السلام عليكم ورحمة الله وبركاته
الله يسعد أوقاتكم بالرضا والرضوان وطاعة
الرحمن00خواتي مضطرة الشهر هذا استخدم
مانع غير الحبوب لأنها أتعبتني وماعاد فيني أبلع
حبة وحدة >> أحلفي
وكتبت لي الدكتورة اللي أراجع عندها على لصقات
منع الحمل اللي هابين فيها :( هم يصنعون
وحنا < ....... > الشكوى لله
المهم نصحتني فيهم وتقول إنهم من ناحية اللآثار
الجانبية 50% فرق عن الحبوب ومن ناحية
الإستخدام وبالذات للي ينسون مثلي :time: أضمن لأنك
تستخدمين لصقة كل أسبوع ولا يترتب عليها
حرقان وغيره00 ومن ناحية فعاليتها مثل
الحبوب تماما عند إستخدامها لأول مرة تحتاطين
الأسبوع الأول إحتياط فقط وميزتها ماتعكر
المزاج وتجننك مثل الحبوب وإذا أثرت على
الوزن فإنها تنزله ما ترفعه :icon28:
تستخدم خامس يوم بالدورة على الكتف من ورى
أو بالعضد حسب المناسب لك إذا صادف خامس
يوم في دورتك الأحد مثلا تبدلينها الأحد الثاني
تحطين اللصقة الثانية بنفس المكان والأحد الثالث
تبدلين الثانية وتحطين اللصقة الثالثة والأخيرة
تنتظرين إسبوع وبعدين تنزل الدورة وهكذا
تخلف ندبة مكان اللصقة مثل الكدمات الملونة00
بعض من إستخدموها أشتكوا من حساسية بالجلد
بسيطة00
جابها زوجي بحدود 55 ريال أو 50ريال
كرتون فيه ثلاث لصقا ت (كل الكتابات إنقليزي
ماعربوها ) وسأل الصيدلي عنها وقال نفس كلام
الدكتورة بالضبط مثلها مثل الحبوب تعتبر آمنة
بالسنوات الأولى من الإستخدام وبعد كذا تبدا
آثارها تبان على الجسم00
من ناحية الطهارة وإنها تمنع وصول الماء أفتى
أحد المشايخ بجواز إستخدامها بدون تعليل وواحد
أجازها وقال إنها بحكم الجبيرة وأنا ماسمعت
بأذني ولا أفتي لكم 00
هذا اللي عندي عنها وحبيت أفيد وأستفيييييد لأن
اليوم أول يوم بالدورة وبستخدمها إن شاء الله ، وياليت اللي أستخدمتها
وتعرفها تشاركني جزاها الله خير00ولا تقولون
أبحثي بقوقل لأنه مايبل الكبد :dry:أبي تجارب من
الوااااقع
وسلامتكم :26:
(( لصقات منع الحمل )) هذا اللي عندي وهاتوا ماعندكم<يوجد ملف خاص لموانع الحمل المختلفه
2
898
هذا الموضوع مغلق.
* جمااانه *
•
رفع..
الصفحة الأخيرة