لعبة للأطفال !!! زوجي علمني اياها !!!

بنات :

كلكم بتعرفوا لما الطفال بيبدأو باللعبة وبدهم يختاروا واحد يبدأ كيف بيختاروه ؟؟؟

بتعرفوا شو الغنية ؟؟؟


في وحدة بافنجليزي ( ميكي ماوس بيلد آ هاوس ، هاو ماني بريكس هي وانتس تو بيد هيز هاوس ؟؟؟؟ وبعدين بنعد من واحد لعشرة واللي عليه رقم عشرة بيبدأ !!!)

وفي اغنية :
في عصفور طاير
عم يقلي فطاير
كم فطيرة بدو ؟؟ حتى يشبع بطنو ؟؟
ونعد من 1 حتى 10




لكن زوجي غير اغانيهم بدوية اسمعوا :

حدرج بدرج
ناقة تعرج
عالتفاح وعاللفاح
يا قلايد يا ملاح
وقعت مني خرزة زرقا
قالت طش وفش
اطلع يا مفريت الكرش !!!!!!!!!!!!!!!!!!!!!!!!!!!!!!



انا انصدمت لما سمعت اولادي الصغار بيغنوها !!! والله !!
اللفاظ صعبة لكنهم اتقنوها وشكلهم مضحك لما ينطقوها باللهجة البدوية .

تخيلوا الفرق بين اغنيتي أنا عن العصفور وبين زوجي عن الناقة ل وبتعرج كمان

الان :
دوركم شو هي الطريقة لاختيار واحد يبدأ اللعبة ؟؟؟؟؟؟؟؟؟؟؟