واااااااااااااااااااااااااااااااااااااااااااااااو
احب ذا اللعب بشكل مااحد يتخيله اقولكم سر (للحين العبها)<<تراها كبيره بالجامعه:09:
تصدقون احبها مررره ايام حلوه يوم كنا صغار بذات ان عندي اخوات قريبين من عمري فما خلينا ولا لعبه الا لعبناها
بس كانت امي تقول رتبوا البيت كله ونظفوه واعطيكم ملابسي ومكياجاتي وجزمي وشنطي يااااااااااااي تعالوا شوفوا التظيف <<كانت تفرك الجدران بالديتول من السناعه..
ولا رتبنا البيت كله طلعنا اغراض امي وقسمانها بالتساوي ويالله نجمع كل ابو الخداديات والتحف والشجر والمراكي وكل الاثاث ونقسمه<<راح الترتيب هباءا منثورا هههههههههه
ثم يالله كل وحده تاخذ لها غرفه اللي تاخذ غرفة امي واللي غرفتنا واللي المقلط (يوووه ياحظها اللي تاخذ المقلط لانه يطلع على الحوش فتسوي جلسه كنها في حديقه وتحط كل المراكي والخداديات<<عايشين جوووووو هههههههههه
ويالله كل وحده تلبس وتحط من ذا الارواج وملابس امي بس تنانيرها تصير كبيره علينا يعني البلايز عادي بس التنانير تزلق بس ولو عباقره صرنا نلبس شلحات ونصفطها طبعا مغاط ماتطيح ههههههه
وخذي سواليف ورجلي راح لمصر وشرالي ورجلي راح لامريكا<<هذا اللي نعرفه يوم كنا صغار ههههههههه
ولا صحت امي من النوم قالت يالله رجعوا كل شي مكانه ورتبوه..يوووووه تجينا ضيقة صدر(ليه ليه ياماما ليه خلينا:(
وقمه القهر لا قسمنا الاغراض وخلاص بنبدا الا وابوي جاي يالله بنطلع يعني رجعوا كل شي كما كان يووووووووه احس اني مااحبني ذيك اللحظه..
ثم نرجع ونتربهم :(
والعبه الثانيه لا رتبنا المطبخ وصرنا سنعين تخلينا امي نلعب فيه مطعم<<مافيه لعب الا بترتيب..
نطلع جميع المعلبات اللي بالمخزن ونصفها كنها في السوبر ماركت ونجمع اكياس اسواق العثيم كلها على جنب ونجيب اله حاسبه ونسوي سوق ههههههههه ونخلي اخوي البياع وانا الحريم نلبس بالعبايات ونلعب هههههههه
بس جد امي كانت معطيتنا وجه لاني اذكر لا ناموا عندنا بنات خالاتي ينبسطون يقولون امكم تخليكم تلعبون باشيائها..عاد نرفع خشومنا نحس اننا كشخه وعندنا العاب غريبه هههههه
والله العابنا واجد
ولا ناخذ جميع الجزم الله يكرمكم اللي بالبيت ونسوي فيها طريع بالحوش ثم نركب سياكلنا ونلعب عيال <<انقلبو ماعاد صاروا حريم هههههههه
ونلعب مدرسات واهم شي نغير اسامينا ونطاق على العايله كلنا نبي عايلتنا ال سعود ههههههه (ال سعود ويشتغلون مدرسات هههههه قسم بالله انواع البراءه يالبى قلوبنا)
عاد اخر مره لعبت حريم قبل شهر عند بنات عمتي (بنات عمتي متزوجات اعمارهم بالعشرينات)هههههههه يعني للحين واحنا صغار للاسف ماكبرنا..كنت انا العروسه لفوا علي جلال وحطوا لي جلال ثاني طرحه وعطوني فازه بلاسيكيه لزوم المسكه والكعب اهم شي والروج الاحمر ونشغل الطق وبنت عمتي المتزوجه هي زوجي لابسه عبايه<<يعنني بشت هههههه وباقي البنات هم المعازيم ورقص ووناسه وابعدوا عن طريقنا وزفه ومطفين اللمبات
عاد اللحين انا بتزوج الله يتمم على خير :icon28:يعني المفروض اعقل خلاص بس بلااا فائده مازالت الروح الطفوليه جواتي:22:
:(
وتوته توته خلصت الحتوته...:)
واااااااااااااااااااااااااااااااااااااااااااااااو
احب ذا اللعب بشكل مااحد يتخيله اقولكم سر (للحين...
وكانت اختي الكبيرة تلعب معنا وتحوس الملابس والمراكي والغرفه واذا جاء قبل جيت ابوي بشوي تقول يووووووه مليت بطلت>>>تذكرون ذا الكلمه خخخخ
المهم اذا جاء ابوي من الدوام عصب علينا وعلى حوستنا ويقول يالله رتبوا ونجي ننادي اختي الكبيرة تقول اصلا انا بطلت قبل مايجي ابوي
وتروح الطقه في راسي انا واخواتي اللي اصغر مني >>شكلي بنتقم في بناتها مع بنتي الحين خخخخ
لا وفيه شي ثاني نص اللعبه تروح في كلمه وحده (كأن) كان ابونا ميت وكأن امنا ميته >>>بسم الله عليهم
كأن صدمتني سيارة وكأن وكأن
مدري فيه احد مثلنا في كلمة بطلت وكلمة كأن
يالله على قولة بعض البنات سقى الله تلك الايام