بناتي يعشقون البطاطس .. ويريدونها كل يوم على السحور فكل شوية اغير في وصفات البطاطس عشان مايزهقوش او يملوا
ودى كام وصفة من مطبخي
وقريبا انزل كام وصفة أخري ان شاء الله
اولا :
صوابع بطاطس بالبصل والبقدونس
نحمر البطاطس صوابع ونكون مجهزين في قدر بصلة محمرة وعليها بقدونس مفروم على النار
نخرج البطاطس من الزيت فورا على البطاطس والبقدونس ونقلبها كويس ونحط ملح وفلفل وكمون ونجهز فحمة سخنة ونحطها مع البطاطس مع معلقة زيت ونغطي عشان البطاطس تاخد من ريحة الفحم
وبالهنا والشفا
ثانيا :
حلقات البطاطس بالبيض والخضرة
نقطع البطاطس حلقات رفيعة بس مش رفيعة قوي
ونحطها في خلطة القرنبيط او الزهرة
وهي : تجيبي بقدونس وكزبرة وتحطيهم في الكبة مع فصوص الثوم ونفرمهم
ثم نضعهم في خلطة دقيق وبيض ومعلقتين لبن حليب او مياه فقط لتليين الخليط وملح وفلفل وبهارات
كده نكون مجهزين الخلطة
نضع فيها حلقات البطاطس المقطعة في الخلطة ثم نقليها في الزيت
وبالهنا والشفا
ثالثا:
كرات البطاطس بالجبن والبقسماط
نسلق البطاطس كويس ونهرسها ثم نضع عليها ملح وفلفل وكاري وثوم بودر وبقدونس مفروم ومعلقة بقسماط ثم نصنع منها كرات من البطاطس ونحفرها من النصف ونضع بها جبنة موتزاريللا وجبنة شيدر مبشورة ونغلق الكرات
ونضعها في الثلاجة نصف ساعة او ساعة ثم نخرجها ونضع الكرات في دقيق ثم بيض فيه ملح وفلفل ثم بقسماط
ثم نضعها في الفريزر او في الثلاجة وقت كافي لفترة لا تقل عن ساعتين لتتماسك ثم تحمر وبالهنا والشفا
بناتك مثلي يحبوا البطاطس تسلمي ع الاكلات اللذيذه تسلم الايادي