اليوم جبت لكم طرق طبيعيه للي تبي شعرها يصير أشقر بدون أي صبغ او اكسجين او حتى حنا..
أنا شخصيا ما استخدمتها بس قريتها في منتدى امريكي وحبيت أنقلها لكم
الطريقة الاولى
المكونات ( الاشياء التي ستحتاجينها ):
شامبو وبلسم
3 ليمونات (ممكن تزيدين العدد فكلما زاد الليمون زاد التأثير)
مقدار من الخل
الخطوات:
1. اغسلي شعرك بشامبو بانتين pro-v وبعدين استعملي بلسم بانتين برو في <<<< مادري وش معنى هذا الشامبو، بس ممكن استعماله بالشامبو اللي يناسب طبيعة شعرك
2. بعد الغسل والشعر لا يزال رطبا، اعصري الليمون بدون اللب في شعرك (وهذا ممكن تسوين العصير قبل)
3. جففي شعرج بالاستشوار الهوائي
4. خذي الخصل التي تريدين عمل (هاي لايت) لها، وتغمسين اصابعك في الخل وتمسحين به على الخصل..
5. اجلسي في الشمس لمدة ساعتين ( بس لاتصيدج ضربة شمس ) مايسوى علينا الاشقر
6. كرري العمليه (عند الحاجه) واجلسي في الشمس ساعه أخرى
هذا من شأنه انه يغير لون الشعر تماما يعني اللي شعرها اسود أو غامق يصير بني فاتح بخصل شقرا
والعملية تكرر كل جم شهر طبعا ..
الطريقة الثانيه
سوف تحتاجين:
عصير ليمون
بيض
(المقادير المناسبة لعمل قناع لشعرك، وكل شعر وكثافته وطوله)
الخطوات:
1. اخلطي الليمون والبيض مع بعض حتى يصبح الخليط ناعم ومتجانس
2. في الحمام، الله يعزكم، وقبل غسل الشعر بالشامبو، ضعي القناع على الشعر لمده 15دقيقه
3. اغسلي شعرك بماء دافئ وليس حار واغسليه بالشامبو
4. بعدها ضعي البلسم واغسليه
5. بعد البلسم رشي عصير الليمون على شعرك واشطفيه بالماء
وصار عندك شعر اشقر :bigsmile:
هذي الطريقه من المفروض انها تفتح الشعر 3 درجات أفتح من لونه الحالي وتنفع للشعر الفاتح اصلا وليس غامق، او على الاقل هذا اللي اظنه لأن صاحبة الطريقة شعرها أشقر غامق أو بني فاتح في الاصل
وان شاء الله تعجبكم الطريقتين :
مــــــلاحظه:
الليمون ممكن يجفف الشعر فاللي
شعرها جااااف وتبغي تجرب هالطرق
لازم تهتم بالترطيب بعد ماتجرب..
وعلى فكره راح اجرب بكرا وحده من الطريقتين واقولكم النتيجه ..واللي تجربها تقولنا وشصار معاها
لكن ما أتوقع بيصير أشقر