لسا ساخن !!! برواز جديد ..وخلفية الخشب ..

السلام عليكم ورحمة الله وبركاته

عمل جديد ..وزي ما قلتلكم لسا ساخن ... ريحة اللكر لساتها فيه ههههه
ربما يكون فيه فكرة جديدة وأسأل الله انكم تستفيدو منها ولو شيء بسيط ..وإن شاء الله يعجبكم ..

أبدأ مباشرة في العمل ..

قصينا فريم خشب حجمو 100في 80 سم وهذا الحجم حلو جدا ومرغوب جدا عند الناس ..وغطيتو بجلد لونو بني ...
ليش جلد ؟ لأنو بيسكر الألوان من أول مرة ..القماش بدو أكتر من وجه لون .. وكمان لانو رح يعطي لمة أقوى لما يتلكر - انتو بتحكو ورنيش - ..
طيب ليش بني ؟ لاني رأ أستفيد من خلفية اللون البني في تلوين خلفية البرواز..

وبدأت ألون البرواز بلون أكريليك بيج فاتح .. وخففتوا بالمي علشان يظل أثر خلفية الجلد البنية واضحة من وراه ..
1


طيب هلا أنا بعتمد في فكرة البرواز كلها على عمل تأثير ألواح الخشب كخلفية للبرواز ...
لشان هيك بعد ما لونت بلون بيج فاتح مخفف بالماء ..بأت أمسحو بشكل طولي بخلفية الاسفنجة تبعت الجلي ..يعني من الجهة الخشنة .. علشان يبين زي خطوط للون ورح تكون في من أثر اللون البني لانها هي الخلفية أصلا ..
شوفوا الصور بتوضح أكتر

2

3


وبعد هيك ولسا اللون طري ما نشف .. بأت أدهن لون بني لى اللوحة بشكل طولي برضو لكن بدون ما أعيد على المسحة ...يعني بكون في في الفرشاية اللون البني طبعا رطب بالماء .. ببدأ المسح كيفما اتفق بدون ما امر على كل أجزاء الخلفية البيج ..وبدون ما أعيد .... ايش راح يصير ؟ الفرشاية رح يختلط لونها باللون البيج ورح يخلص لونها خلال المسحة ويظل آثار ..وهيك بكون بدأت بتشكيل خلفية الخشب

4

5

6


طيب لحظة !!!


ممكن وحدة تسأل طيب ريح حالك وسوي بالأداة الي بتعطي أثر الخشب ... في جلدة تطبيع بتنمسح بطريقة رفع وتنزيل بتسوي أثر عروق الخشب ...
نعم اعرفها وعندي اياها لكن ما بدي اعمل فيها لسبب انها بتطلع اثر عروق الخشب قريبة من الحقيقية وانا ما بدي هيك بدي يكون فيها عفوية وشغل ايد بشوفها احلى ..


طيب وهلا جبت هاي الريشة ..

7

على فكرة هاي الريشة ما كانت هيك انا قصيتها حتى تكون مائلة لكن في منها بهذا الشكل المشطوف موجودة بكثرة لكن ما عندي منها فسويت هاي
طيب لاحظوا حطيت اللون لى زاويتها فقط حتى يتدرج اللون ونزيد من أثر العروق

وبعديت جبت ريشة أصغر حتى احدد العروق اكتر

8


وهيك جاهزة بالعرض
9


هلا وبنفس الطريقة السابقة حبيت اعمل زي لوحين خشب على زاويتين للبرواز
10