نهر العذوبه انتي فهمتي قصدي ايوووه اقصد الي دخلت زواج ثاني بهدوء وبمسالمه وبدون ماتقهر احد هذا اكبر دليل لكل من يضلمون الثانيه انا اذا صارت ثانيه انا ابدا ماعندي نيه اقهرها زوجته الاولى هي الاولى هي كل شي والاده اولادي واذا هي كرهتني الله يسامحها لكن مع مرور الايام بتعرف انه قضاء مقدر لكن بعدني مازلت اطمح للمطلق اطمح للي مثلي مثله مطلق لكن سبحان الله المطلقيين يبحثون عن الصغار فقط لكن املي في الله كبيير بالمطلق يارب

الزواج الثاني يعتمد على الزوج بالدرجة الاولى ..
ماله علاقة بالزوجة الاولى ابدااا.. اكيد هي بتزعل وتسوي مشاكل لانها عشرة عمرويمكن يكون مقصر معها ..
ومافي زوجة بالدنيا تقبل الزواج الثاني الا بحالات نادرة ..لان الي تسويه شي طبيعي ..

توافقين اذا جاك الرجل الكفؤ العادل الحكيم ..
الي يقدر يفتح بيتين من غير مشاكل ويقدر يعدل ويقدر يأسس حياة زوجية مستقرة
ويحط بيت ومهر ويتقدم بشكل رسمي مو سري ..او من ورى زوجته واهله ..
ويقول السبب الحقيقي لزواجه ماتكون نزوة ..
لانه بيتقدم في جو مستقر مافيه مشاحنات ولامشاكل لانه مقرر يتزوج ومظبط اموره ومعلم زوجته
واهله بالموضوع ..
انتي مالك علاقة ولاانتي مسؤؤلة عن العقبات والعراقيل ابدااا الي تجي معه ..
الا بحالة ان الزوج حازم ويقدر يحميك من الاذية والمشاكل مو يتخلى عنك من اول عقبة ..
بهالحالة تستمرين في الخطبة والزواج حتى لو فيه عقبات من غير ماتلتفتين لاحد ..


انتي يمكن ماعندك خيارات كثيرة لكن ان شاءالله ربي يرزقك بالرجل الصالح الكفؤ الي يسعدك ..

الاخوات اللي سبو الزوجه الثانيه وماخصصوا عمموا على كل النساء الخيره والشريره بغيت اقول لهم كلمه
وللاخت ام المصرقعين اللي تقول فضله الله اعلم ماتعرفين معناها بس ولا يهمك انا اعلمك الفضله من الفضلات الشي غير مرغوب فيه مثل البلوزه والفستان والاثاث وغيره وغيره وهو الشي القديم البايد نحذفه ونغيره بغيره عرفتيه ياحلوه وهي الشي اللي ينترك مو اللي يركضون وراه ماهو الشي الجديد حسبي الله عليك لانك بهالكلمه سبيتي امهاتنا وأبنائنا جعلك منتي بحلل ياقادر ياكريم قهرتيني بكلمتك على امي الله يقهرك اضعاف مضاعفه مضاعفه مضاعفه ثم الله لا يوجه لك الخير وين ماكنتي قادر ياكريم حتى ماستحيتي من زوجات الرسول امهات المؤمنين ونساء الصحابه الثانيات فضله اجل حسبي الله ونعم الوكيل فيك وقهرتيني على ابائنا اجل الرسول واصحابه فضله يعني بين زوجاته واعوذ بالله

