لشغالات و انا والمكاتب وما اقول الا حسبي الله

انا من الرياض والشغالات مشكلتهن مشكلة وكل دولة فيها الزين والشين
جبت اندونيسيات بعضهن محترمات وبعضهن متعبات
لكن ليه تسفرينها اضغطي عليها شوي واذا ماأدت الواجب عليها اشتكوها للمكتب
والله حنا يالسعوديين اكثرنا حقوقنا مهضومة ,,,عند أي مشكلة وخاصة اذا كانت مشكلة اخلاقية تسفر على حسابنا وحقوقنا ضايعه
امسكي عليها بعض الرواتب عشان ماتهج واذا اضربت قولي لها مخصوم من راتبك واتركيها ايلامن يطيح اللي براسه
ادعي ربك ان الله يعطيك من خيرها ويكفيك شرها

قولي لها سفرتك على حسابك انا ماعندي استعداد
انت جيتي من بيت اهلك وعارفة انك رح تظلين عندي
سنتين ليش تجين الحين وتسوين كذا ؟؟؟؟؟


اضغطي عليها وترى العيب مو منها من المكتب لأنهم فهموهم اذا حبيتوا تتركوا البيت اصبروا ثلاث شهور
بعدين اتكلمواعشان يصير الحساب على الكفيل لو تكلمتوا في الثلاث شهور الحساب تبع السفر عليكم
فهمومهم كل شيء حسبي الله عليهم ,, واذا تبغين
نصيحتي غيري المكتب والله يعينك ,,

مشكوريين خواتي
بس ما عاد اقدر اخليها في البيت انا عندي طفل صغير اخاف تحط حرتها فيه

حبيبتي

المكاتب طايحين هالايام يبيعون الشغالات بيعيها ولاتخسرين فلوس اكثر من اللي خسرتيها..
..
وحتى لو عرضتيها في المنتدى رايحه تنباع

الله ييسر أمرك

حبيبتي حاتنا نفس حالتك

وانا ماغير اجيب مرة اندنوسيه ومرة سيلانيه والبلاء واحد وتخيلي خلال اربع سنين ثمان شغالات واوقات طويله جالسه ماعندي احد يعني لو جمعت مدة جلوسهن كلهن ماتجي سنتين

الله يخلف علينا لو يدرون ان فيه احد يحاسبهم اذا غلطو والله ماسووو سواتهم بس من امن العقاب اساء الادب

وانا دائما ادعى على هالحريم السعوديات اللي قاعدات يغرنهن بالتلفونات وفي الاسواق والملاهي ويقومن بتشغيلهن الله لايحللهن ولا يوفقهن ويعجل بعقوبتهن دنيا واخرة