لعبة اجتمعنا فيها للضحك والوناسة وهي the path كل شي عنها

التعريف

الطريق >< the path
اول لعبة عربية صنعت خصيصا لاطفال المسلمين ، تدعم اللغتان العربية والانجليزية
اللعبة تصلح لمن هم بسن 10 سنين فما فوق لما فيها من متعة وتخطيط وذكاء وبناء اسرة !
تعتمد فكرة اللعبة على بداية طريق المسلم في حياته وما يصادفه في كل << مربع >>
حيث ان كل مربع يحتوي على مناسبة
ويوجد اسفل كل مناسبة نوع للكرت الذي سيسحبه اللاعب

الشركة المنتجة



موقع الشركة

http://www.delawaregrouphk.com/

شعار اللعبة




الهدف من اللعبه
الهدف منها هي تكوين اكبر عائلة مع افضل وظيفة وبالمختصر المفيد تكوين افضل حياة جيدة وجمع اكبر عدد من بطاقة الحسنات الذهبية !

كيفيه احراز النقاط والفوز ~

من يجمع اكبر عدد من النقاط هو الفائز وليس من يصل اولا !
ويوجد لكل كرت كبير نجوم كل نجمة تساوي نقطة
انا الكروت الصغيرة كلها تساوي نقطة
الحسنات الذهبية = نقطتان
اللعبة جدا حماسية يلا نبدأ بطريقة اللعب

لنبدأ اللعب

اول شي لما تفتحوا العلبة الخاصة باللعبة راح تكون مكوناتها كالتالي



طبعا للعبة لـ4 لاعبين كل لاعب يختار له لوح بلون معين وقطعة بنفس لون اللوح والكل يصطف عند نقطة البداية



لاحظوا اخترت لونين الاحمر والاصفر برضوا اخترت اللوحين كل لاعب يكون معه لوح بنفس لون القطعة الي يلعب بها

الحين حرك السهم باتجاه عقارب الساعة << الاكبر يبدأ الى الاصغر >>



اوكي الحين نحرك القطعة مرتين شوفو وقفت فين عند هذي الخانة




طبعا مكتوب فوق المناسبة وتحت مكتوب نوع الكرت الي راح تسحبه
طبعا تروح عند الكروت وتسحب كرت بدون ما تشوف وش الصورة الي وراه



وهنا طلع لي بلايستيشن



نروح للوح الخاص باللاعب الي يلعب بالاصفر ونحط الكرت تحت قسمه المناسب والي هو التسوق مثل كذا



وهكذا ...
طبعا كل كرت تسحبه له نقطة ما عدا كرت الحسنات الذهبية له نقطتين
وكرت السيارة والبيت والوظيفة لهم نقاط على حسب الاختيار << مو انت تختار انت تسحب والي يجيك ترضى به !
المهم الحين عند الحسنات بقسمها الخاص

لاحظوا الحسنات الذهبية تختلف عن الفضية وذلك على حسب العمل الي عملته لو وقفت مثلا عند خانة انك تصدقت تسحب أي حسنة بدون ما تشوف وكذا تجمع نقاط اكثر =)
<< اكثر شي اعجبني بهذه اللعبة

الحين مرحلة الاحراج والي كل الحريم تصير خدودهم طماطم من الاحراج وهي مرحلة << توقف = الزواج >> !



طبعا من قسم الاسماء تختاري أي اسم ذكر بس اذا طلع لك اسم انثى لا تاخذيه بدليه لين تلقي اول اسم ذكر يطلع عندك
وتحطيه بخانة الزوج !




لاحظوا بعد الزواج في خانة اول طفل وبعدها بقية الاطفال
ملاحظة : ترى حتى الذكور لما يلعبوها يسحبوا اسم بنت وتكون زوجته ويرضى بالشي هذا وما يمانع !

طبعا من ضمن قوانينا في قانون خاص بهذه الخطوة وراح احطها بعدين بس تابعوا التقرير

في خانات راح تمر عليكم وهي



يعني عندك شي بقسم التسوق مو حلو وشفت اللاعب الثاني عنده شي تحبه تقدر لما توصل لهذه الخانة انك تختار أي احد وتبدل معه وتاخذ أي قطعة للتبديل ^^
ملاحظة : ترا التبديل باي شي ما عدا الحسنات والزوج والاطفال

برضوا في كمان









وهي انك مثلا بيتك شكله يضحك او كان بسيط وموعاجبك
لما توصل لهذه الخانة تقدر تغير بيتك بس بدون ما تشوف البيت الي راح تختاره !
وطبعا ممكن التغيير بكل شي ما عدا الحسنات والزوج والاطفال



الحين نجي للوظايف والاعمال لاحظوا النجوم عند الوظيفة ، السيارة ، البيت





طيب كذا امتلأ عندنا اللوح حقك



لاحظ عند الوصول لخط النهاية لا يعني الفوز
اول واحد يوصل يقدر يغير او يبدل ثلاث قطع من عنده
وثاني واحد واخر واحد
الصورة توضح




ويبدأ حساب النقاط واعلى واحد حسب نقاط هو الفائز في هذه اللعبة ويعتبر الفائز الثاني هو صاحب اكبر عدد من الحسنات ^^


يتبع لآخر فقرة

قوانينا الخاصة ~

طبعا ما يحلا اللعب الا بتحريف قليل من القوانين وهي كالتالي :
1-يجب على كل لاعب ان يمر من عند مرحلة الزواج تفاديا للاحرج وانجاب اطفال دون زوج ! صعبة شوي لذا الكل يمر من عند خانة الزواج حتى لو ما تعداها يعتبر تزوج << وش اسوي لازم امنع الاحراج خخخخ
2-اثناء اللعب وعند انجاب اول طفل مثلا انا طلع لي اول طفل اسمه احمد راح ينادوني طول اللعبة ام احمد ! ههههااي رووعة
3-لما توصل لخانة اللون حقها نفس لون القطعة الي معك لازم اول ما توصل لها تأشر للكل انك وقفت عند خانة نفس لونك حتى تقدر تبدل ، بس لو اشرت بعد مضي وقت ما ينفع

كذا انتهت القوانين التحريفية !
تقييمي للعبة
10 / 10
مع ان اتمنى يغيروا الاسماء لانها اسماء قديمة نوعا ما ^^"
وبرضوا ياليت يغيروا السعر مرررة حرااام كذا غااالي

الي اعجبني في اللعبة اهتماهم بالناحية الاسلامية بالطفل من حيث جمع الحسنات وايضا طمس ذوات الارواح برااافوا عليهم صراحة رائعة جدا



اشوف كلكم قمتوا تضحكون علي ههه
صحيح تقولون وش نبي بلعبة بزران بس لو لعبتوها وتشاركتوا مع العائلة كلها والله قمة الوناسة والضحك
اتمنى يعجبكم التقرير وياليت ما يكون مخالف بس حبيت تستانسوا معي شوي ونغير الجو
وترا انا من جدة واخذت هاللعبة من مدة من مكتبة جرير فأظن انها لازالت موجودة
اتمنى يعجبكم موضوعي ولا تحرموني من ردودكم ورأيكم باللعبة
دمتم سالمين

بارك الله فيك