لصاحبه الموضوع اسمعي حبيبتي انا اكتب لك تجربه امي ادخلي ياقلبي بنفس طيبه وصفي نيتك وعاملي زوجك وزوجته واولاده بمايرضي الله مافيه زوجه ترضى زوجها يتزوج عليها انا زوجه ابوي الله يطول بعمرها تزوج ابوي عليها عشان تعبت وجاها مس ولبس وهي معيونه الله يكفيك الشر ويشفيها ياقادر ياكريم وبنفسها قالت تزوج ماعاد اقدر على بيتك وعيالك وتزوج امي بس مع كذا لها مشاكل مالله به عليم الله يغفر لها فالغيره شي فطري اذا تزوجتي كبري عقلك عن امور كثيره وتغاضي واكسبي اولاده اعتبريهم اخوانك وخليك سند لهم ولابوهم صدقيني راح تجنين ثمره هالتعب وراح تزرعين احترامك بالغصب مهما صار ابعدي نفسك عن المشاكل وغضي الطرف واجد وترفعي عن امور واجد اهم شي واساسه بالنسبه لك الغيره تحكمي بغيرتك تعيشين لا تخلين غيرتك تسيطر عليك ابداً انتي سيطري عليها هو صعب جداً بس راح تتمكنين مع الوقت اهم شي خلي دخلتك خير مهما صار ترفعي عن المشاكل واسبابها والله يكتبك اللي فيه خير
وللخوات اللي تقول انتظري ومادري وش ترى البنت كبيره بتدخل الاربعين بعد كم سنه تنتظر لين يروح عمرها كله الرزق من الله اللي كاتبه لك بتلقيه حبيبتي
وترى ماله دخل حقيقه زوجته وافقت او لا اللي له دخل انه مو قسمتك لو قسمتك اخذتيه النصيب سهام وسهمه مو معك اللي معك بيجيك حبيبتي ابعدي تفكيرك ان زوجته مارضت لا ياقلبي قولي خيره من الله يمكن شر وربي ابعده لان انتي وكلتي امرك لله وطلبتي عونه وربي مايخيب عباده
واخيراً ترى الركيزه والعمده على الرجال نفسه مو عليك ولا عليها انتي تخافين الله فيها وهي تخاف الله فيك اما العدل والمصاريف واللي منه عليه هو عدل بينكم صدقيني بتتقبلون بعض مع الوقت ماعدل وراح مع وحده على الثانيه هنا بؤره المشاكل يعني لما بتتزوجين واحد متزوج لازم يكون حازم وعادل وجازم ورجل بمعني الكلمه مو اي احد بعض الرجال مثل البلون لو دقه دبوس انفقع
وعذراً من الزوجات الاوليات المحترمات والله ماقصدكم بكلامي ابداً والله يشهد ان فيه من الزوجات الاوليات اللي يحطون فوق الراس علي لكن فيه من الاوليات ماتسمع بموضوع زوجه ثانيه اللي جات وقلت ادبها حتى لو انها مره كبر امي تفش خلقها بكل وحده ربي كتب لها تصير ثانيه وهي عارفه ومؤمنه بقراره نفسها ان هالشي مكتوب وانه قسمه من الله من يوم كانت الثانيه ذي ببطن امها وهو انكتب لها كل حياتها وش تسوي يعني الله كاتبه تبونها تروح تقول والله ياربي ماعجبني غير لي قسمتني واعوذ بالله من هالكلام وكل وحده تفتي من راسها زي اللي تقول مكروه لو مكروه لقيتي حكمه بالشرع مكروه مافيه حكم بشرع الله يلف ويدور كل الاحكام نزلت لنا صريحه مافيها تأويل ولا تخمين
ترى فيه زوجات ثانيات صالحات الله يسلمكم يعني هدفهم العفه وتكوين اسره ومالها بغيرها وتراهم بشر خلقوا من طين ماخقلو من نار وتراهم عندهم احاسيس ومشاعر وترى ينظلمون زيكم اي عادي ماهي غريبه وترى ياكلون تبن بهالحياه لانه وبكل بساطه
مثل مافيه ثانيه شريره ترى فيه اولى اشر
العذر منكم مره ثانيه وثالثه ورابعه ..

حبيبتي اخذي الرأي مني واسمعيه زين
انا زوجة ثانية وبكر وزوجته على ذمته وهجرها
لكن شفت اقسى انواع العذاب بكل ماتحمله الكلمه من معنى انا اصغر منه ومن زوجته واجمل ومعي شهادة وكل هذه المواصفات امام المتزوج ذهبت هباءا منثورا واهله ينضرون لي الساحرة الشريرة التي خطفت الرجل من زوجته وعياله ويتحسبون عليه هذا كله غير انواع السحر اعوذ بالله الذي عملوه فيني من اول يوم خطبه وخطبتي كانت قاسيه وكلها مشاكل يعني لو اشرحلك منا لبكرا مابخلص العذاب اللي شفته والان انجبت منه والمشاكل والفضايح تزيد متنقص وافكر حاليا بالطلاق وانا عند اهلي حاليا
فيا أختي اذا هذا زواجك الثاني لاتوافقي بمتزوج ابددددددد لان الكرة بترجع عليكي وبيصيحولك ام العرسان حتى اهلك لاتحطي نفسك بهكذا موقف ابتعدي عن المتزوج هذه قصتي وقصه صديقتي ادهى وامر ايضا متزوج وغيرها وغيرها والزواج من متزوج لايدوم حطيها ببالك والله نصحوني من تقدم لي بالرغم من كانت قصه حب بيني وبينه لكني لم اسمع والحب تحطم وانهار امام المشاكل يااختي ابتعدي واذا تزوجتي من شخص متزوج بيجي اليوم وتذكرين كلماتي وتعضين اصابعك العشرة ندم لكن لايفيد مثلي دا ادفع الثمن غالي من صحتي وسمعتي والطفلة التي انجبتها ولا شخص هنأني بها
حسبي اللع ونعم الوكيل