعه و اقمطه و طبعا إضاءة خفيفة لأني لاحظت إن يخاف بالظلام يقعد يصيح و بالنور ما يرقد عدل يعني يقوم و يرقد .. وبعد لاحظت إنه ما يحب الحر ...يعني الغرفة لازم تكون باردة نوعا ما ... بس انا حاطة على سريره ناموسية غليطة عشان ما يمرض من البرد.. و بعدين يتم راقد من 12 لين الساعة 6 أو خمس يرضع و يرجع يرقد...

حاولي تطبقين هاي الطريقة و إن شاء تنجح معاك...لأني انا موظفة و ما أقدر عالسهر..