لعب بمشاعري وطلقني

السلام عليكم حبيت اذكر لكم قصتي ارجو منكم التفاعل انا تزوجت قبل اربع سنوات وكانت حياتي اول سنه من الزواج مستقره ولكن قدر الله اني اصبت بمرض وهو المس العاشق وبعد بشهرين حملت بطفلي الاول وكان طول مده حملي وانا تعبانه ونفسيتي تدهورت ماحسيت بفرحه الحمل وكان زوجي واقف معي في البدايه وبعدها بدا يتذمر ويشكو عند اهله من وراي وابدت اقرى عند الشيوخ منهم قالي سحر اوعين وحسد المهم انجبت طفلي الاول وكنت مستمره على الرقيه وقراه القران والحمدلله حسيت بالتحسن وبعدها رجعت لبيتي بس الي لاحظته تغير زوجي علي كان يطلع برى البيت ومايرجع الا الصبح واذا سئلته عن سبب التاخير زعل علي واحيانا يظربني حاولت اجلس معه علشان نتفاهم وكان يطلعني انا الغلطانه ويروح عند اهله ويشتكي مني كانت حياتنا كلها مشاكل وصار عمري ولدي سته اشهر وحملت بولدي الثاني وفتره الحمل يوديني عند اهلي ويرجع للبيت ويسكر على نفسه كم مرة رجعت للبيت ويكون هو مسكر على نفسه الباب الداخلي احاول اطق عليه واجلس بالساعات انتظره وبعدين ارجع عند اهلي مليت من تصرفاته كلمت اخوي الكبير وكلمه بس بدون فايده وكان دايم مقفل جواله بس حاولت اعرف الرقم السري وفتحت الجوال ولقيت يكلم بنت واجهته واعترف لي وغير شريحته الزبده مابي اطول عليكم تعامله معي متغلب وكان يقول لي احبك وماراح استغني عنك ويروح عند اهله ويقول انا تعبت ومليت منها وكان يشكي اهله عندي ويقول اهلي مايحبونك وحتى ولدك مايحبونه ويقول لامه اني مابيها واكرها اهم شي سبب فتنه بينا ولاحظت تغير اهله علي وكنت اسءله يقول مدري وش فيهم حسبي الله عليه كان يحفر من تحتي وانا مادري عنه والفتره الاخيره صارت مشكله بين ورحت عند اهلي وجلست شهر اتصل عليه اخوي وتكلم عليه وقال له خلاص ماتبيها طلقها ورد على اخوي وقال ابيها وهذي مشكله صغيره و راح تنحل وبعدها كلمني وقال انا واخوك تفاهمنا والحين ابي امرك قلت خلاص وركبت معه بالسياره وكان يقول لي احبك وتعذبت من فراقك اهم شي هذا الكلام قدامي ولا عند اهله يقول انه طلقني وحرمت عليه واليوم الثاني جوا اخواته عندبالبيت وتكلموا علي وطاحوا فيني سب وقالو لي انتي مطلقه وحرمتي عليه وش جابك وهو واقف يناظر للهم وجيت وسالته قلت له صحيح الكلام الي يقولنه مارد علي وبعين قالي خلاص امشي ابي اوديك عند اهلك وانصدمت وقلت خلاص اهلك يقول اني حرمت عليك طلقني ابي اسمعها منك وقال انتي طالق هذي قصتي مختصره بس ماقول الا حسبي الله ونعم الوكيل وليتهم سكتو بعد طلاقي طلعو علي سوالف وظلموني وقالو اني مجنونه اظرب نفسي وسخه واني معيشه ولدهم في جحيم وانا مستغربه ليش يسون بي كل هذا الله يعلم اني ماضريتهم بشي