لست مهمة في حياة زوجي مطلقا .. وجودي لدية مثل عدمة <<هذا مايملية على احساسي

السلام عليكم ورحمة الله وبركاتة
انا من متابعين هالقسم وهذا اول موضوع لي ..شدني تعاونكن مع بعض واعطاء النصائح لبعض جزاكن الله كل خير..

مشكلتي ممكن كلكم تستغربون منها وممكن ما اعرف شلون اوصلها لكم لكن با احاول قد ما اقدر...

انا متزوجة من 4 سنوات ولدي ولد واحد فقط عمرة سنة و4 شهور ..

طبعا انا من جبت ولد سكنت عند اهل زوجي وكان اقتراح مني انا شخصيا وانا مو ندمانة والله لان تعامل اهل زوجي معاي قمة بالروعة وهن امة وخالتي واخواتة ثنتين وشغالة والعائل الوحيد لهم هو زوجي لانة الولد الوحيد

ابوهم متزوج في بيت لحال وشايب وكبير ..


طبعا ام زوجي واختها الكبيرة يصيرون خالاتي اخوات امي ..
وعند قرار نزولي من شقتي والسكن معهم جميعهم رحبو الا ان زوجي رفض ولكن انا اقنعتة عشان الولد يتربى مع اهلة ومع جداتة وما يجية توحد وانطواء ..

والحقيقة يابنات ان هاذا ما كان السبب الكبير الي خلاني انزل بس السبب اني انا ابغى زوجى وابي جلستة وسواليفة لان زوجي طوال النهار وهو تحت بيت اهلة وقليل يصعد لي بالشقة الا وقت النوم والا الاكل ..

والله يابنات ما ادري زوجي يحبنى والا لا .. بس الاكيد انة مايكرهني وهالشي واثقة منة

يابنات مشكلتي انا مو مهمة بحياة زوجي .. يعنى انا اعتقد وجودي مثل عدمة عند زوجي واحسة متزوج عشان ينجب عيال وعشان يبتعد عن الحرام على انة بالامور الجنسية رجل قادر على الصبر وممن مايسويها بالشهور ..

لا تقلون ضعف بالعكس زوجي اي شي يثيرة بس ملتزم ويخاف ربة وما يطالع امور تثيرة عشان كذا يقدر يمنع نفسة..

نرجع للموضوع..والي هو انني غير مهمة بحياة زوجي ..

والله يابنات لو ابي اجلس عند اهلي سنة ماعندة مشكلة وقت حملي جلست ثمان شهور عند اهلي لاامور صحية ومارفض صحيح كان فيها زيارات لبيت اهلية بس ماكان فيها مبيت عندة..

لما يجونة رجال يكلم اختة تسوي القهوة وتجهز الصفرة لهم.. انا مستحيل يامر علي ..

وهالشي من قبل لا انزل حتى ان اختة الكبيرة محترمة والله وذات دين واتذكر زمان وقت كنت فوقهم كان مايامر الا على اخواتة .. وكاني سمعتانها ضايقها هالشي وتقول ليتة يامر على زوجتة بس انا رحت لها وقلت والله منة مو مني واتفهمت الوضع وحتى قلت لها قوليلة اذا طلبك شي قول لزوجتك وهي بالبداية قالت بس لا حياة لمن تنادي..

وهي ماعاد صارت تقولة وانا تقدرون تقلون اني استسلمت صح احيان انقهر خصوصا اذا كنا بالبيت وبالصاله ويجينا ويقول وين فلانة اختة طبعا ونقول هناك يناديها فلانة فلانة جهزي قهوة وشاهي وحطيها بالمجلس بيجينى رجال.

بالاول الموقف شوي حساس بالنسبة لي الان صار شي طبيعي .. حتى خالتي لو سال زوجي وش عشاكم قالت لختة

فلانة سوو عشا لفلان ...


تحسون وجودي بالعائلة زيادة عدد ومالة لزمة وولدي والله يحبونة ...

انا احبهم اهل زوجي ويحبوني بس استغنا زوجي عني مقلقنى واحيان اقول زوجي ماحس انة متزوج الا الان

اخاف يفكر بالزواج..

المشكلة عمرها 4 سنوات يعنى مستفحلة والوضع صار روتين مستحيل يتغير ..

وش لون ابين لزوجي اني مهمة بحياتة احس مالي فقدة بحياتة ابد ...

والله بينى وبين نفسي انا احس اني غير متزوجة ... مااحس بالمسؤلية ولا احس بسواليفة

احس اني محسوبة عليهم زيادة عدد بالبيت فقط..



تصدون يوم جانا رجل التعداد السكاني ودي ادرى زوجي عدني من ضمن اهل البيت والا لا؟؟؟!!!