انا جيت استراليا ولدي عمره ثلاثه شهور
آآآآآآآآآآآآآآه ياسوى في حاله جنننننننننننني والرحله طويله 13 ساعه
والحين احتمال ارجع لاهلي اجازه وهو عمره 8 شهور وشايله هم من الحين ..
الله يحفظهم متعبين مره في السفر

دمت لاحبابك

صراحة ما أنصحك تسافرين بأي طفل هاااادئ أو عصبي وهو تحت السنة من عمره..
لا لا لا لا..
صدقيني بتتعبيييييييييييييييييييين وبتنهلكين وبترجعين وأعصابك تلفانة من التعب والتوتر والإرهاق والفشييييييييييييييييييييلة قدام الناس..
وهو أصلاً بيتعب وما يدري شالسالفة..

أنا أقول لك هالكلام من تجاربي وتجارب اللي حولي.. في السفر مع الأطفال..
علشان كذا أنا ما صرت أسافر مع أي طفل قبل الثلااااااااااااااااااث سنين أصلاً مو بس سنة..

لكن أنا أقول لك للضرورة انتظري لما يكمل سنة على الأقل.. وتتنظم نومته ويقدر يتكلم شوي ويوضح اللي يبيه..

صدقيني حتى لو هادي راح يتعبك وتحسين السفرة كلها وأنتي بس تبحثين عن راحته وسكوته.. وأنت وزوجك أعصابكم محتررررررررقة..
وبتنحرمين من أماكن كثيرة ما تقدرين تر وحين لها مع الطفل..

يعني بس محسوبه عليك سفرة استغفر الله..

على العموم..
السفرة تفرق إذا خارج أو داخل بلدك..
يعني داخل البلد شوي أرحم..

لكن برى صراحة حرام تصرفين فلوسك على سفرة كلها صياح ورضاعات وبامبرز..!!!

على العموم إذا مرررررررررررة مصرة على السفرة عندي لك شوية نصائح منها:

1. حاولي تنظيم نومته قدر الإمكان وبدقة.
وإذا بغيتي تنومينه روشيه بالموية الدافية وعطيه وجبة مشبعة.
ومن الأوقات الأفضل تنويمه قبل السفر بالطائرة أو في الليل (قبل موعد نومكم بوقت كاف) أو قبل خروجكم للبساعات (حتى يكون مرتاح وشبعان نوم أثناء الخروج)..

2. جهزي لك شنطة حجمها مناسب (ما تكون مرة كبيرة يحرجك شكلها ولا صغيرة ما تكفي شي).. وضعي فيها غيارات ورضاعات جاهزة.. وكل شيء.. وجهزي ألعاب صغيرة وألعاب تتحرك علشان تلهينه فيها لما يصيح. وجهزي قطع أكل ممكن يتسلى فيها بأي مكان وما توسخ مثل البسكوت الحلو والمالح.. بالإضافة للموية الباردة إذا عطش..

3. اختاري عربية تنقل ما تكون كبيرة زي السيارات اللي نستخدمها حنا العرب.. لا.. العربية الصغيرة الناعمة زي اللي يستخدمونها الأجانب اللي تجي غالباً مخططة بالطول.. لأن هي بسرعة تنطوي وخفيفة وتقدرين تاخذينها معك كل مكان..

4. إذا زوجك يرضى خذي الحمالة اللي تشيلين فيها الطفل على البطن أو الظهر.. علشان يشيل ابنه على ظهره أو بطنه أثناء تنقلكم أسهل من العربة والطفل فيها يسكت ويصير أهدأ..
ومرة تصلح للسفر..

5. خذي معك أدوية حرارة وكحة احتياطاً.. ودواء الحرارة ممكن يساعدك لتخفيف أي آلام يعاني منها الطفل لا سمح الله.

6. لا تنسين الألعاب الخاصة بالطفل مثل المكعبات وغيرها.. علشان تحطينها له في الفندق إذا بغيتي تنامين أو ترتاحين تحطينها له وتخلينه يلعب..

7. خذي معك قصص أطفال مصورة وملونة.. ترى الطفل من يوم عمره 4 شهور يقدر يتابع بشكل بسيط وينبسط إذا سمع صوت أمه تقص له.. وإذا كان عمره 8 شهور وفوق بتحسين فعلاً إنه ينسجم سبحان الله ويهدأ.. خاصة في الطيارة إذا بدأ يطفش ويصيح..

8. خذي معك ملابس غيارات كثيرة للطفل وإذا كنت رايحة مكان بعيد أو في الطيارة لبسيه بلوزتين (يكون قماشهم مناسب) فوق بعض بحيث إذا وسخ وحدة تشيلينها وتطلع الثانية تحتها بسرعة..
هذي النصيحة قريتها مرة في مجلة.. وطبقتها لما رحت العمرة مع أطفالي بالطيارة مرررررة أفادتني يعني قبل ما ننزل من الطيارة لقيت ملابسهم متوسخة أكل وحلويات.. رحت بسرعة وبدون قلق شلحتها وطلعت الملابس اللي تحتها نظيفة..

9. خططي قبل السفر للأماكن اللي راح تروحين لها واختاري الأماكن اللي تناسب وجود طفل معكم علشان ما تتورطين هناك وما تدرين وين تروحين.. مثلاً مدينة الألعاب لا تفكرين تروحين لها ومعك طفل.. ما راح تقدرين تركبين شي.. لا مع زوجك ولا لحالك بيضيق صدرك..
والتخطيط أهم شيء لنجاح السفرة أساساً.. وتزداد أهميته مع وجود أطفال..

هذا والله يعينك.. هيئي زوجك نفسياً لموضوع الإرهاق قبل السفر.. علشان ما يتذمر هناك ويحط كل شيء على رأسك..

خلوقه الغاليه..
الله يعين بس وانتي صادقه ما اقدر اخليه ابد ادري اني بسوي فلم هندي
انا خايفه من الصياح وتقلب النوم خصوصا ان ولدي عصصصصبي يخوف اذا صاح
الله يعطيك العافيه خلوقه بس منتب معقده ابد الا عاقله والله يخليلك طيوفي القمر,,

ام لندا ,, ريماز.. ندى الورد,,
والله تبون الصدق شكلي بهون وانطق بديرتي احسن
انا بس ودي اعرف من تجارب الامهات وشو احسن عمرللسفر من الشهر الخامس لين سنه ونص؟؟؟؟؟؟؟؟؟؟

رسيل,,
كللك ذوق ونصايحك صراحه تثلج الصدر وتطمن الله يعطيك الف عافيه
انا بصراحه بديت افكر اخلي السفره بعدين اذا كبر
شكلي بعد بصبر لين يعرس يالله يرتاح بالي(:

لا اختي السفر بالصغير اسهل من الكبيروتراني مجربه والسفر بدون الطفل تظل سفرتك كئيبة وماليها طعم حتى لو كانت في الظاهر احلى من شهرالعسل لان الام ما تقدر على فراق اولادها نصيحتي سافري بالطفل عادي وتحملي التعب واستمتعي بالسفرة وتعب زياده حبتين .