لسه خارجه من نفاسي.. ياريت الاخوات يبدأو معي الحفظ بالصوت وجزاها الله خير

السلام عليكم ورحمة الله وبركاته
اخواتي في الله
لجات لكم بعد لجوئي الي الله لاني املي فيكم كبيييييييييييييييييييير
انا لي قصة طويله في الحفظ ملخصها اني كل اما اجي احفظ مع احدي الاخوات يحصل ظروف وننسي
واخيرا
لاقيتكم في هذا الركن
ياريت انا لسه خارجه من نفاسي من كام يوم وبجد بجد عاوزة احفظ القران بس عاوزة اللي تساعدني وبالذات بالسماعه لاني ضعيفة بالكتابه وكمان علشان يكون فيه تشجيع وتحميس اكتر
انا كنت حافظة حزب من البقرة والجزء 29 و28 و30
بس للاسف نسيتهم
ومشاغل البيت بتمنع بطريقة صعبة جدا
فيجزاها الله خيرا بجد اللي تبدا وتشارك معي في الحفظ ولكن ببطء لاني مش هاقدر ارنظم بين ده وشئون البيت والاولاد
فانا بقترح ياتري مين اللي مستعده تحفظ معي من اول البقرة ويكون صفحة كل 3 ايام يعني نقسم الصفحه 3 اجزاء كل يوم جزء منه معلش اكيد هاتقولو ايه البطء ده بس ده علشان يبقي سهل عليا واقدر احفظ بسهولة وفي نفس الوقت ما اتركوش ولا ايه رايكو؟؟؟؟؟؟؟؟؟؟؟؟؟؟؟؟
يعني كل 3 ايام نسمع لبعض الصفحة
وياريت لو فيه اخوات حافظين كتاب الله كامل يدخلو يشجعونا ويطولو بالهم علينا وفرصة لتاكيد الحفظ
ياااااااااااااااااااااااارب حد من الاخوات يشارك معي
والله مش هاتتصورو الفرحة قد ايه لو لاقيت اخت تشارك معي
بس فيه مشكلة
وهي اني سجلت علي السكاي بي وعلي الهوت ميل بس بعرف اشتغل كويس علي الهوت ميل
لكن السكاي بي مش فاهمة فيه حاجه ياريت لو كده حد يفهمني ازاي بيشتغل او بتسمعو عليه ازاي


ويجزاها الله الف خير اللي بتساعدني ولها الاجر والثواب باذن الله



ملحوظة
انا عندي طفلتين وشئون البيت صعبة وكمان اعتبر في غربة يعني نفسيتي الحمد لله وزوجي علطول مشغول واحيان يبات برة البيت فياريت تعينوني واللي تشارك يكون عندها صبر
واسفه علي الاطالة

وجزاكم الله خيرا