لسرير تفوح منه رائحة عطر .. جنااااااان .. ومن صنع ايدك >>
--------------------------------------------------------------------------------
اولا قبل كل شي .. اذا تحبين ان زوجك يشم من السرير اللي ينام عليه ريحة عطر جنااااااااان ..
كملي قريتي موضوعي للآخر ..
تبين زوجك .. يشم الريحة الحلوة .. وينادي عليك ويقول .. يا ام فلان وش ذي الريحة الزينة ؟
متى رحتي السوق شريتيه ؟
كملي قريتي موضوعي للآخر ..
اذا اردتي سرير تفوح منه ريحة عطور رائعة .. وبدون اسراف ولا تبذير ..
كملي قريتي موضوعي للآخر ..
حبيبتي دامك كملتي قريات الموضوع .. فانتي زوجة مثالية وحابة ان زوجك ينعم بسرير تفوح منه ريحة
وااااااااااااااااااو ............. جناان ..
قبل كل شي .. ابدءي بتجميع كل العطور اللي عندك .. الزينة والشينة .. حتى عطور عيالك هاتيها ..
وهاتي بعد كل انواع البخور اللي عندك .. كلها دون استثناء .. جمعي البخور والعطور ..
بعدين .. شوفي شرشف السرير الطقم كامل يجي معاه شرشف صغير اغلبنا ما يستخدمه وانا منهم ..
هاتيه اغسليه بالغسالة اقل من خمس دقايق .. بعدين حطيه بالنشافة بس لا يطول فيها يعني طلعيه وهو باقي
فيه شوية مويا .. صفطي الشرشف ورتبيه وهاتي العطور والبخور حقتك كلها وبخري الشرشف بكل البخور
وبعدين رشي العطور عليه بين الطيات والصفطات ومن فوق وتحت وعالجوانب .. عبيه مرة من كل نوع
بهذا الوقت تكوني حاطة الشرشف بكيس نايلون .. بعد ما تخلصين اربطي الكيس زين وشدي عليه ..
وش تتوقعين تسوين فيه ؟
حطيه بالفريزر .. حطي الكيس بالفريزر واتركيه ثلاث ايام بعدين طلعيه وافرشيه تحت الفرش الاساسي حق السرير
وتعالي شوفي الريحة تجنن .. تدوم تقريبا من خمس لست شهورررر .. انا اسوي نفس الطريقة بغطى المخدات
اجيب غير طقم السرير .. وبعدين اغطي المخدة بالكيس الاول المعطر وبعدين البس المخدة الكيس اللي طقم
السرير ..
هذي تجربتي انا وبصراحة سريري ريحته رووعة حتى الغرفة صارت ريحتها تجنن .. وما اقدر استغني عن
هالحركة كل شوي اعيدها ..
جربوها وعلموني بالنتايج
مع حبي للجميع,,,,,,
عنود نجد2006 @aanod_ngd2006
عضوة جديدة
يلزم عليك تسجيل الدخول أولًا لكتابة تعليق.
بعد دنيته
•
مشكورة والله يسعدك ويوفقك ويهنيك بحياتك ..
يعطيك العافيه...الفكرة غريبه وحلوة..بس معقول أعطر المفرش بكل انواع العطور..احس عطر واحد مع البخور يكفي..لأن اذا اختلطت الروائح تطلع النتيجه موحلوة...
الصفحة الأخيرة