الله يرزقك الزوج الصالح الي يسعدك ويملا حياتك وبنسيك كل صحباتك

قريت موضوعك واللي استنتجته منك ومن وجهة نظري انكم شاغلين نفسكم ببنات عمكم وراه الحساسيه ذي ؟
حسستينا ان اللي صار لبنت عمك من خيانه وتغير بحياتها الى موت زوجها وترملها عشانها بس بطلت تجلس معكم زي اول
والان حولتوا على بنت عمك الثانيه
ياحبيبتي اي وحده بتتزوج صدقيني بصير تغيرات بحياتها شي غصبن عنها مو بيدها
والبعض يفهمه انها صارت كذا لانها شايفه حالها ومن هالكلام لا غلطانين الحساسيه اللي بالبعض هي اللي تخيلهم يشوفون انها تغيرت ويقارنون فيها الان وقبل زواجها وهالمقارنه خاطئه
انا كثير شفت بنات تغيروا بعد زواجهم وقريبات لي بعد
بس وش له نشغل انفسنا فيهم ؟ اتمنالهم السعاده وخلص الله يوفقهم بحياتهم
لو تصفي النفوس كان العالم بخير

موووو شرط كل اللي تزوجوا وتغيروا هم تكبروا أو نسوا إللي حوليهم يالولينا الله يسعدك ^_^

أنا لو بنظر بهذي النظرة للي حولي راح أتعب كثير وراح ندخل في دائرة الشك في نواياهم وهذا مايصير هذا الأسوأ هذي اللي يجر الأنسان لكره اللي حوليه من دون مايدري ويبدأ الشك والتوتر وسوء الظن ووو وتدخلي في دوامه

كل قرايبي وأخواتي اللي تزوجوا تغيروا لطبيعة الزواج نفسه انشغلوا بالزواج والزوج والمسؤليات وطبيعي إذا بتجلس معاك وحده متزوجه لاشعوريا راح تتكلم بالجو اللي هي عايشة فيه زوج وأولاد وحمل !!!

وأنتي لاشعوريا راح تتكلمي بإهتماماتك كبنت !! فتكون شوي الأهتمامات بينكم مختلفة بس مو شرط القلوب متفرقه


عشان كذا مو كل متزوجه نواياها سيئة بعضهم من محبه يتجنبوا جلسات البنات عشان لايتكلموا بشيء ممكن يجرح مشاعرهم

واللي تتصرف بكبر وغرور سواء اللي تزوجت أو البنوته هذا شيء ثاني يعتمد على نية كل واحدة فيهم ومواقفها

فالظن في الناس بخير أفضل من العكس

وأكرر المتزوجه ظروفها وأهتماماتها راح تتغير ومشاغلها وعلاقاتها راح تختلف

لكن هذا لايعني تنسى أو تتجاهل أحد

وفي نقطة يتجاهلها أكثرنا وهي إنه أحيانا الآخرين يتغيرون لآن نظرتنا إحنا لهم تغيرت ومو العكس

قصتك فيها خير سويتيه جزاك الله خير أنتي وأخواتك مع أني ماستوعبت القصة تماماً لكن طالما قدمتوا خير راح تلاقونه إن شاء الله

وفيها غصه لأن حياتكم كبنات مع قريباتك تغيرت بسبب الزواج لكن هذي أمور مع الوقت تنتهي وتبقى المحبه في القلوب

أهم شيء أحسني الظن بالآخرين وحطي في بالك إنه مو شرط التجاهل كره أحيانا من محبة البعض يتجاهل عشان لايجرح مشاعركم

وطبيعي جداااً حياتنا كبنات وجمعات القرايب مع بعض راح تختلف بإختلاف الظروف والمسببات وزي مايقولوا البيوت أسرار وماأحد يعرف إلا الله بقلوب البشر

أنا أنصحك تعزمي قريباتك أللي تتوقعي تجاهلوكي وتعزميهم وراح تشوفي أنهم هم نفسهم بس ظروف الحياة تفرض تغيرات على الأنسان

والأصيل يبقى اصيل ماتغيره الظروف


الله يوفقكم ويجمعكم بالمحبة بنات ومتزوجات ويسهل لكل واحدة دربها في الحياة بصحة وسعاده وسلام ^_^

الله يسمعك منك بس م بينسي صاحباتي ;)
او اقل شي م بينسيني حتى السلام ع العازبات الانو الاخلاق
شي متأصل في النفس مومعقوله زواج ينسيك اداب المجلس وفضل السلام

قليل تعقيبي على المواضيع

لكن بموضوعك ما اقدر اتجاهل الرد

بصراحة ونعم التربية ما شاء الله تبارك الله

صلة رحم وعقل وأدب ومنطق سليم ومتوازن

للأسف بهالزمن نفتقد مثل هالأخلاقيات

الله يكثر من أمثالك واخواتك ويجزى ميمتكم الجنة على التربية.