لصاحبات البشرة الدهنية

وبارك لج يا عمري.
حبيبتي الاساس السائل مايغطي عدل حق البشره الدهنيه,
لكن في استثناء في واحد اذا قررتي تروحين مع السائل من estee lauder اسمه double wear ثقييل و مايتزحزح وغطي عدل اذا اخترتي من لونج, والي اعرفه الcompact يكون بودره مضغوطه تمتص الدهن و يكون للتغطيه الخفييييفه و في يستخدمونها فوق الساثل, للامانه ماجربت الا الكومباكت مال dior و عادي انا استخدمه عشان في spf 15 اريح من لاحط كريم, واذا كان قصدج الكريم الثقيل الي يتحول بودره لما تحطينه فهو عجييييب وحاليا ادور عليه, لان مره من زمان جربت شدو يصير نفس الحركه و كان خيال, فتخيلي الفاونديشن, يقولون ماركة avon عندهم واحد جذي,
و للآثار استخدمي concealer خافي عيوب عندج NARS الي مثل الحمره ثقيل حلو و MAC يكون مثل علبة الشدو دائريه صغيره, و اذا تبين للبشره المختلطه ويكون بالشتا اوكي اخذي clinique اسمه super-balance وبالتوفيق يا قلبي

ونسيت اقولج في اساس base شفاف يمتص الدهن الزايد و نشف البشره قبل الفاونديشن اتوقع تلقينه عند الbody shop و MAC

اللة يبارك فيكى طيب جربتى اساس ماك المضظوط

تصدقين ذكرتيني فيها :) الله يعافيج,
اذا كنتي تقصدين البودره المضغوطه اسمها studio fix وهي خفيفه عاديه تناسب البشره الدهنيه,
و اذا قصدج الاساس الي مثل الكريم بس مضغوط وثقيل, اي, بس نسيت اسمه,
و ماجربته وايد لاني ماحب احط اساس, وكان عندي مناسبه هالشي من سنتين تقريبا وعلى ماذكر استااااااانست من شكلي والله, مشاء الله تبارك الله ولا شي يبين حتى حطيته تحت عيوني و اهو خافي و كونسيلر بنفس الوقت, بس لاني اخذت لون يناسبني تقريبا كان لوني بالضبط وهذا الحلو بماك انه ألوانهم حقيقيه و وااااايد لازم تلقين لونج, اما اذا اخذتي افتح او شي غلط صراحه مادري شلون بتطلع النتيجه, والحلو انج تقدرين تجربين وتحطلج اياه كامل قبل, بس تأكدي اسفنجه يديده وكل شي ماوصيج, واساسا هذا اسلوبهم لاتحاتين, اول شي جربي اللون عند خط الحنك وقارني بلون رقبتج لان مرات الويه يكون افتح, واذا خذيتي عليه يطله شكلج غلط كأنج حاطه ماسك ولون جسمج و رقبتج غير, واي شي ثاني انا حاضره

تسلمى يا روحى:26: